《易容師》: 第七章-局中有局
2015年5月1日,下午4點29分。旺角地鐵站,E出口。
好頭痛,琴晚根本訓唔好。
因為個心一直絞著,個段片......我既女神Wendy,係咪真係拍過呢D片呢?
如果無,點解我會發埋D咁既夢?好逼真,好可怕。
可怕既地方在於,心痛既同時,我竟然有反應。早上醒返個陣,發現自己
夢遺左。
係好似熊教授所講,之前見過而選擇性失憶,定係又一個虛幻既預言?
唉!我開始分唔清......夢境同現實。
「喂喂!汪震!」離遠傳黎嬌柔既叫聲,我知道係佢。
「Hi.....」原本,我以為自己因為琴晚既夢,變到唔知點樣去面對佢。點知
反而係佢既衣著,令我緊係不知所措。
「做咩眼甘甘呀?我著得好奇怪呀?」
「點......點會呀!好靚女呀你!」白色連身短裙,配上酒紅小肩包,同埋黑
色帶閃石既高跟鞋。令長髮飄逸既Wendy增添多一份艷麗!
「哈,你又講野呃人啦!」哇頂,咬埋唇,想殺死人咩!
「冇呀!我......我點敢呃你啵!可唔可以......幫你影張相?」我雙手已經忍
唔著,拎起左部相機對準Wendy。
「緊係得啦!」Wendy舉起個V字手勢,貼近臉豬登比我影相:「你成日
出街都帶相機架?好得意啵!」吓?得意?紅都臉哂!
之後我就同Wendy去左行街街,影影相。
天氣仲有D熱,我地兩個就去左朗豪坊行下先。要買野既,Wendy都話唔
建議係到買。
因為比較貴,同時入面既野,就算係名牌,出到旺角大街小巷都可以搵到
買到。
行到5點幾左右,Wendy話想去荷李活買衫。
哇,女神不愧女神。簡中左件波點紋既衫,都係兩舊幾水。對我呢D相機
發燒友黎講,兩舊幾水一件衫,真係貴到仆街!
但同得女仔出街,點都要有返D風度既......
點知,Wendy竟然話自己比錢就得。半推半就之下,佢都照樣自己比錢買
左件衫。
佢見我有D尷尬,就拉著我衫袖,將頭貼近我耳邊,陰聲細氣咁講:「不如
咁啦,一陣食飯你請,睇戲計我既。好冇?」
哇你咁樣講野,實好架!值哂回票價啦!
跟手,Wendy陪我去左睇相機。可惜呀,我知道今日同女神出街,睇中左
個長鏡頭都忍手唔買著。
我驚一陣食飯埋單唔夠錢比呀!嗚嗚!
我本身打算同佢去食沙嗲王,因為聽聞好多人出旺角一定會試下。同樣價
值緊係貴到飛天!
奇怪既係,Wendy主動提出去食三哥。
我就問佢,係咪怕傷到我荷包?佢笑著答:「唔係呀,人地今日想食米線炸
嘛!」
女神,真係女神。連內在都會為我呢D小毒撚著想,你話點算?如果我真
係愛上左佢,我又追唔追求到呢?
哎呀!我唔知呀!!!!
到食晚飯個陣,我終於醒起左件事:
「係啦,Wendy我想問下你呢......點解會知我名既?」
「你係真記唔起?」Wendy講完,就用佢個小嘴含著左半條芝士腸,舌頭
好似係口腔打圈,令條芝士腸郁郁下,極之挑逗!
「唔......唔知呀......我地之前識既咩?」
我一講完,Wendy「咔嚓」一聲將條芝士腸咬斷。
一瞬間,我望到佢眼神有一絲失望。但好快呢種感覺就消逝,剎那間變成
甜蜜友善既笑容:
「你唔係唔記得,我係熊教授既學生呀?」
「呀.....係啵!只係估唔到,熊教授咁多口姐!」
「哈哈!更多你估唔到既野呀......係呀.....估唔到......」Wendy愈講愈細聲,
根本聽唔到佢最後講左D咩。
見到佢唔多願意講,而我都無謂追問落去。
食完飯完,我地就去左就近既戲院,買左Wendy提議睇既電影《赤道》。
期間,唔知係咪冷氣太大,Wendy身體不時係到震。有次仲低音咁叫左
聲,同時捉著我隻手。
正呀!我既春天真係黎臨嗎?
正當我享受緊個陣,套戲既劇情將我帶入思維領域。
紅毛衣......
善攻者......
善守者......
局中局......
唔會係咁掛?一切都只不過係巧合炸?
「喂喂!」Wendy叫道,我先醒過黎。
(生不息......戰不息......心魔接地走近......)
「哦,唔好意思。」Wendy先行走前,我都跟著起身。
(慾望的火熱......聚滿裂痕......)
然而,眼前發現左一樣野,令我止步──迷你搖控器。
(燒不息......嘆不息......漆黑俯瞰黑暗......)
我拎起上手,按動上面既制。
(遺忘理智令道理變陣......)
前方Wendy雙腳震盪左幾下,然後......慢慢轉個頭過黎,四目交投。
(音樂繼續......)
(to be continued...)