[末日][極限生存][獵奇]　致人類的輓歌－首部－墮落: -0.7

「果時中秋節。我係城門河邊散步。突然好多人都指住個天，我咪望下囉．

見到個天有好多光點．街上面人人都拎手機出黎影．

我做左幾廿年人都未見過，呆左係條街到睇．

其中一粒個光點越黎越大，最後消失係山邊，身邊既人開始恐慌．

就係佢消失後既幾秒，突然地動山搖，好似地震咁街上面既人都趺哂係地上面爬．





“卟”，好低沉既實物撞擊聲由好遠既地方傳過黎，但係都震到我成個人就黎傻咁．」老爺子繪影繪聲地說．

小靜一面驚訝地聽著．老爺子接著說

 

「開始成條街都係喊聲，好多人都驚到失哂控咁．

好快有人話係咩“飛卜“到睇到有海嘯警報．





立即成街人都好驚咁亂走．當時可以用一個字形容，亂．

呀伯爺我耕田既，我知道山洪黎果時係條河到你點走都冇用．

當然向上走啦．咁我就立即衝左上附近既公屋入面向上走．

個天整估我，電梯竟然壞左郁唔到，我就去行樓梯啦，行到大半已經行唔郁坐左係到休息．

過左一陣樓梯越黎越多人後下行，執哂野咁．





佢地話地震，落街安全啲．

佢地一家大細拎哂啲棉被呀，小小野飲野食落樓．

我見有幾個後生仔行緊落去時我問佢地知唔知咩事，佢地話半個幾鐘前睇”飛卜”話有大地震，之後就開始斷電，上唔到網之類．

又話海嘯，但係咁耐都冇，反而擔心棟樓有餘震所以開始執野落街避一避先囉．

街下面開始好多救護車同消防車，佢地既“咇呠咇呠“警笛聲響個唔停．」

老爺子低下頭看著空盪盪的洗手盆．雙手開始緊掐著廚枱邊．

 

「我本來想打比幾個雀友問下佢地咩景，但係我打唔通，我又唔識上網．





我咪坐係到打算休息陣再行番落去囉．點．．．點知我越坐聞到越臭，一陣死魚同淤泥混合既腥臭味谷哂上黎，仲臭過我果時曬豬屎．望落樓見

到成條城門河乾哂．」老爺子停了下來．雙手開始顫抖．喘了幾口氣．

小靜意識到真正的災難要到了．

 

「我唞到咁上下想行果時，突然係好遠好遠地方傳黎好大既嘈音．

大聲同亂到唔知點形容．

好似有野拍落牆既聲，但係好大聲，跟住有野倒塌既聲．





我伸個頭出窗望過去馬鞍山果面，灰白色一片大霧．

慢慢有啲水係樓同樓之間流出黎．

跟住遠山只係望到個山頂，平時只係望到小小．．．．」說到這裡時，老爺子撐開左手掌，以手指比喻成高樓用右隻手食指穿插手指間示意當時
的水流．

 

「跟住有個浪仔湧過黎．街下面既人都衝到河邊影相．

身邊有對後生仔一男一女衝緊落去，我問佢地做咩，佢地話有奇景，想睇下．跟住一枝箭咁標左落樓，我叫都叫唔住呀班傻仔！

跟住．．．跟住我冇再見佢地上番黎了．．．．．」老爺子停頓．小靜大約知道甚麼事發生了，嘴唇緊緊地抿著．





 

「個浪遠睇唔大，慢慢去到石門果頭，城門河口。

啲人開始發現個浪高得好離譜，浪頂仲高過沙田馬場頂．

街下面啲人開始大叫“走呀！！！海嘯呀！！！”

有啲人呆左企係到．好多人向新城市方向死跑爛跑。

有幾個水貨佬連貨都唔要成架車仔扔低就跑．」老爺子嘴邊微剔，耐人尋味的笑了一下．

 

「我知道我要再行高啲．起身用埋手爬樓梯上去天台．





我爬爬下覺得好多雨粉灑落我塊面到，係欄杆邊到扯入黎，我以為啲水衝到黎啦，嚇到我鼻哥窿都冇肉。我身邊既嘈音越黎越近．

我果時個心跳得好快，覺得自己浸唔死都要中風死喇．

當我死命衝到上天台時發現得幾個人係到，全部都捉住天台邊既短牆向下望．

我用最後既腳骨力跑到牆邊向下一昅。

街上面既人已經唔見哂，一大片黑水湧入街上每一條小巷。

我望過去對面岸都一樣。

唔洗十分鐘，除左係附近天台仲有我果棟之外都冇見過人喇。

除左水聲之外出面靜哂。。。」老爺子把臉容埋在雙手埋試圖安慰自己。

「咁其他人呢？佢地。。。。」小靜追問。

「呵～～～～～～～欠。」一下懶洋洋的聲音插入了兩人的對話。