《易容師》: 第十五章-火拼時速
一分鐘前,一分鐘後。變化估唔到咁大。
可能大家對岩先發現既事,都有D疑惑。以下我會同我詳細講返,個一分
鐘內,到底發生左D咩事......
眾人幫我分開死命捉著我既熊教授個陣,我發現到岩先熊教授捉著我個個
時候,佢窒左D野入我手到。
我乘劉SIR同獄警阻止熊教授既時候,偷偷地立左眼......「HELPME」。
Help me?我望返熊教授,熊教授眼睛一郁。我跟著佢眼神咁去,望到去
劉SIR到,劉SIR同樣對我打左個眼色。
「Fuck off!!」下一秒,熊教授就搶左劉SIR支槍!而劉SIR就扮失足,
順勢撞向獄警到,比左時間熊教授同我,夾手夾腳做場戲。
返到黎現在,熊教授已經逼使獄警,將手扣鎖匙交到我手上,再由毫無攻
擊力既我幫手解開手扣。
「個邊個阿SIR,你同我過埋黎!」熊教授指使劉SIR出黎,由劉SIR帶
頭走到出小欖外圍。
「個邊個犯人聽著,你已經比我地重重包圍啦!馬上棄械投降!」
包你老尾咩!你班獄警,幾丁友、幾支槍,散收收圍係前面。方死熊教授
會比你地D霸氣嚇窒左,自動棄械咩?好彩我同熊教授預先夾埋姐!唔係真係
唔比人射屎,都嚇餐屎!
「開門!快D開門呀!」
喂!熊教授做戲姐,唔需要咁逼真啵!教授一打開車門,佢自己好快咁鑽
入左去既同時,一手Cool住我頸帶埋我入去!
「開車!Go!Go!Go!」
唔──唔──!!!!
教授一喊道,早已經準備好一切既劉SIR拉拉棍波,踏盡油門,GTR馬力
全速衝前!
然後,就為大家上映一場港版火拼時速!
一開始康輝路上面無咩急彎,劉SIR差唔多踩盡550ps馬力,係咁飆車!
好快架GTR已經去到懲教處宿舍附近,即係小欖路到康輝路交界!前面正
正係個分叉路!
叩咯!咇──!!!!
劉SIR好似《頭D》咁,拉拉手制準備入彎!
架車就快轉入左手邊,繼續走康輝路個時,劉SIR應時反打方向盤!
呢個毛聞我完全feel到自己個人就快飄出架車到!
熊教授比劉SIR手車飄到壓左埋黎,我就好似快逼爆玻璃飛出車外咁!
我死命拉著扶手既同時,劉SIR已經踩盡油門出彎!
「呀!!!!屌你老母!開慢D呀!!!!」
出彎之後,睇劉SIR專心一致個款,唔洗問阿貴,佢根本冇撚著聽我講收
下油!
我知!我地係比人追捕緊!我都從倒後鏡睇到,成隊車隊衝緊上黎!但我
真係好撚驚呀!!!!
收下制啦!唔該!!!!
我叫到天昏地暗個陣,劉SIR早就係接近90度彎位既,入青山公路大欖段
路個陣,又施展佢拿手飄移絕技!
我可以好坦白話,如果我係囡既話,我都一定濕撚哂!
望著有吳彥祖臉孔既劉SIR,沉默唔出聲,全情投入飆車。如果你係囡囡,
見到咁個情況,仲唔濕就假!
係嚇到濕撚哂呀屌!!!!
呼嘯嘯嘯嘯────
我既靈魂已經比劉SIR手車唔知飄左去邊,我只係知自己稍為清醒個陣,
我地三個人一架GTR身處係屯門公路!
係香港人既一定都知,屯門公路可以話係公路之王,點解?
我點撚知姐!我又唔係揸車既!
我只知道,公路係無咩所謂既彎位,劉SIR可以完美引用《頭D》既名
句:「係我GTR發揮既時候啦!」係咁直去,唔洗留手不斷比油!
唔──唔──唔──
而我都係,唔需要再三忍讓,可以盡情爆肚:「爸!爸!我──
想──返──屋──企──呀──!!!!」
(to be continued...)