我,愛上了一個不可擁有的女孩: 五

"喂死仔, 尋日去左邊呀, 搵左你一日都唔覆機"我一返到學校就俾爆輝捉住黎質問.
"下....咪係屋企打機囉, 做咩丫......"
"係咩? 我尋日都打緊喎, 唔見你上線嘅?"
"下...玩細帳啫...."
"係咩, 咁點解我收到呢張相嘅?"
佢指住左張我同阿晴食飯嘅相
"你邊到得到架, 一定係P上去架啦..."
"講唔講真話呀?兄弟, 準備happy corner!"
"好喇好喇我講喇, 係丫係丫, 我係同阿晴去左街丫..."
"屌你個死仔, 咁識食嘅. 你阿你阿, 重色輕友呀你."

"咁你相點丫."
"你係咪鍾意人嗜?"
"我都唔知道丫."
"車. 唔好玩嘅."
"放我走呀!!"
"NONONO, 要懲罰你重色輕友, 兄弟上!!!"
"屌你地班仆街丫."
就係咁, 我俾人SM左15分鐘.
阿晴返到黎見到我呢個咁嘅樣, 嚇到呆左.
"你搞咩黎丫.... 去左做鴨? 你呢挺人都做到?"

"屌咪都係因為你, 俾人捉姦話重色軾友丫."
"傻仔. 鍾意左我丫?"
"鬼先會鍾意你丫."
呢個都唔係我最嬲嗰樣嘢, 佢地班仆街仲要係我唔知嘅情況下用MEMO紙黐係我背脊, 上面寫住"重色輕友", 我行左一日都唔知.
"阿晴小姐, 你笑咩呢?"
"你背脊.... 笑死我啦...."
我R一R背脊, 見到張MEMO紙, 再見到爆輝係佢個位到笑到見牙唔見眼...
"屌你條仆街丫....."
我沖左去佢個位, 佢即刻沖左出走廊, 一路上都係恥笑我嘅人.
"好喇好喇, 唔玩喇, 笑到有腹肌喇."

"屌你條粉腸丫, 今次點收科先?
"抵你死啦, 鬼叫你重色輕友咩."
"屌, 經你呢穫我出曬名啦,"
"仲使講嘅"
"你再講丫, 同你條JJ講再見啦."
"好好好,我收皮."
係之後個禮拜, 我見親任何人都俾人碎碎念, 最撚仆街嘅係連班主任都知道左.
"王柏希你出一出黎."
"係, 做咩事?"
"其實呢, 我唔係介意你有左鍾意嘅人, 老師我都經歷過青春期, 但係都要注重一下學業, 知道嗎?
"........係嘅........"
"返埋位啦."
"知道"
我望住爆輝, 好高調咁送左兩隻中指俾佢.

P.S. 各位, 有冇人知邊到可以維修手繩, 我唔小心整斷左女友送俾我嗰條手繩, 佢話我=15.6px整返好先睬我, 所以各位大佬救命呀, 錢唔係問題, 知道地方嘅話留個言丫.....PLZZZZZ