回到初戀時: EP06

錢偉明帶著百感交集的心情回家！回家途中，他回憶初中時代的一點一滴！那時他是一個十分害羞的男孩子，雖然他初中成績不錯！記得中二那年，班上有一位叫子晴的女生主動向他示愛，這個木頭明明對人都有好感，[當然他心裡最愛的仍是陳可兒！]

但是就是太過害羞被動，而這個女生就更籍機會上偉明的家做功課！那時偉明的母親對這個女孩並無好感，更擔心他們人細鬼大弄出個大頭佛，最後禁止任何女孩上來家中！這段情就變得無影無蹤了！

終於回到自己二十多年前的家！桃花依舊，他面前的母親變得很年輕！偉明這刻才深深感受到他母親為了這頭家庸庸碌碌辛苦了半生！從前照顧自己，到了老來的時候仍要照顧自己的兒子[一仔]！現在他才明白養兒一百歲，長憂九十九這個道理！

偉明:

[媽！我返黎啦！]





偉明母親:

[仔！你今日返學返成點呀？同同學仔相處好唔好？都差唔多一個月啦！慣唔慣呀？]

偉明這時終於忍不住擁抱自己的母親:

[媽！對唔住呀！原來你一路以黎都咁辛苦！全靠你嘅照顧，我先可以咁開心咁成長，你每日洗衫煮飯，所有家頭細務都係你一手包辦，以前我依為依D野好簡單，其實一D都唔容易！

[仲有……最難嘅就係照顧我，你呀！對我總係無微不至！我曾經傻到話要偉過韋小寶娶八個老婆黎服侍你老人家，但原本我根本就連請一個工人照顧你嘅資格都無！對唔住，真係好對唔住呀！]





偉明母親:

[仔！你今日仲乜呀？咁生性嘅？你知道媽咪愛你就足夠啦！媽呢根本唔會望有咩回報？只要你健健康康咁成長就足夠啦！知唔知？仲有呀！你要俾心機讀書，你亞爺成日話你係錢家九代單傳，將來出人頭地呀！]

偉明:

[知道啦！我會用盡辦法，將來一定可以出人頭地！媽！我想同你講我愛你！]

偉明母親笑笑口說:





[仔！你今日係咪食錯藥啦！過就揼得亞媽好開心！
好啦……你老豆今日有野做唔返黎食呀！你幫手開飯啦！]

偉明:

[Yes, Mom！]

錢偉明此刻心裡很激動！心想:

[既然個天俾多次機會自己重頭黎過！我一定要令我身邊每一個人都幸福！媽！我一定唔會令你再咁辛苦！]