回到初戀時: EP12

世事如棋局局新！自那次撞倒陳可兒之後，他倆就好像有一種觸電的感覺……偉明和她的關係發展一日千里！雖則仍未到戀人的地步，但彼此的感受大家心照不宣……

少女情懷總是詩，可兒喜歡偉明思想上的成熟，做每樣事情總是安排得妥妥當當，加上偉明學業成績優秀，自然對他更加傾心！至於錢偉明就不用多說，陳可兒是他暗戀對象，一生遺憾未能與她開花結果！現在居然能夠時光倒流重拾機會！他自然對可兒千依百順……

時光飛逝，很快就到一年一度的聖誕節……

1M課室 (小息時間)

汪子妮說:





[明仔，你今年聖誕有乜野做呀？]

這時凌子峰插嘴說:

[人地今年係第一年同女朋友仔過聖誕，邊度得閒啦！我諗佢依家頭都痕埋唔知同人點慶祝！你咪煩人啦……]

汪子妮反駁回應:

[喂！我好似問緊錢偉明咋喎！關你咩事姐！係度串串供……收聲啦！又唔係同你講！]





[我諗住今年聖誕不如燒夜食羅！]

子峰無辜地說:

[做乜咁大反應呀？汪子妮！你M到呀？]

子妮用了一個凶狠的眼神厲了子峰一眼……

錢偉明這時才開囗說:





[都好喎！就二十六號boxing day 啦！石澳有冇問題？]

凌子峰說:

[哇！你交到人咩？]

錢偉明笑著說:

[成一個星期假留留長，多個節目都好嘛！仲有……我仲未表白架……人地做未係我女朋友！你地咪亂講好喎！我就係諗住係依個聖誕向佢表達愛意……好緊張呀！]

子峰搭著偉明膞頭說:

[放心！我同子妮一定全力支持你！子妮可？]

這時汪子妮心神彷彿支支吾吾地說:





[哦……一定……一定！]

子峰笑著續說:

[你開句聲就得架啦！我同子妮實幫你架！明哥仔！你係咪想燒野食嗰日向可兒示愛呀？]

偉明斬釘截鐵地回應:

[緊係唔會！]

隋即面紅耳赤地說:

[其實呢……我都唔知話唔話俾你地知好？……其實……其實呢……可兒係平安夜嗰日約左我上佢屋企，佢話整甜品俾我試下喎……我亦諗住係平安夜嗰日向佢示愛……]





這時子峰和子妮同時失聲叫道:

[咩話？…………]