[末日][極限生存][獵奇]　致人類的輓歌－首部－墮落: 5.6

這一句話吹散了小靜的怒火。

所有人都驚訝地看著Lincoln。

「你唔講啲野，做啲野關心下佢？」小靜問。

晞敏也看著Lincoln，期待他的答案。

Lincoln看著晞敏雙眼，再次洩氣地搖頭。





「我做到啲咩喎。。。」Lincoln黯然道。

「你最少都同佢分擔丫！你係唔係男人黎架！」小靜喝道。

「你有冇尊重佢呀？！」Lincoln按耐不住，握緊拳頭站起來罵回去。

細小的房間傳來一陣陣的回音，耳邊響著嗡嗡聲。

「佢唔想同我講。一定有佢既原因。我知道之後一直努力去了解個問題，我去研究啲水。我除左咁樣咩都做唔到呀！」Lincoln軟坐下來流下





男兒淚。

「佢唔想我擔心佢。同樣我都唔想佢擔心我，我唔想比佢知道我知道佢個病嚴重左。點解你連佢小小願望都唔成全呀？！」Lincoln的怨念一發

不可收拾。

小靜被罵得啞口無言。

「唔好成日將你自己認為正確既事強加係人地身上。你連佢小小既感受都唔尊重，你講咩野責任呀？」Lincoln稍為平靜下來。





小靜臉紅得像蘋果一樣，她羞恥地低下頭。

「你過黎。」晞敏甜笑著。拍著自己身邊的床舖示意Lincoln坐下。

Lincoln擦一擦眼角後坐下。

晞敏輕輕地在Lincoln的臉上親了一下，她臉頰緋紅。依偎在Lincoln的肩上。

小靜這刻想挖一個洞把自己的頭塞進去。她急步離走向房門，想離開這裡。

「靜靜！」晞敏叫停小靜。

小靜僵硬在原地，沒有回頭。

「唔係你我日日都擔心緊。怕比佢見到，怕麻煩到佢。依家我舒服哂。。。多謝你。」晞敏說。





小靜背著晞敏，微微地點頭，滴著眼淚便離開了。

「咁我地都走喇。」阿申笑著說。

「好閃呀依到。」阿Ca奸笑著 。

她慢慢閉上了門。門後彷彿洋溢著蜜糖一樣甜絲絲的香味。