《易容師》: 第二章-淫蕩女神
2015年4月30日,下午4點02分。某大學,熊德倫教授房間內。
「點樣?今次變左惡夢?」我坐起身,接著教授比我既熱朱古力。
「係呀......明明神祕既夢境,依家忽然變成攞我命既惡夢。」
「你頭先提到既.....你有冇睇過荷蘭個一套恐怖電影《人形蜈蚣》?」
嗚嘔......!!!!
教授一提到人形蜈蚣,我就忍唔著嘔,將頭先既午飯,一滴不留咁嘔哂
出黎。好彩教授身手敏捷,避開既同時,拎開埋杯朱古力。
「你冇事嗎?」
「冇......但真係好核凸。十足一隻怪物咁,好恐怖,根本唔係人黎。」
「你未答我問題啵。」教授放底左杯朱古力,比左D紙巾我。
「未,從來冇睇過。聽就聽過.....」
「真係未?」
「你頭先一提,我諗起都想嘔。你覺得我睇過,點會唔記得?」
教授沉默左,唔知係咪因為我既反駁,令佢覺得我無禮貌呢?
「Sorry呀,我冇心話教授你D乜。」
「唔係,只係我覺得奇怪。佛洛依德雖然講過,夢境好多時都係虛幻同構
想組合而成。只不過面對著你恐懼既事物,你如果從來都冇見過,你潛意識入
面,係極少可能性,會係夢中產生自己覺得嘔心,而從未見過既野。」
「唔......唔係好明。」
「可能你係睇過,但係因為你過度害怕,所以導致選擇性失憶,封閉左呢
一段你覺得嘔心既回憶。直到你呢幾個月黎,受到奇怪夢境所困擾,再次勾起
你最唔想記起既事情。」
「哦......係咩?可能啦,哈哈!」
「呢個只係我假設性。」教授重新將朱古力交到我手上:「依家更重要既
係,呢個夢可以好大機會肯定,你曾經遇見過,或者你將會遇見。」
聽完教授咁講,我嚇到無野好講。
望著教授十年同一款既衣著,紅冷衫配白恤衫,我都唔知好唔好再講多D
比佢聽好。
我真係好驚,教授講既後者。慶幸......
「遇見過,或者你將會遇見,前者既可能性,會大過後者。因為夢境多數
係由印象加上虛幻組成。你話預言夢.....係我角度睇,唔係冇機會,但真係好少
好少。」
「唔......係啦,教授方才個阿SIR搵你傾咩?」
唔得,實在太驚,拿拿聲搵其他野轉移下先得。
「普通案件分析姐!」
「真係?我好似見過頭先個阿SIR......呀!係咪之前報紙成日賣,失蹤案
案件主管,重案組劉孝天劉SIR?」
教授冇點講野,只係坐返係座位到,拎起杯水飲左淡,點點頭。
「哈,咁就奇怪啦!失蹤案,關咩社會人格事?近期又唔見有咩新聞報導
話有案......」
「汪震!」我話口未完,教授截停左我:「我都差唔多時候上課,你.....仲有
冇咩關於個夢境既問題?」
「冇啦,唔該哂你先。」見到教授咁既反應,我都無謂再搞屎棍。
2015年4月30日,下午4點20分。某大學,足球場外。
唉,咁八卦做咩呀!搞到人地之後反感,唔幫我解夢點算呢?
自己真係犯賤!
「喂!汪震!」
叫我?女仔聲黎架啵,我個大學FD明明係男仔黎架。
我轉頭一睇,咦~喂!咪就係頭先個個足球女神?
咦~喂!換左一身便裝,白衫熱褲,放左馬尾落黎,真係索到無人有!
唔係啵......仆街!依家重點係佢點會知我我名架?
唔通我比大學D高登仔起左底?比人當左咸濕龍友?唔得,拿拿聲開高
登Cheak一Cheak先!
「喂!」佢一手搭埋黎,我嚇到跳前跳後。
「對唔著呀!我......我冇......冇心偷......偷影你架!唔好報警呀!」
「唔係呀,你唔洗驚啵。我都唔介意。」
佢用把嬌柔既聲同我解釋,我都馬上放心起黎。
「咁你想點?」我攬著部相機實一實,心諗佢唔會想毀機呀?
「冇呀,我想你呢,將頭先幫我影既相,SD返比我炸嘛!」
講完,佢拎左個手機出黎:「比你電話我呀,我地Whatsapp聯絡好冇?」
「好.....」緊係好架,開心死我添!
「我叫況倩宜,你可以叫我Wendy架。拿,你之後比我既相,樣衰既我
唔要架!」
「點.....點會呢,你咁靚.....點影都係咁靚既......」
「哈!睇你怕怕羞羞,講野都幾口花架啵!」
「唔係呀!我......頭先講既,都係真話黎架。」
「好啦好啦!唔玩你啦,你睇你臉都紅哂。幾Q,哈哈!」
痴線架,咁樣同人地傾計既!人地真係怕羞架嘛!
「我仲有野做,今晚等你覆我啦!拜拜!」
「拜拜......」天呀,莫非所謂既夢境,係話我知,將會有大事發生?而呢種
大事,就係我春天黎了嘛?
唔係啵,好似留左樣野啵!
佢點知我叫咩名架?
「喂!你點知我個名架?」
遠處既佢,口中喃喃咁講左句野,然後好甜咁向我笑左下。
認真,我聽唔到內容係咩。但佢既笑容,令我原諒左佢。算啦!有時間今
晚再問過佢。嘻嘻!
「哎呀,個公廁女又收兵呀?」
忽然傳來一把帶攻擊性既聲音。一個年齡應該比我細,短髮,低胸露腰,
貼身牛仔褲,好韓式打扮既MK妹。
公廁?你似D啵!
我冇理到佢,繼續行我既路離開大學。
「喂!你做咩唔理人架!」個MK妹學女神咁追上黎,認真我好唔想理佢
囉屌!
「想點呀你?」我老牛聲咁問佢。
「我幫你炸,你個死毒撚,人地打扮得清純少少當人觀音咁拜,你唔好去
上埋香添呀笨!」
「你個MK妹都好臭口下啵!人地係咪公廁關你咩事?」
「哎呀,好心著雷劈!因住中愛滋呀!」個MK妹一手推開我,自己跑走
左去。
我心諗:屌你D MK妹,有口話人冇口話自己......
「呀,依家D女仔,留短髮既都係咪咁犯賤既呢?」
佢既短髮,令我不其然咁諗起夢境個少女,成個A片入面D性奴咁,跪係
紅衫男子面前,真係好犯賤!
「前面個四眼仔同我企係到!」
又一聲好大聲既叫喊,吸引左我。我停左係到,周圍望下......咦!喂!四周
都冇人,好似得我一個四眼仔炸啵!
今日做咩事,人緣一浪接一浪?
我望清楚,係頭先教授房走出黎既劉SIR啵!
喂喂......咩事幹?
做咩怒氣沖沖咁衝埋黎呀?喂.....!!
(to be continued...)