[末日][極限生存][獵奇]　致人類的輓歌－首部－墮落: 4.1

小靜決定加入狩獵隊

「嗯。。。」小靜回答。

「做咩咁愁眉苦臉？」阿申走到小靜身旁問。

「。。。。有小小擔心姐。」小靜整理餐桌上的雜物分散自己注意力。

「放心啦，冇事既。」阿申輕拍小靜背脊以示安慰。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝




 
翌日小靜和老爺子跟隨阿申和阿ca到科斯達的房間報到。

「帶多啲水，野食以罐頭為主。另外繩索，指南針同急救包都袋住。。出到去果時我行先，你同阿ca跟係後面。。。如果。。。。。。。」阿申

告訴小靜。小靜用力地點頭，在腦海中努力記下阿申每一項指導，阿ca則一臉輕鬆地四處張望。

他們走到科斯達的房間，阿申敲門。

「Come in.」科斯達說。





他們推門而進，看到了Lincoln和晞敏已經在房間裡。他們二人和眾人點頭示意。

「早晨～～～」晞敏興高采烈地打招呼。

「嗨～」阿申簡短地回應。

「老伯之前係農夫，佢想幫手開發塊田。」阿申說，伸手把老爺子輕推到桌前。

老爺子被眾人目視所注視感到一陣害羞，騷著自己後腦笑著。





「太好喇。我地已經試左幾個星期一啲成效都冇。但係你既傷勢會唔會影響到你工作？」科斯達喜出望外，指著老爺子的傷口問。

「唔礙事，唔礙事。」老爺子十分客氣地點頭。

「靜靜～～～你係唔係未有野忙呀？不如你跟我出去拎水丫？」晞敏問。她像小孩一樣總是活力充沛。

「丫。。。我。。。」小靜難以拒絕晞敏天真爛漫的笑容。

「阿靜會跟埋我地出去。」阿申說。

科斯達剔起單邊眉看著小靜。

「好吖。我仲諗緊可以分配咩工作比你而煩惱，靜小姐。我地依到人人都要為左團體付出。」科斯達語帶雙關地說。





「你冇權去命令其他人囉唔該。人地係自發出去賣命，而唔係縮係間房到指指點點。」阿ca像看臭蟲一樣鄙視著科斯達。阿申歪著嘴努力地忍

笑，用手肘輕撞了一下阿ca。科斯達臉上依然掛著微笑，但額角已經青筋暴現。

「唉，出面等。」阿ca不爽地提著背包便離開房間。碰！一聲用力地關門。

「有人幫忙統籌一切一定更好。明顯，依樣係Monica做唔黎既工作。」科斯達嘲諷。

「有關個發電機，你去醫院講聲；我地下晝會拎水去換，Lincoln需要幫工具叉電去整另一組蒸餾裝置。完事後對佢地都有益。」科斯達說。

「我要借三日就得。」Lincoln說。

阿申點頭。

「我諗你地準備好出發喇係咪？」科斯達說。





「嗯。依家出去架喇。」阿申說。

「希望你幫到阿申手啦。」科斯達報以一個微笑。