[末日][極限生存][獵奇]　致人類的輓歌－首部－墮落: 10.8

。。。。。。。。。。。

阿申和阿Ca遺失對講機；Carey的對講機失靈；古瑪也在頂層遺失對講對。

小靜低頭看著自己腰間的對講機，再看著阿Ca背包裡的對講機。

「我。。。我上到頂樓時仲有，但係都唔見左。。。。」

古瑪這一句話在小靜耳邊徘迴。





小靜精神恍惚看著手中兩部對講機，一聲不吭住在沙發上。

 

「hey～～～」阿申進門。

小靜不其然望和阿申，阿申被她怨毒的眼神嚇倒。

「做咩？」阿申驚問。





「冇嘢。。。」小靜回神，立即把手上的對講機塞進背包。

「阿Ca瞓左嗱？」阿申問。

「嗯。」小靜簡短回應。

「hey～～～我地係屋企喇。放鬆。」阿申坐到小靜身旁，橫過手臂攬著她。

阿申湊近小靜，想親她的臉。





小靜感到心煩氣躁，微微縮開。

「唔開心？」阿申握緊她的手問。

小靜看著阿申。

那雙深邃而堅定的眼睛撥動她的心弦。

玉手被阿申厚厚握著，那種安全和溫暖的感覺難以言喻。

「好攰。。。」小靜嘆說。

阿申深呼吸一口氣，撫著小靜肩安慰她。

「最後你都係落到手。。。辛苦了。」阿申溫柔說。





小靜一悟，酒店裡發生的事閃過眼前，她的手不禁顫抖。

「休息先，唔好諗咁多。」阿申順勢在小靜額上親吻。

阿申甜笑，在地板舖開睡袋。

小靜躺在沙發上，聽著窗外寧靜的風聲，隨隨入睡。

 

「嗚。。。。。嗚。。。」

一陣幽怨的啜泣。





小靜從甜睡中感到被火灼燒，驚醒過來。

阿申在地上鼻鼾大作，渾然忘我。

小靜爬起來尋找音源。

她看到窗外有一雙黑色的眼睛凝視自己。

小靜擦一擦眼睛，黑影消失了。

「阿。。。要麼殺死我，要麼讓我睡。。。」小靜懶得深究，倒下再睡。

她側過身，腦裡迴響著剛剛的哭聲。

哭泣裡埋藏著無盡的不捨和婉惜之意。





小靜閉起眼，讓自己專注睡眠，眼角卻滴出淚水。

 

翌日中午，科斯達的房間。

 

「吓？！我唔明。。。。。」科斯達難以置信，彷彿聽了無稽之談。

「Jason你講下當晚點解比佢地突破圍牆。」馬松山說。

「隊長比怪物投矛刺死，佢地識掟雜物攻擊我地。。。趁我地縮低時爬上嚟。」Jason猶有餘悸說。





「我地係酒店果陣見證佢地會驚。。。佢地有恐懼。例如對火既原始恐懼，對死亡恐懼。。。」馬松山說。

「我唔明。。。佢地會恐懼，又識掟垃圾。咁又代表咩呢？有咩咁特別？」科斯達竊笑問道。

「智慧。。。。。。」馬松山放重語氣說。

房間裡的人面面相覷，不安的情緒注滿空氣令人窒息。

「哼！危…..危言聳聽。」科斯達聲音顫抖說。

「由一具原始進食慾望既死屍變成有組織既屍群。開始對死亡恐懼，用武器。佢地一直學習緊…….速度仲好快。根本…..係一群原始人。而且比

原始人進化得更快。」馬松山嚴肅說。

房間裡的人議論紛紛，被馬松山的論點震撼。

「你既意思係。。。。。班怪物最後進化到同我地一樣？」霍醫生皺眉疑問。

「一樣？」馬松山看著阿申，苦笑反問。

所有人等待馬松山繼續說。

「失去文明同科技，人類同佢地要重新起步去面對新世界。我地冇佢地咁好體力，我地對環境適應力冇佢地咁強。。。。。。

佢地係嚟取代我地，將會比人類更優秀。」馬松山淡然道。

「哈哈哈哈。我真係頂唔順，班怪物扔下垃圾就吹到有智慧，仲會取代人類。我佩服你既腦補能力。」科斯達大笑說。

「我都想係腦補。但不得不承認，文明已經崩壞，人類要重新適應，回到萬幾年前既生活。當現代既消耗品用盡後，起居飲食將會係新挑戰。另

外。。。果個叫大豬既小朋友。。。」馬松山說。

「我地已經研究緊佢既身體。。。有消息會同大家講。」霍醫生說。

眾人開始對未來感到恐懼和不安，前路茫茫。

 

「冇問題，人定勝天。」心姐堅定說，臉上浮著自信的微笑。

她的微笑彷彿解決所有問題。

「除左進化論之外仲有咩講？」科斯達問。

「我想講下神父。。。」Jason苦惱說。

「神父佢做咩？」科斯達托一托眼鏡問，疑心重重。

「自從佢驅散幾次屍群後好多人都追隨佢，而上次佢帶人拯救圍牆後信眾對他更加深知不疑。。。佢地已經唔聽我地公告同指排既工作。特別圍

牆內既衛生情況變得好差。。。」Jason說。

「仲有我地醫療座既守衛好多時候都去左神父身邊，少左四個人。」霍醫生補充。

「神父依家信眾有幾多人？」科斯達問。

「大約二十。大部份居民都信賴佢，另外當日果十個守衛已經唔聽指示，只按神父說話去做。」Jason說。

「我會強制居民係神父早會時嚟會所聽公告，睇下神父有咩反應再決定。」科斯達說。

「。。。勉強無幸福啵。」心姐質疑科斯達的做法。

「這是一個社會。」科斯達簡單回應。

 

會議解散，阿申走出房間。

小隊眾人已經在下層等待他。

阿申笑著跑向她們。

「點呀？有咩新聞。」Carey問。

「冇～～～討論左一下前路同橙堡既運作姐。」阿申皺眉說。

「我地有冇咩要幫手？」古瑪問。

「暫時唔需要。我地拎番嚟既物資足夠一個多月使用。」阿申笑說。

「不如我地搞番個派對丫？」小靜興奮提議。

「哦？點解既？」Carey大感興趣。

「過去果幾日。。。大家都好辛苦。平安到家一定要慶祝一下！」小靜笑著說。

「低調啲都冇問題既。唔好比咁多人知。」阿申同意。

「冇興趣。。。走先。」阿Ca冷冷道。從旁邊的椅子站起來，轉身離開。

眾人目送阿Ca離開。

「點解佢由回程開始就冷冷淡淡咁？」古瑪問。

眾人表示不知道，唯小靜目無表情。

「我其實想叫埋心姐同Lincoln！一嚟等心姐融入依到，另外想Lincoln重新振作。」小靜高亢興奮說。

「好主意！」其他人附和。

「咁聽晚係我屋企見啦～～～！」小靜笑著說，笑容像小女孩一樣青春可人。

古瑪和Carey離開，留下阿申和小靜。

「你真係多鬼主意，哈哈。」阿申摸著小靜的頭說。

「嘻嘻～～～。你跟住要去邊？」小靜問。

「去心姐果到睇下有冇野幫到手。」阿申說。

「咁我去爺爺個農埸喇～～～」小靜說。

阿申幸福一笑。

冷不防托起小靜下巴，輕吻一下。

小靜緊張得全身繃緊，不敢彈動。

「晏啲見。」阿申笑著說。

小靜臉頰燙得像紅蘋果，握緊雙手，低下點頭。

 

小靜走到農埸，老遠看到老爺子站在田中。

「爺爺～～～！」小靜天真瀾漫大叫。

老爺子回頭看小靜一眼，微微點頭，然後繼續低下頭沉思。

小靜感到奇怪，跑到老爺子身邊。

他正低頭看著天竹鼠飼養圈。

「有咩問題？」小靜看著圈內吃草的肥鼠問。

「三星期前生左果窩鼠仔有幾多隻？」老爺子問。

「四隻。。。唔係咩？」小靜答。

「一開始有五隻成年係唔係？」老爺子問。

「嗯！三隻啡，一黑，一白。。。之後食左兩隻啡色。。。」小靜語氣變得無力。

老爺子指著天竹鼠數著。

「啡，黑，。。。白色唔見左。」老爺子皺眉看著小靜說。

「。。。。。咦？！」小靜掀起小木屋，只看到四隻小天竹鼠在裡面。

「走甩左？」小靜打量了一下籬笆。

「嘖！一定係有人踩壞左我塊田，今朝見到啲草好亂。仲偷左隻鼠。」老爺子生氣說。

「要唔要同佢地講？」小靜問。

「算喇，唔好節外生枝。依家啲人真係冇道德。」老爺子抱冤，拿起鋤頭繼續工作。

小靜看著天竹鼠圈，相有所思。