《讓我重新遇見你》·緣圓系列·: 第三章 桃花

〔第三章〕 桃花

「同你一樣囉。」佢笑住咁講，
而我都冇意識繼續問落去。

話咁快就送到佢去班房啦。

我返到我既4D班﹐
熟悉又陌生既男人味。





我呢班唔係冇女仔。
而係我班既女仔都好鍾意同男仔玩﹐
所以一早都當左自己班係男班黎架啦。

我坐響最後果排既角落頭位。
主角通常都坐響到架啦。

隔離既係我既老死﹐
亦都係話要娶牛角包做老婆既黃魯吉。
我同佢由細識到大﹐




事關我地娘親以前都好好朋友﹐
所以我地細個果陣已經成日去對方屋企玩。

佢都幾型架﹐
有米八，
雖然做啲野係毒左啲﹐
但以佢既美貌冧到幾多小妹妹。

「屌你！又遲到！」我左腳都未入門口﹐
佢已經屌鳩我。




「黃魯吉！企響身！」古sir一聽到佢句粗口﹐
諗都冇諗罰佢企。
我經過佢行返埋自己個位仲細細聲贈左佢一句
「柒頭。」
俾人話柒頭有邊個會鋸？
佢當然都唔會鋸啦。
怒睥住我。
眼都差少少俾佢睥瞎。

坐左陣﹐
wu﹐
小息。

古sir一走﹐
吉仔即刻開技「扣頭」﹐




「你老味！又雷鳩我！」成個班房充斥住我既慘叫同吉仔的憤怒咆哮。
「好好好﹐我賠罪！賠罪！」我攞出我既「人質」牛角包。
「算你啦。聽講A班黎左個靚女插班生喎。」佢講就一野咬左落個包到。
「啱啱見到啦！」曾偉雄跑左過黎同我地講。

曾偉雄都係我既好朋友﹐
由中一開始識架啦﹐
佢係籃球隊隊長黎既﹐
我本來同佢係好拍檔黎架﹐
但自從中二因為某些事﹐
我就退出左籃球隊﹐
亦從此收山﹐
所以我都再冇緣份同佢一齊打波。

「似黃翠如嘛。知啦。」我望住佢好細聲咁講。




「吓！你又知既？」屌乸星。
咁細聲你班厹都聽到？
「咁啱啫。」如果我同佢講我同啊婷食過早餐﹐
仲拖過手。
我條賓州真係凍過水。
「屙尿先。」咁危險既時候﹐
借尿盾是常識吧。

不過話時話啊婷隻手又幾滑架喎﹐
個人又白﹐
身材都好似幾好咁。

正當我回味緊好似天使般既啊婷。
響我前面竟然出現左個肥肥地又矮矮地攞住一幅人像畫既女仔﹐
「我印象中佢低我一級架？佢點解響到既？」我心諗。





「添哥哥﹐我鍾意你！」佢伸出佢手上面既果幅畫。
吓...
吓？
吓！
第一日就有桃花？
幅畫原來係畫我。
一個望住天文望遠鏡既我。