[末日][極限生存][獵奇]　致人類的輓歌－首部－墮落: 6.7

「做咩又決定唔講比晞敏知？」阿申好奇地問。

「唉。。。我都唔知。。。好亂。。。」小靜愁眉苦臉地說。

「嗯。。。。。」阿申得意地笑著，一直則著小靜的臉。

「做乜係咁望住我？」小靜感到不自然，害羞起來。

「你唔同左。。。」阿申瞇起雙眼看著她。





「係咩？邊方面？」小靜驚喜地問。

「嗯。。。。。。。」阿申把臉貼近小靜，嘴唇幾乎吻在小靜的臉上。

小靜緊張地嚥下一大口水，心跳突然加速狂揼。

「唔知。。。哈哈哈哈。」阿申在她耳邊細語，然後哈哈大笑。

「嘖！」小靜火冒三丈，她用手指夾緊阿申手臂的皮膚狠狠扭擰。





「哇痛呀！」阿申痛得縮起半邊身。小靜得意地乘勝追擊，他們像小孩一樣扭打在一起。

「話說，晞敏比左張食譜我。」小靜說。

「吓？食譜？」阿申笑著問。

「Lincoln個蛋糕。。。」小靜說。

「係啵。。。成日都冇左回事。。。」阿申如夢初醒，懊惱地說。





小靜耐人尋味地看著阿申，阿申剔起眼眉笑著。

「咁。。。你想點？」阿申問。

「出去幫佢搵囉？」小靜誠懇地問。

「嗄。。。」阿申嘆了一口氣，抬頭遠眺了一下大閘外的山景。

「Your call.」阿申笑著說。

小靜興奮地拉小阿申的手跳起來，在他的臉上輕快地親了一下。

「得喇得喇～～～正經啲行啦。」阿申甜笑著，卻沒有鬆開手任由小靜拉著。

 





二人回到屋內收拾行裝。

「咦？又出去？」阿Ca擔心地問。

「唉。。。晞敏個病冇好轉，我地想幫佢完成一個心願。」小靜說。

「咩心願呀？」阿Ca焦急地問。

「幫佢搵蛋糕材料。」小靜說。

「咩話？！」阿Ca怒吼。

小靜嚇得跳起來，手上的衣物扔在地上。





「阿申，你唔係陪佢出去癲下話？」阿Ca瞪著阿申。

阿申沒有答話，只顧收拾著自己的裝備。阿Ca暴跳如雷。

「喂！你自己講架！邊得閒幫個細路囡搵啲咁既野。係都留位拎多兩個麵包啦！你自己講架！依家出面咁危險仲出去搵命搏，為左個蛋糕？！」

阿Ca對阿申破口大罵。

小靜大吃一驚，立即看著阿申。

「咁。。。情況唔同左丫嘛。。。佢冇幾多時間。。。」阿申說。

「申，我都識晞敏，我都好唔開心。如果出面有藥醫到佢，我跛住腳都出去幫佢搵。但係為左個蛋糕，要人出去冒險？值咩？」阿Ca聲淚俱下

地說。





「唔係為左個蛋糕。。。背後個意義都好重要。。。」阿申苦惱地說。

「重唔重要得過眼前既人呀？！」阿Ca罵。

阿申暗嘆一口氣，走過去安撫阿Ca。

「阿申？」小靜輕聲地質問。

阿申看著小靜，再低頭看著面前的阿Ca，他站在命運的分岔路上。

阿申感覺被夾在熔岩與玄冰之間，兩邊都是水深火熱的地獄，稍一不慎便死無葬身之地。

咔嚓，門被打開了。





「咦。。。咁人齊食飯呀？」老爺子說。

屋內的火藥味被老爺子吹散。

「咦？執哂嘢既？又要出去呀阿申？」老爺子問。

阿申苦笑。

 

「嗯。。。。。原來係咁。。。」老爺子摸著自己的鬍鬚說。

四人坐在飯桌，坦白地把事情說出來。

「你地唔應該出去啵。一嚟又難搵，二嚟又危險。唔係好化算啵。。。」老爺子說。

「但係佢再唔整就冇架喇。」小靜急忙說。

「呀囡，你聽我講先。佢比張紙你為乜？」老爺子問。

「比我去搵囉。」小靜答。

「你錯喇呀囡，你聽我講先。阿申都知要搵咩，佢比個譜你，係怕第時佢走左，都有人可以整到個蛋糕出嚟。」老爺子說。

「吓。。。咁有咩意義？」小靜恥笑問。

「當佢認為個蛋糕有意義既時候，個蛋糕就好有意義。」老爺子說。

小靜一呆，然後把老爺子的說話當成耳邊風。

「呀靜，唔應該去囉。真係唔值呢。」阿Ca苦口婆心地說。

小靜低下頭，按著自己澎湃的情感，渾身發抖。

「冷靜啲。。。。。」阿Ca說。

小靜抬起頭，冷靜地看著阿Ca。

「當你望住一個人對眼，彼此既眼神已經知道冇希望。。。。佢同你講，佢有一個小心願，如果佢做唔到的話想你幫佢完成。。。你可唔可

以。。。可唔可以望住佢隻眼。。。望住佢隻眼同佢講。。。唔得？」小靜逐漸加強語氣，看著阿Ca冷冷地說。

阿Ca張開口欲言又止。

「其實我地都要出去搵物資，就當順手好唔好？」阿申說。

「咁講又通啵！」老爺子呵呵大笑。

「喂，呀伯。你立埸轉得太快喇掛？」阿Ca抱冤。

「我份人好開明既，呵呵呵。」老爺子打趣說。

「唉，唔知你班友點諗。」阿Ca跛著腳一步一步走回房間。

「咁我地晏小小出發喇啵～」阿申說。

「洗埋啲碗先呀！」阿Ca在房間裡大叫。