《讓我重新遇見你》·緣圓系列·: 第五章 回憶

〔第五章〕 回憶

「陸添羽...係咪呢班？」正當我行返自己班門口﹐
一個背向我既女仔問。
咁熟既把聲？
「陸添羽！」門口既一個同學大叫「佢唔響...喂！又有女搵你啦！」佢指住背住女仔既我。
個同學應該知道我俾人表白﹐
如果唔係一定唔會用個「又」字。
佢講完﹐
成個班房即刻起鬨。





類似話我又有女搵果?﹐
挑﹐我理得佢。

擁有住淺啡色瞳孔既女仔轉身
係啊婷呀。
佢主動搵我！

「啊添...」佢好溫柔叫我個名﹐
我第一次咁鍾意自己個名。





我彎低179既身高望住佢﹐
「搵我咩事呀。」我笑一笑撫摸住佢既頭。
頭髮好柔好順滑...屌！
我做乜鳩？
好地地摸人﹐
變態佬咩家下。

我即刻收返隻手。
「冇人同我食飯呀...」佢低頭面紅咁講。




「我同你食啦。」為左掩飾尷尬﹐
我選擇行先。

學校附近都食厭曬﹐
M記食過﹐
快餐普通﹐
街市驚佢怕污糟﹐
所以我都係去左五十嵐食。
「啊添...呀...你唔介意我咁叫你架呵？」佢呆呆咁望住我﹐
隻眼好似閃下閃下咁...
好靚...
「咁我叫你啊婷﹐你叫我啊添好冇？」我側側頭懶可愛咁講。
想打自己...
「啊添～」佢好甜咁笑﹐
我個心好似食左糖咁。





班厹見到一定食左你都似。

行到去...
冇位。
有冇咁撚多人食五十嵐呀？

望下入面﹐
仆街﹐
係陸矛琪！
但佢絕對唔係我既親人﹐
雖然同姓。

佢係我既前度。
初戀。




同佢分左手之後我就再冇見過佢﹐
聽講佢退左學。

我唔想見返佢。
因為好瘀。

睇下其他地方有冇位。
到到都冇位。
「好心班人食完就走啦！」我心諗。
成個場﹐
只有陸矛琪後面張枱有三個位。
死就死啦﹐
佢睇我唔到既。

於是我就同啊婷一齊行過去。




扮睇佢唔到。
「陸添羽！」哇。
真係想避都避唔到。
陸矛琪主動打招呼。
「你識果個女仔架？」啊婷好天真咁問。
「係呀...哈哈。」我真係笑唔出呀屌！
「一齊食啦！」陸矛琪同以前一樣咁開朗咁活潑。
「識就一齊食啦！」佢拉住我隻手去左矛琪到。
啊婷正正坐響陸矛琪既對面。
OH SHIT﹐
我坐邊？
最後我都係選擇啊婷隔離﹐
亦好明顯睇到矛琪佢臉色沉左一沉。
冇可能架...
佢提出分手先架...




唔通佢...

幻覺黎架?﹐
嚇我唔到既。

一望住佢沉一沉既面色。
我瞬間諗起我同矛琪既回憶。

果陣既我成績真係好差﹐
如果唔係佢﹐
我一定留班。
每日同佢係圖書館溫書﹐
久而久之﹐
慢慢對佢產生感情...

「陸矛琪﹐我陸添羽鍾意你﹐做我女朋友啦！」我唔怕死咁企響班房既教師桌向入門口冇耐既佢表白。

果一刻既感覺好刺激﹐
腦空白一片﹐
但仍然感受到心臟猛烈地跳動。

同學既歡呼﹐
我一句都聽唔到﹐
只係聽到成塊面紅曬既啊琪一句「好。」

同佢一齊既時候﹐
佢成日拖住我去「泛后」食甜品。
「肥妹仔﹐先食完飯冇幾耐咋喎﹐仲有胃口食甜品既你。」我摵一摵佢肥嘟嘟既面珠。
「你依家係咪嫌棄我呀﹐肥仔！」佢扮曬想咬我隻手。
「就算你係全世界最肥﹐我都最愛你呀。」佢俾我既說話搞到面都紅曬。
果日係我地一齊半週年。

仲有一次﹐
籃球比賽...

「仲差一分...」曾偉雄眼尾睇到我﹐
即刻傳波﹐
而我響罰球線0秒起手﹐
球伴隨清脆既聲音跌落地下﹐
球入左。
全場人都為我歡呼﹐
我贏左喇。

我諗都冇諗就跑左去搵矛琪攬住佢「琪仔！我得左啦！」
佢推開左我同左講左最後一句既說話「我地係時候分手啦...」
我想捉住佢﹐
可惜佢已經走到好遠﹐
而我亦再冇見過可愛既佢。

矛琪﹐
究竟咩事？

比賽係贏左﹐
但我真係冇心情開心﹐
所以獨自換完衫就帶住比疲倦的身軀更沉重既心情離開。

自始之後﹐
我都退出左籃球隊﹐
只希望唔想每次出比賽都諗起心痛既回憶...