回到初戀時: EP10

兩星期後一個放學天……

陳可兒滿臉疑惑說:

[偉明！我想問依條數究竟點樣計？我唔係好明？你可唔可以教下我？]

偉明面紅耳赤說:

[其實……哦！其實係咁嘅，你只要將呢度……同埋呢度相加！咁就可以啦！]





可兒恍然大悟說:

[係喎！點解我諗唔到嘅！你好叻呀……如果我好似你咁就好啦……]

偉明害羞地說:

[傻啦……以後有D咩野唔明你可以隋時問我！]

評估過後，得出的結果令偉明喜出望外！一如預料，錢偉明中，英，數三科都是全班最高，而陳可兒數學的成績並不是這麼理想，於是他倆每星期四放學的時候便要留在課室裡補課兩小時！當然除了他倆外,還有六個同學在課室裡給與偉明指導，而其中二個分別是汪子妮和凌子峰……





偉明終於記起原來和子妮同子峰的友誼是從這個補習班建立的！

子峰:

[明仔！哇，點解你D每科成績都咁好嘅？你之前邊間小學升上嚟架？正啦！以後有咩功課做唔切，或者唔識做！就靠晒你啦！]

子妮:

[佢坐我隔離，係都幫我先啦……]





這時錢偉明沒有他兩個這般好氣！他只是全神貫注看著認真做功課的陳可兒……


子峰這時好像已經發現偉明的祕密:

[明仔！頭先你又話急尿！咁啱依家我又有D急！一齊去啦！]

偉明:

[喂喂喂！邊個話我急呀？唔去！]

子峰一路說一路拖著偉明走:

[行啦！你有須要嘅！]





學校一樓男廁內

偉明不耐煩向子峰說:

[有嘢就講！有屁就放！凌子峰……]

子峰這時笑笑對偉明說:

[不如我地來個交易？各有各好處！好唔好？]

偉明驚慌用手掩著自己的屁股:

[喂喂喂！我唔係Gay架！我唔要咩性交易！你唔好攪我屎忽就得架啦……]

子峰:





[你都痴根嘅！我鍾意女人架！仲有！我想講我知你對陳…………可.…………兒…………有意思呀！]

這時偉明面紅耳赤連聲否認:

[痴根！我邊有呀！]

子峰:

[嗱嗱嗱！仲唔認？面都紅哂！你係唔認啦嘛！咁我都覺陳可兒係幾正嘅！你唔上啦嘛？咁我去馬追佢啦喎？]

偉明緊張說:

[喂！你咪亂黎呀！人地係好女仔黎！你唔好攪人呀！]





子峰笑著說:

[咁你即係認啦！人少少認左佢啦！]

偉明尷尬說:

[係呀！我係鐘意陳可兒！直至佢死左咁多年！我都係咁愛佢！咁點啦？]

子峰繼續笑著:

[哇！乜你咒人死架？你鍾意人鍾意到Short上腦呀？
我想同你講嘅交易係我幫你查你心上人所有嘢！包括住係邊？有冇男朋友？鐘意D乜？平時有咩嗜好等等……我呢！就要你……借功課我抄！仲有……同我做好朋友！]

偉明這時才記起和凌子峰那些年的往事……都是多得他，那時候的偉明才知道陳可兒生活的一點一滴………