[末日][極限生存][獵奇]　致人類的輓歌－首部－墮落: 2.14

小靜坐到餐桌前。阿ca看到天色漸暗，在桌中間點起一枝蠟燭。昏黃的火光立即抒緩了冰冷的氣氛。

「Coffee or tea?」阿申打趣問，手中拿著一罐可樂和一枝水。

小靜指著可樂。

「Thank you.」她微笑點頭道謝。

桌上放著三個罐頭魚柳，一些麵包，少量糖果以及一堆餅乾。





假若面前的食物出現在一個月前只能當成開胃菜，如今小靜卻有如看到聖誕大餐一樣垂涎欲滴。

阿ca看到小靜慢慢地咬著麵包，眼睛一直盯著魚柳，生怕它會消失似的。

「盡情食啦，我地有好多。」阿ca拍一拍腳邊的背囊，體貼地說。

小靜立即收到命令，用湯匙勺了一塊魚柳送到嘴裡。

阿ca留意到小靜總是會留著一小份食物，心裡微微感動。





「留左一份比呀伯架喇，你自己食啦。」阿ca指著放在廚房裡的一個盤子說。

小靜甚是感激，更放肆地大快朵頤。

一陣猛風掃落葉，天色已暗，晚餐平淡地結束了。

小靜滿足地舔著嘴唇的魚汁，一手捧著自己的小肚腩。

小靜看到阿申正用紙巾清潔牙齒，阿ca則把垃圾包到一個袋裡。





「我幫你扔去後樓梯丫。」小靜想幫上一點忙。

阿ca笑著搖頭。

「我地唔會留低垃圾。」她說。

「吓？咁你地拎去邊到扔？」小靜大感奇怪。

「我地留到去基地附近先扔。你留低垃圾好可能比人跟縱，特別係野外。要養成依個習慣。」阿申一本正經地說，阿ca對著阿申打了一個眼色，

告訴小靜一切都是他的主意。

「呀！。。。。。係啵。」小靜記起了一樣很重要的事想問清楚。

「你地點解會係依到既？仲有。。。會咁岩入黎救左我地。」小靜疑重地問。





阿申再微笑，慢慢道。

「記唔記得我入左屋，華哥叫左我一聲？」阿申反問小靜。

「華哥？」小靜陷入一陣沉思，記起了華叔死前的確說了＂阿生＂這兩個字，原來就是＂阿申＂，小靜點點頭。她突然靈機一觸，衝口而出地
說。

「你地都係個橙色城堡既人？」小靜豁然開朗。

「嗯。。。不過我地係負責狩獵。」阿申靠著椅背，露出一面威風的自信。他接著說。

「我同阿ca負責出去打獵。通常直接拎夠幾日野食同水，冇哂物資或者打到獵物先番去。」阿申說。小靜一驚，突然覺得自己和眼前二人根本不

在同一個等級，自己有如一隻小綿羊暴露在兩隻野狼面前。阿申接著說。





「華哥負責指揮一隊物資隊，但係失蹤左好幾日。我地番到去基地補給果時科斯達叫我地去搵下華哥佢地隊人出左咩事，跟住。。。」阿申滔滔

不絕地說，小靜聽得一頭霧水。

「科斯達係基地話事人，好似首領咁既存在。」阿ca補充，但她一面不悅，好像對首領不滿意。

「。。。跟住我地就去新城市睇下有冇發現。搵左大半日都係冇，係附近住宅過左一晚，第日就見到你地划住隻艇黎。出於好奇咪觀察住你地

先，點知你地帶左華哥出黎。我地就跟蹤你地，住係你地樓上一個單位入面。你地既一舉一動我地都掌握哂。」阿申陰險地笑著。

「點解你地唔立即出黎相認，救番華叔？」小靜又不明白了。

「本身我地想知道你地個營地係邊，有幾多人。如果可以的話就偷你地既物資走。如果我同阿ca出現你地未必會帶華哥黎。所以我地冇現身。」





阿申對自己的深思熟慮滿意地笑著，完全不在意小靜的感受。

小靜開始習慣阿申奇怪的舉動，她接著問。

「咁。。。點解你會。。。殺左華叔？」小靜輕輕地問，她心情如履薄冰，生怕觸及不該知道的原因阿申會狠下殺手，但她的好奇心戰勝了擔
憂。

單位裡陷入一片沉默，阿申瞇起雙眼，不停用姆指輕摩擦自己的嘴唇。一邊發出＂嗯。。。嗯。。。。＂的聲音。三人的身影隨影火光的飄動投

映左牆上。阿申終於回應。

「哼。。。哈哈。」他又是以令人費解的笑聲開始，他接著說。

「點解。。。也許我在意，也許我唔在意。對我有好處？又冇。到底我係到做緊咩？世道如此，我可以做咩？」阿申喃喃自語，突然雙眼直視小





靜，小靜感到一陣心寒，借故四處張望急急低下頭。

「依個係一個好好既問題。。。」阿申果然重覆了這一句對白，小靜知道他要說出答案了。

「我唔知，我只係知道我好想殺左佢。哈哈哈哈。」阿申滑稽地笑著。小靜分不清楚這個人到底是聰明還是精神病，只知道他是一個不穩定的
人。

「你呢？你又點會同佢地一齊既？」阿申問。

「大災難之後我第一班見到既人就係佢地喇。」小靜回答。

「你點樣避過第一波海嘯？」阿申問。

小靜看著阿申，身體微顫，灌下一口可樂開始說。