回到初戀時: EP02

一把可愛充滿純真的聲音:

[爸爸！爸爸！陪我玩車車！]

主角:

[一仔！爸爸放工返嚟好攰呀！一係你叫嫲嫲同你玩啦！]

一仔:





[我唔制呀！嗚嗚嗚嗚……]

嫲嫲:

[衰仔！返工大晒呀？你估我唔洗做野呀？又要洗衫，又要煮飯！依家仲要幫你湊埋個仔！你無本事就唔好生嘛！]

[你地兩公婆都唔知諗乜架？有咗一個重未夠？依家仲要整多個？你明知屋企唔夠地方！攪到B囡同你老婆要去婆婆度住！你話呀！自細張佢兩只兄妹分開！你地兩公婆就好似分居咁？係咪冇謂？]

主角:





[媽！我都唔想架！唔通唔要咩？我同我老婆真係做唔出？依家咪等緊公屋啦！]

嫲嫲:

[等等等……等到幾時呀？政府D野有排等啦！況且你仲係依個月啱啱先有咩藍卡！你申請四人單位，冇返五六七年你都唔使指意！到時你兩個小朋友都上小學啦！]

主角:

[媽！咁不如你教我點做？我真係唔想咁架！依家每個星期六日，老婆同B囡先可以落嚟住一晚，你估我好開心咩？我地住柴灣，老婆同B囡就係筌灣！一頭一尾好過瘾咩？依家我有老婆但係好似有冇老婆咁！你估我又好好受咩？但係又真係暫時冇辦法嘛！]





[我出一出去行吓！想抖淡氣!]

嫲嫲:

[你就係識逃避！真係冇鬼用！]

主角:

[一仔！爸爸位依家落街買車車俾你玩呀！要講咩野呀？]

一仔:

[好呀！多謝爸爸！]

現實就是這樣殘酷！窮人就是天生犯賤！主角無精打采下了樓，心不在焉想著:





[一仔再大D就會問點解要同媽媽，妹妹分開住？我地點解唔可以起埋一齊？我好掛住媽咪呀！……我到時點答佢？？？]

正當主角過馬路的同時，突然一架車左搖右擺向著主角高速迎面撞過來……