[末日][極限生存][獵奇]　致人類的輓歌－首部－墮落: 4.12

小靜抬起頭，凝視著一顆份外耀眼的星星。她有一種親切感，好像是一直都守護著她的感覺。

「我應該點做？」小靜痴呆地看地星星，星星忽明忽暗地閃著。

身後倒來一陣呻吟。阿ca正撐著柺杖走上山來。

「你做咩呀？你唔應該上嚟。」小靜大為緊張，急忙上去扶著阿ca。

「好痛，瞓唔著。」阿ca痛苦地閉著眼，直到坐在小靜身旁才鬆一口氣。





小靜默默地看著阿ca，然後抬頭望向星際，分散自己的汾意力。

「今日唔錯丫，第一日就成功捉到隻豬，成績好好呀。」阿ca稱讚小靜。

小靜胃裡感到一陣翻攪。

「我差小小害死你。我仲做得好？」小靜對阿ca的說話嗤之以鼻。

「我仲好地地，冇問題丫。」阿ca打趣地檢查著自己的身體。





「係呀，如果把刀割入去你大脾內側你死埋喇。」小靜對阿ca的樂觀感到十分嘔心。阿ca靜靜地看著小靜，一聲不發。小靜開始內疚起來，再

次泛起淚光。

「對唔住，我真係冇心。」小靜低下頭嗚咽。

「冇人怪你啵。」阿ca撫著小靜的背說。

「我都唔會原諒自己。我連小小野都做唔好，只係會害人。我唔應該存在。」小靜自怨自艾。





「喂，夠喇你。」阿ca厲聲道。小靜暗吃一驚，擦一擦淚水收斂自己失控的感情。

「對唔住。」小靜簡單回應，再次投入於星空中。

「知唔知點解阿申果時咁惡咁鬧你？」阿ca問。

小靜看著她，然後慚愧地低下頭。

「我做唔好自己果部份，搞到你受左傷。」小靜說。

「錯，你搞錯哂。」阿ca字字鏗鏘地說。

小靜大感錯愕，一面糊塗。

「隻豬失控，冇人想。件事發生左就係發生左。唔係你做左咩野令佢發生，而係佢發左之後你做左咩野。」阿ca凌厲地說。





「我受傷之後，你嚇到只係識得喊。如果我傷重小小，可能我都死左喇。」阿ca說，小靜再次灑下淚花。

「真正令人嬲既。係你冇做任何野去幫助件事。只要每個人都一為左件事去奮鬥，放開無意義既思緒。咁樣就可以避免更多不幸既事發生。」阿

ca說。

「依個就係點解你地可以咁冷靜？」小靜問。

阿ca看著小靜，輕嘆一口氣。

「之前咪有第三個人既？」阿ca問。

小靜神經敏感起來，她瞪著圓眼點頭。





「佢。。叫耀少。係阿申既舊朋友嚟。有次我地入左一棟公屋搵物資，突然有班人衝入黎拎刀襲擊我地。阿申下意識地用弩射死左衝過嚟果個男

人，果個人眉心中箭，成臉血咁軟趴左係阿申身上，阿申成個人呆哂冇左反應。門外面仲衝多個人入嚟，手起刀落要斬落阿申個頭到。輝少用自

己把弩射死左果個人，點知原來仲有第三個。輝少叫阿申快啲郁，但係阿申完全冇哂反應，只係望住自己殺左果個人。第三個人衝

向阿申面前，輝少諗都唔諗就撞上去擋開左果個人。我上去幫手果時比個男人推埋牆邊，只係記得好痛。到我清醒番果時第三個人已經瞓左係地

下到一頸血，輝少胸口都比人劃左幾刀，流到一地都係血。阿申抱住輝少想走。輝少一郁就話好痛，仲流更多黑血出黎。佢叫我地收低佢。依個

時候樓梯有幾個男人大叫，行緊上黎。輝少叫我地走，阿申坐左係到唔郁。輝少叫我拖走阿申，我幫唔到輝少，只可以叫阿申走。我地向另一邊

樓梯跑落幾層之後跳落水面。」阿ca平靜地道出這一件事。

小靜的下巴掉到地上，她對阿申的性格略有眉目了。





「所以，下次有人受傷。要盡一切方法壓低自己既恐懼同內疚，果啲可以等。但係你同伴條命唔可以，錯過左就冇。出到牆外面，最

可靠既資源就係身邊既人，彼此互信，幫助。所以你要快啲明白依個世界已經轉變，好多野要面對架喇。」阿ca溫柔地說。

小靜大腦裡處理著海量資訊，但她思緒十分清晰。她要堅強起來。

阿ca看到小靜眼神慢慢轉變，滿足地站起來。

「好喇，扶我落去休息啦。」阿ca說。

「唔係要放哨架咩？」小靜問。

「深山要防動物姐，有人嚟就一早聽到啦。」阿ca說，一邊吃力地跳下山。





「吓，咁我上黎做咩？」小靜問。

「係囉。。。你上嚟做咩呢？」阿ca笑著，耐人尋味地反問小靜。 

小靜略有所悟。跟著她下山去。