我,愛上了一個不可擁有的女孩: 三
後來我發現, 佢係得一科特別差, 其他都考得勁好, 中英逍都可以考到70分以上., 其他可以讀嘅更加唔使講, 全部都可以考到89以上.
"你係唔係變態咖...."我望住佢份中史測驗, 上面寫住49/50, 錯左題MC., 唔使講,我地班嘅學霸50/50. 總之三個字, 兩隻怪獸.
"下, 好簡單炸喎...死記就考到, 冇技巧...."
"屌, 啫係要做書蟲, 我先唔要."
"其實你可唔可以唔好再講粗口呢? D人話講得多粗口會陽痿..."
"屌, 你係咪女人黎架...講呢D"
佢就係咁, 講野風趣幽默, 有少少男仔頭, 係大部份男仔都會鍾意嘅女仔.
"呢題數點做架?"
我望住條factorization, 心諗, 你玩我炸...易到咁..
"你呢題都唔識做?! 你有冇學過架...."
"咁你教唔教我呀? 唔教就算, 我問第二個."
"唔好唔好邊敢得罪你大小姐呀...."
"咁你教我啦, 煩."
呢招反客為主高招呀...
就係咁, 我同佢嘅談話內容都只限於學業上, 我問多D佢都會話我"八公"
不知不覺, 我地就同坐左一個月, 去到10月, 係考試嘅季節.
"你呢個星期六得唔得閒?"佢問我.
"做咩, 我唔賣身架!"
"係都唔要你啦, 我想叫你陪我去自修室溫書啫."
"下...."
"咁你得唔得呀?"
"應該得嘅...."
"咁得啦, 冇得甩我底."
"哦....."
佢就咁行開左....
就係咁, 我同佢第一次去街就咁約實左.
"一人一半 是伴, 一人一口 是侶,
伴侶就是, 天天有好吃的一人一半, 你一口我一口
慢慢地一起變胖, 慢慢的一起變老"