[末日][極限生存][獵奇]　致人類的輓歌－首部－墮落: 7.9

神父把一大盤水潑到圍牆外，雙手合十，口中唸唸有詞。

古瑪好奇地躲在草叢後觀察，小靜被她拉著蹲了下來。

神父虔誠地低頭祈禱。

古瑪十分疑惑，她並不知道有宗教儀式要在夜晚撒水。

小靜不耐煩地掙脫古瑪的手站起來。





「喂！搞咩呀你？」小靜呼喝神父。

神父一嚇，然後繼續自己的默禱。

「我問緊你呀！」小靜大罵。

「小姐，依個係我同神既溝通時間，有咩問題請等陣先問。」神父說，然後繼續低頭禱告。

「你講乜。。。」小靜大怒，正想走向神父時被古瑪拉著。





古瑪皺著眉瞪著小靜，小靜無名火起。

「我有權問佢做咩呀！出左事邊個負責呀？」小靜喝罵古瑪。

「人地有信仰既自由，唔好打攪人啦。。。」古瑪不滿地說。

小靜白眼一反，掙開古瑪的手走向神父，狠狠地推了他一下。

神父向旁跌盪，對小靜怒目而視。





「神阿，請原諒依個無知既人。佢並唔了解自己的罪孽。」神父閉起眼祈禱。

小靜的理智被酒精麻醉，衝上去揮拳打在神父的臉上。

神父的圓波波眼鏡飛脫，倒在一旁呵著自己的臉。

古瑪繞起雙手站在一旁冷眼旁觀。

Jason立即跑到，看到神父們在地上，小靜和古瑪站在旁邊。

「發生咩事？」Jason瞪著二女問。

「關唔關你事呀？」小靜回罵。她大搖大擺走到Jason面前，抬起鼻子挑釁。

「離開我，唔好接近我。」Jason寸步不讓，挺起胸膛對抗。





「好大既官威呀～～～呀sir～～～」小靜嘲諷他，豎起食指篤向Jason。

Jason突然捉緊小靜的手向外扳，閃到小靜身後把她手臂的關節鎖起。

小靜被他純熟的手法鎖了正著，Jason立即騎在她背上，小靜被緊緊壓在地上不能動彈。

「放開我呀！」小靜大叫。她雙腳不斷掙踢但無補於事。

「溫神父，岩岩發生咩事？」Jason問。

「我岩岩祈緊禱，佢地兩個出嚟騷擾我。依個仲出手打我。」神父指著小靜說。

古瑪已經悄悄地離開了。





「依家得番你一個。有咩想講？」Jason問。

小靜氣得咬牙切齒，渾身肌肉都在顫抖。

無論她如何努力也擺脫不到Jason的鎖壓。

她焦急得流出眼淚。突然放鬆身體，伏在地上哇哇大哭。

Jason和神父也錯愕地看著她。

「喂！！！放開佢！」阿申喝令Jason。

阿Ca和古瑪跟在後面。

「呀sir做嘢唔關你事，走開。」Jason說。





「你憑咩鎖住佢？佢做左啲咩？」阿申質問。

「佢打人，仲襲警。」Jason一本正經地說。

眾人低頭看著小靜，她軟趴趴地啜泣著，而Jason則整個人伏在她背上，把她壓在地上。

Jason注意到阿Ca正對他投以厭惡的目光，立即從小靜身上跳起來。

「我冇整親佢架。。。佢突然喪喊。我都唔知咩事。」Jason慌忙地解釋。

小靜依然趴在地上，古瑪上前扶起她坐到一旁。

阿申和阿Ca走到Jason面前理論。





「hello 呀Ca。」Jason點頭打招呼。

二人目無表情地看著他。

「情況係咁，呀靜佢郁手打神父。我負責保安工作所以要處理，我岩岩巡邏果時。。。」Jason開始解釋來龍去脈。

「我地對個情況好了解，古瑪講哂我地知。」阿Ca說。

「噢。。。ok。」Jason尷尬地停嘴。

阿申板起臉對著Jason。

「依家件事係佢打人，但係原因係佢要求神父說明自己既怪異行為不果。佢先急起上嚟打人。」阿申說。

「神父只係祈禱，並冇。。。」Jason說。

「冇？你親眼睇住？」阿申質問。

Jason立即語塞，阿申乘勝追擊。

「如果出左咩事，你要負任責。依家呀靜佢都只係關心大家安全，過左火小小。加上你又唔係現埸，我地又有目擊證人。嘈起上嚟搞好耐都可

能冇結果。不如一人讓一步，就咁算？」阿申說。

Jason猶豫不決。

「你做咩潑水呀？」阿申粗魯地問神父。

神父嚇一跳。

「潑。。。潑水？冇潑水呀。」神父說，一邊騷著後腦回想。

「我地睇住你係牆角潑左盤水出去牆外面呀。」古瑪靜靜地說。

神父沉思著，突然一悟。

「呀！我係做撒水儀式。我只係想撒小小聖水保護依個地方，令神祝福依個地方。」神父說。

「你講多次你咩宗教？我冇聽過有撒水依個儀式。」古瑪質問。

「基督教。撒聖水依啲高級儀式平時唔會做。」神父慢條斯理地解釋。

「哦！係唔係驅魔儀式既撒水一樣？」古瑪高興地問。

「冇錯，就係驅魔儀式既一種。」神父喜出望外地笑著。

「驅魔儀式係天主教架啵。」古瑪收起笑容，冷冷道。

「呀。。。我。。係借佢地手法去同神溝通，借佢力量做某件事。」神父尷尬地說。

眾人暗暗竊笑。

「拿。咁件事就明哂啦。你係唔係想搞大佢？」阿申問Jason。

Jason看著阿Ca嚴肅地看著他。

「唉，下次唔好咁衝動喇。」Jason無奈地說。

「ok. Done.」阿申說。然後他們轉身就走。

「阿Ca…天氣凍，小心凍呀。」Jason焦急地說。

阿Ca沒有回頭，背著他揚手然後離去。

 

 

回到家中，小靜失去電力的機械人一樣了無生氣地躺在沙發上。

無論其他人如何搭話她也沒有回應。

「要唔要飲杯熱嘢呀？」阿Ca坐到小靜身旁問，小靜沒有回應。

「算啦，由佢靜下。」古瑪說。

然後古瑪把剛剛感染者襲擊小靜的事說了一遍。

「佢應該係。。諗起晞敏。」古瑪說。

他們默默地回頭看著小靜的身影。