[末日][極限生存][獵奇]　致人類的輓歌－首部－墮落: 4.14

他們再次走到醫院大堂，門口空盪盪，連守門的Jason也不見了。

「Jason!你係邊？」阿申大叫。

「二樓。上黎啦你地。」Jason回話。

阿申一行人走上扶手電梯，看到走廊裡坐著十多個病人。一片腥臭味撲鼻而至。

Jason看到他們後便跑過來。





「喂～～咦！阿ca你冇事丫嘛。」Jason看到阿ca要小靜扶著，大腿更包紮著繃帶顯得十分擔心。

「冇，上山時整親姐。」阿ca回應。

「嚴唔嚴重？」Jason主動扶著阿ca到一張椅上坐下來。

「我想洗一洗傷口，之後換下繃帶就得。霍醫生呢？」阿ca問。

「佢休息緊，依家曹醫生係到照顧緊病人。」Jason說。





「佢地咩事？點解有陣臭味既？」阿申問。

「尋晚開始佢地開始上吐下瀉。有一個仲痾血。」Jason說。

小靜一行人立即面面相覷，心知不妙。

「我地明明冇改咩伙食，可能係雪櫃壞左。」Jason說。

「喂，阿申。好耐冇見。」一名身穿醫生袍的男人走過來。





「你好曹醫生。我地有人病左，都係肚痛。唔知有冇藥可以比我地食？」阿申問。

「肚痛？係唔係好似咁。」曹醫生一臉認真，帶他們到走廊觀察病人。

他們都是四肢乏力地躺在長椅上，不時嘔吐大作。

「冇咁嚴重，係攰小小同有肚瀉姐。」阿申答。

「有冇食左咩怪野？」曹醫生問。

「冇，同平時一樣。」阿申說。

「奇怪喇，我地冇一齊生活。唔會交叉感染。大家各自伙食都冇變過。」曹醫生皺眉說。

「水。。。」小靜突然說。





眾人看著小靜。

「晞敏尋日朝早去拎水，整比你地交換發電機。」小靜說。

曹醫生靈機一觸。

「佢地係唔係飲果啲水？」曹醫生問Jason。

「係掛，我都唔知啵。」Jason扁嘴回應。

「醫生，啲水變左色。」阿ca說。

曹醫生滑稽地看地阿ca。





「咩水變色？」霍醫生笑著問。

「海水變左做橙色。」阿申補充。

曹醫生嘗試把兩件事連結在一起。

「但係我地飲果時冇異樣丫？」曹醫生問Jason。

「唔多覺眼呀，同平時一樣。不過我冇飲。」Jason努存地回想起下午的情況。

「我幫你處理左傷口先，之後一齊去睇。」曹醫生轉身到房間裡尋找醫療用品。