[末日][極限生存][獵奇]　致人類的輓歌－首部－墮落: 7.2

小靜和阿申輕敲Lincoln的門。

「喂！落嚟幫手搬小小野丫～」阿申強顏歡笑說。

「哇。。。你做咩搞到咁傷？」Lincoln問。

他看到阿申半邊身掛了彩，手臂也綁了好幾條繃帶。

「總有意外既～行啦。」阿申招手說。





Lincoln回頭看了晞敏一眼，黯然地回頭跟阿申離開。

小靜關上門，走到晞敏的身邊輕撫她的額頭。

「hey~」小靜輕聲說，怕驚醒了晞敏。

晞敏張開滿佈紅絲的雙眼，啡色的曈孔開始染紅。

她身體的血紋變成了深紫色。





她乾咳了兩下，吃力地撐起身體。

「hello」晞敏皺著眉簡短地回答。

「睇下我搵到咩？」小靜會心微笑，一邊從背包拿出一大包蛋糕材料。

晞敏空洞的眼神瞬間燃起朝氣的花火。

「哇！你地係邊到搵架？咳咳。。。」晞敏強忍著痛苦問。





「醫院宿舍，糖就係Carey係醫院廚房搵既。」小靜說。

晞敏接過蛋糕材料，把他們當成寶貝一樣擁在懷內流下溫熱的眼淚。

「多謝。。。」晞敏感激地看著小靜。

小靜感慨地嘆氣，淺淺一笑回應。

「發生咩事？」晞敏問。

「我地搵到兩個人。。。」小靜深呼吸說。

「佢地呢？」晞敏追問。

「。。。。。佢地監視左我地一段時間，仲有我地詳細既資料。阿申唔想夜長夢多。。。所以。。。」小靜搖頭。





「。。。。。一定好得人驚喇。」晞敏說。

她低頭看著自己的蛋糕材料，然後伸手攬著小靜。

二人用體溫互相安慰。

「你要用幾耐整個蛋糕？」小靜問。

「一個鐘。。。焗兩個鐘。。。」晞敏說。

「咁阿申今晚會叫走Lincoln。我過嚟幫你整同佈置間房？」小靜說。

「好呀！多謝！」晞敏興奮地說著。





小靜和晞敏道別後便匆匆回家休息。

 

阿Ca一看到阿申受傷後立即大呼小叫，緊張地拿出大大小小的醫療箱為阿申處理傷口。阿申只是淡然一笑，沒有回應。

小靜走到窗邊放下背包，抬頭看著夜空。

她看到了一整條銀河出現在眼前，像一條銀絲帶一樣把天空綁著。

大大小小的星團在天空上懸浮。

小靜看得入神，每一點星光代表一顆行星。如果有生命的話，他們的世界又是否幸福呢？

「我地晏小小去Lincoln果到。」阿申說。





「點解？」阿Ca問。

「晞敏想準備個生日派對比佢……」阿申說。

「又係依啲細路仔嘢。為左佢你差啲連命都冇呀！」阿Ca抱怨。

「如果佢開心既，值得丫。」阿申笑說。

「開心就值？死左真係唔慌唔開心喇！」阿Ca說。

阿申敷衍一笑，向阿Ca道謝。

他們在房屋裡安靜地休息了一會。





 

「Ca，預埋你架喇。呀靜你都唔好遲。」阿申說。話畢便離開房間。

小靜從窗邊站起來，在背包拿出一小罐東西交給阿Ca。

「比我？」阿Ca好奇地問。

「嗯。。。高級既護膚霜嚟。我見你塊面爆擦好嚴重，咁樣會冇彈性同唔靚架。。。」小靜說。

「多。。。多謝。。。」阿Ca受寵若驚。

小靜輕嘆一口氣，搭著阿Ca的肩膀。

「靈魂都要食糧。。。你冇希望的話，一秒都太長。。。」小靜耐人尋味地說。