[末日][極限生存][獵奇]　致人類的輓歌－首部－墮落: 8.11

砰砰。

阿Ca輕輕敲打了牆壁。

聲浪沿著走廊響起，揚起了小隊眾人的神經。

那二人在打鬧，並沒聽到。

「佢地聽唔到，要大力啲。」Carey說。





阿Ca乾脆拿起水壺，用力敲打在牆上。

每一次都敲得膽顫心驚，生怕驚動了樓上的人。

「殊～～～聽唔聽到？」冷帽男突然靜止，用手按著大叔讓他安定下來。

「聽到咩？」大叔嚇得不敢動彈。

喀喀喀。





走廊盡頭再傳來一陣清乾的卜卜聲。

「都係啲肉泡？」大叔的聲線顫抖說。

「點會咁有節奏呀？！」冷帽男坐立不安地想逃走。

「一齊過去睇下。」大叔拿起斧頭慢慢走向音源。

好！正中下懷，小隊所有人蓄勢待發。





「你都白痴架。我上去叫人幫拖！」冷帽男轉身就跑。

這一著小隊始料不及。

阿申陷入了瘋狂的計算，時間停在一剎那。

「比佢走，我地要正面交鋒。唔比，要短時間殺哂佢地。比佢走，我地都走，白走一趟。。。。。」阿申瞬間在腦海中推演下一步。

阿申心意已決，著了魔一樣決定站起來。

「嗯～～～～～呀～」他身後傳來一陣嬌喘的呻吟聲。

阿申雙腳發軟，回頭一望，看到小靜在痛苦地呻吟。

「喂！你搞邊科呀！？！？」阿Ca在對講機罵。





但小靜已經藏好了耳機，箭矛也放在地上。

冷帽男和大叔突然停下腳步。

她捧著自己的肚子，彎下腰，神情狼狽地走出走廊。

「嗚。。。咳咳。。。救。。。救我。。。」小靜聲淚俱下，她被路上的肉繭絆了一下，跌在地上。

小靜拉開風衣，汗水沾濕了鎖骨，酥胸半露。

「喂！囡嚟喎。」冷帽男下意識慢慢走向小靜。

大叔一手拉著她。





「喂！佢可能係＂瘦仔＂嚟。上次我地都見過一隻好似人。」大叔放不下戒心。

「佢地邊識講嘢呀？靚女！你冇嘢丫嘛？」冷帽男向小靜喊話。

小靜在地上痛苦地打滾，貼身的運動褲勾勒出她青春的體態。

那一副青春可人的胴體在二人面前誘動。

「我岩岩比怪物追。。。好得人驚呀。。。。」小靜一邊痛苦地呻吟，一邊爬進走廊盡頭的一間房間。

「你有冇比佢地咬到或者抓到呀？」冷帽男小心地問。

「冇呀。。。但係我扭親隻腳。。。你睇下。。。」小靜爬到房間裡拉起緊身褲，露出雪白的長腿。

冷帽男嚥下口水，走向小靜。





「喂！真係？！」大叔問。

「男人大丈夫，緊係要幫女仔啦！」冷帽男突然爆出無比的男子氣概。

冷帽男進入了小靜的房間。

小靜害羞地拉緊自己的風衣，楚楚可憐的樣子。

冷帽男和小靜保持兩米距離，觀察著小靜。

倒不如說欣賞小靜，他的目光停留在小靜的玉腿和胸脯上。

「你係邊到嚟架？」冷帽男問。





「我係附近盪失路。」小靜說，然後靠著牆慢慢坐正身體。

「放心啦，依到好安全。我地有好多人可以保護你。」冷帽男溫柔地說。

小靜心頭一震，然後眼神開始得意起來。

「係咩？」小靜微微一笑。

「你一個人可以避開出面咁多怪物，真係唔簡單。」冷帽男說。他想上前扶起小靜。

小靜卻精神奕奕地從地上跳了起來，冷帽男嚇了一跳，退後幾步。

「係咩？」小靜得意地笑著。

「wow…..我以為你受左重傷。。。仲有你點上嚟架？」冷帽男壓下恐懼說。他收起笑容嚴肅地看著小靜，微微拿起自己手上的球棒。

「我想知你地有幾多人，仲有你地既物資放係邊？」小靜站起來，向他正經地問話。

「吓？你想點？搶我地嘢？哈哈哈。」冷帽男冷笑起來

小靜冷靜地站在他面前，穩如泰山。

「你連我同呀叔都打唔贏啦，仲想搶嘢？呀叔～過嚟丫。有嘢玩呀。」冷帽男朗聲叫嚷。

小靜嚇得縮起肩來。

「你可唔可以靜小小？」小靜生氣地說。

「噢～～～驚呀？」冷帽男作了一張鬼臉恥笑小靜。

「呀叔！」冷帽男一直盯著小靜，但身後沒有回應。

他開始感到不妥，回頭一望，大叔正跪在地上，雙手抱頭，被Carey用槍指著。

他身後站了古瑪和阿申。

冷帽男乖乖地跪下來，扔下手中的球棒。

阿申，古瑪忍不住在他身後竊笑。

 

阿申把他們分別推到房間兩邊角落面壁。

「小心，會死人。第一條規舉。冇我批准唔可以出聲，立即開始。」阿申說。

冷帽男嚇得縮下頭，咬緊自己嘴唇。

「第二條，唔可以向後望」阿申說。

冷帽男幾乎想把頭塞進牆角，大叔只靜靜地跪著。

「好。依家我地玩選擇題，選擇Ａ就縮低頭，選擇Ｂ就抬起頭。如果你地答案唔一致就殺哂你地。」阿申冷冷地說。

冷帽男嚇得渾身發抖。

「明白就縮低頭，唔明就抬起頭。」

冷帽男把頭塞進地下。

「你地有幾多人？Ａ：二十人以上。Ｂ：二十人以下。」阿申問。

「好～繼續。Ａ：一至十。Ｂ：十一至二十。」阿申問，然後繼續觀察。

十一至二十。

「好～。你地既物資放左係邊層？Ａ：頂樓至十五層。Ｂ：十五至到依層。」

「好～繼續～」

。。。。。。。。。。

如是者問了十分鐘，阿申他們大約掌握了酒店的情報。

物資在頂樓，有三人把守。低二層是他們的老窩，有大約一至五人在休息。

「我地靜靜地走去頂樓用同樣方法拎完嘢就走？」阿申說。

小靜臉紅起來。

「我只係情急先咁咋。。。」小靜低下頭。

阿申攬著她的肩。

「十分聰明！利害！」阿申稱讚。

阿Ca不屑地嘖了一下。

 

「佢地兩個點？」Carey問。

「綁住佢地係到啦。走果時順手幫佢地鬆綁。」阿申說。

他們收拾好裝備準備直上頂樓。

臨走前阿申走到他們面前蹲下來。

「呀叔，我佩服你！永遠都抬起頭做人！」阿申按著大叔的肩笑說。

冷帽男十分驚訝，大叔大義凜然跪著。

「你地可以細聲講嘢。」阿申說。

「乜。。。乜你冇比反應咩？！」冷帽男急問大叔。

大叔斜目鄙視冷帽男。

「點解。。。你冇殺我地？」冷帽男問。

「我要答案，唔係要人命。你驚到就賴尿，可靠！哈哈哈！」阿申笑著說。

冷帽男大感慚愧，沉默起來。

「你唔怕死咩？」阿申問。

「我已經死左好幾次，唔在乎多幾次。」大叔冷冷道。

「好！我欣賞你！」阿申搭上弩箭對準大叔眉心。

「喂行啦～仲玩。」小靜硬拉走阿申。

他們直上頂樓。