［嘗試無糖故］是她，還是她？: Ch.1 不能忘記的你

根據《有一晚一個來電》所言，回憶，都是突如其來地，被勾起了。
而我的故事，亦是一通來電開始，來電者亦是一個不能忘記的人。

2012年6月，一個本來平靜的夜晚，因為她，以及隨之而來的記憶
變得不平靜。

「中堅賓已變做敵人
得番桑治　艾蒙擔心
剩下沙皇了　似小丑抗爭
兵工廠　輸波只有　賴地硬的祖訓




盡信孩童　唯有靠運.....」
電話鈴聲響起，本來雙手還拿著浴巾擦濕透了的頭髮，不得不空出右手拿起手機。
「喂，邊位？」我一邊按下接通，一邊繼續擦乾頭髮。
「...喂...唔好意思...沙沙沙沙...我...」對方的信號接收不清
「喂喂喂喂？ 你想搵邊個呀?」
「我...沙沙沙...聽唔...聽唔到呀?」
「啊...唔係好清楚呀。」
「等我...沙沙...呀唔好意思...咁而家呢?」
「好清楚呀，請問你想搵邊位呀?」
「我想搵阿亭呀，李亭。」




這時，我發覺這把女性的聲音，有點熟悉的感覺。
「我係，請問你係？」
「有冇搞錯呀，我都唔記得，我係fanny呀!」她的語氣好像真的有點憤怒。
「fanny?邊個fanny呀?」
「......你......識好多個fanny......咩?」她的語氣好像很失望。
「咁又唔係喎，除左人事部fanny姨同清潔部fanny姐之外，無勒。」
「淨係得佢地？」她的語氣明顯是想提醒我一些事。
「啊，仲有個......你...你係fanny Lam?」我試探。
「係呀衰人，中學個陣挽得咁埋，你都唔記得我」她的語氣回復了生氣。
「我冇唔記得你呀，係一時唔記得咋。」




「係咪呀？」
「認真架！」
我當然不會忘記妳，因為...你始終是我的女神。