[末日][極限生存][獵奇]　致人類的輓歌－首部－墮落: 2.3

「點呀，有咩打算依家？我地本來好多收獲，但係因為意外冇左一大部份。」亞力把眾人拉回現實處理的問題。

「我地既野食都唔係夠食好耐。」小靜補充。

「聽你之前講唔係有一班人架咩？你地有冇營地？」亞力問。

「有，我地係大圍果到有一個好大既基地，我地叫果到橙色城堡。」華叔答。

「你地有幾多人？」老爺子緊慎地問。





「大約四五十人。有野食有地方住。」華叔得意地說。

「哇，四五十人？」亞力驚訝地說。

「係呀，我體力恢復之後就會番去。你地想唔想加入我地？」華叔剔眉問。

「好呀！我地好幫到手架。」亞力如單細胞生物一樣直腸直肚。

「有冇咩條件？例如我地去到要做咩？」老爺子仍然不放心。





「條件？依個世代仲講條件？只係生存已經好唔簡單，多一個人多一分力。就係咁簡單。人多好辦事。」華叔字正腔圓地說。

「你地食物同水點處理？」小靜問。

「果到本身係山腰，只有第一波海嘯衝擊到，但只係有小小損毀。所以成個地區既物資都好充足，夠食幾年。同時我地不斷派人出去搵野

食。。。好似我上次咁。」華叔輕嘆一口氣。

老爺子，亞力和小靜已經在不毛之地掙扎求存了一段時間，每天為著糧食而苦惱。現在華叔提出一個烏托邦就在咫尺之間，令三人垂涎三尺。





「你可唔可以保證一定比我地加入？」老爺子再三確認。

「放心啦，我假假地都負責一隊物資隊。叫做話到小小事。安排你地三個，濕濕碎啦！」華叔豪爽地說。

「不過，接你地番去，　對我有咩好處先？」華叔把腳抬在桌上，一副老闆聽取簡報的模樣。目光意淫地停在小靜身上。

「喂！我地救左你啵！」小靜對華叔忘恩負義的性格大為反感。

「係咩？係我角度睇，啲野物資係我既。我地係公平交易。」華叔一副輕視的口吻。

「再者，到時我都係你地入去既通行證。」華叔站起來，慢慢走到小靜身邊。

「如果你可以證明你有價值既，我咪比你加入囉。」華叔伸出手往小靜臉頰撫摸。

「痴線。」小靜怒目相向，反手打開華叔的手，轉身就走。





「慢慢等死囉，你自己既選擇。」華叔得戚地笑說。

小靜衝進房間抨一聲大力關起門。