[末日][極限生存][獵奇]　致人類的輓歌－首部－墮落: 序－0.0

天亮了．自從大災難後天空一直沒有放晴，總是昏昏暗暗。

「準備好未？行架喇．」亞力認真地說．
 
小靜換上一條緊身牛仔褲，身上披了一件螢光粉紅色反光的風褸，玲瓏的身形藏在風褸下若隱若現．

烏黑的秀髮用髮圈紮成一束．老爺子仍然是穿著格仔襯衣．
 
「等一等．」老爺子從胸口掏出一根香煙．用石油汽爐點著．





「比多小小時間我．」老爺子閉著眼，慢慢地細味那陣刺鼻的薄荷香．
 
亞力和小靜都明白老爺子的意思．他們坐了下來慢慢等待，誰都不著急出發，也許根本沒有人想離開這個安樂窩．
 
「老野，你尐手工靠唔靠得住架？」亞力看著手中的“矛”問．

「我食鹽仲多過你食米啦，o靚仔．呀叔我做左幾廿年農夫，有時鋤頭爛左唔通又買過枝喇啵．依家尐後生仔真係．．．唉！」老爺子得戚地搖

頭，然後吸了一小口煙．
 




「只不過係用個拖把柄加把魚生刀姐，十號風球都打唔甩呀！」老爺子笑著誇張地說．

「不過你小心，依隻尼龍繩唔係太硬淨，我已經將三條搓成一條．仲有佢唔浮水，你用果時注意唔好刀頭拎太低，唔係一跌左就執唔番．」老爺

子伸出夾著香煙的食指跟中指，指著亞力手中的合成矛示意．
 
小靜緊摺起雙腳，背囊放在胸口與大脾之間．雙手抱著膝頭，咬緊下唇深呼吸．水汪汪的大眼睛沒有焦點地望著前方．緊張的感覺令她的臉容更

顯得蒼白，耳根通紅，但無損她精緻的五官．仍然是一個閉月羞花美人．
 




「唔洗咁緊張啵，我地只係好似上次咁入商場搵野姐．只不過今次去市中心遠小小．冇事既！」亞力用肩膀輕輕撞一撞坐在身旁楚楚可憐狀的小靜．

小靜點點頭，默不作聲．
 
老爺子在褲袋中拿出一把小刀遞給小靜．

「袋住佢啦，有野旁身好過冇．」老爺子說．

「咁你呢？」小靜伸出手卻不敢接過小刀．

「我都係睇實隻船，拎住都冇用啦，我拎埋枝漁杆去仲好．」

小靜接過小刀，她感受到老爺子手掌的餘溫．一陣暖意湧上心頭．
「嗯．」
 




亞力拉開鐵閘，一陣刺耳的金屬撞擊聲告訴他們：“長跑”要開始了．