回到初戀時: EP16

[偉明， 乜原來你音樂方面咁有天份架？ 你唱得好好聽呀！我好似從來都未聽個呢首歌？你自己作架？]

偉明回頭一看，他驚訝自己的心上人居然在這時候出現？

[可兒，點解你會係度嘅？]

[哦！我上三樓啱啱揾隔離班D朋友之嘛！之後我突然聽到音樂室有彈琴聲，所以我咪過嚟睇吓，估唔到係你偉明姐……喂！你唔好扯開話題住！首歌D旋律幾好聽喎！你作架？乜原來你D普通話咁好架？]

[哦……唔係我作架！我邊有咁叻？係……係我一個台灣朋友作姐！]





[原本係咁！不過你真係唱得好好！估唔到你除咗讀書叻之外，唱歌都咁叻！係呢，不如你過多幾年參加新秀做歌手！我實第一個做你Fans！]

[傻啦！做明星我就唔會啦！呢D野用嚟揼女仔就得！我只希望揾多D錢，將來可以照顧到我身邊嘅人！]

[又係揾錢？我爸爸媽媽就係咁掛住揾錢成日冇時間陪我！今年聖誕佢地又唔得閒陪我……我估唔到你又係咁……]

[可兒！我當然明白錢唔係萬能！但係冇錢嘅話好多野真係做唔到！嗱！我就問下你！你平時有幾多零用錢㗎？]

[零用錢？等我諗下先……我每個星期媽咪都會入二千蚊度係我户囗，其實呢……我都唔係好清楚……]





[唔緊要！就當你一個月有八千蚊啦！咁到我話你知我有幾多零用啦！一星期二百蚊！即係你係我十倍！]

[係咩？……不過……不過咁又點姐？]

[冇！其實我想話俾你聽，我大個仔一定要揾好多錢！咁我先有資格照顧我愛嘅人，除左我亞爸亞媽，我最想照顧嘅人就係……就係……]

[就係？就係咩呀？]

[就係你……陳可兒！]





這時可兒含羞答答地說:

[咩咩呀……我都唔知你講乜？]

突然錢偉明情深地擁著她，在她的耳邊温柔地說:

[可兒，我愛你……做我女朋友好唔好？]