我是你的主人，你是我的貓貓: 下

就這樣，我就跟婆婆住在一起。 

我在沙發上晒腩，婆婆也會過來騷騷我的肚腩；有時又會跟我玩。不過，更多時間，婆婆也會看著一個玻璃架發呆，有時又會抹抹那個架。 

主人始終都沒有回來，哥哥有時也會過來坐坐。我沒有那麼討厭他了，因為他每次也會帶魚仔給我，又會騷我肚dum，好舒服耶。 

不過，唔好抱我呀，我仲未比你入宮架。 

XXX 





「阿媽，Mabel有了小孩，貓有菌，會影響大肚婆。既然 Eclipse那麼愛家姐又經常來探隻貓，不如把貓送給他。你又有時間湊孫。」 

「隻貓是你家姐的，如果你怕貓貓影響Mabel，可以請你外母照顧你老婆，孫仔我有空會探。」 

我看到舅父的面色很差......

之後婆婆收拾了碗筷，入了廚房。 

「我到樓下走走，你去唔行去?」舅父問那個叫Mabel的女人，又瞄瞄我，眼神好可怕。 





「唔喇，我要看衝上雲霄2。」 「那你慢慢看。你記著，不要掂隻貓。」之後，「呯」一聲 -- 嚇死貓喇。 

「喂，你叫什麼名字?」Mabel坐在沙發上，俯身問我，又用手指逗我。 

「其實他只不過太緊張而已，我又細到大都同貓狗一齊玩。細個時食嘢，都係我一啖，隻狗一啖。小心一點，摸完你洗手便行。我又唔會執你的便便，又怎會污糟呢。」Mabel姐姐摸摸我。 

「你會一齊錫BB吧!」我看著她揉著那扁扁的肚dum......什麼是BB呀? 

XXX 





「原來你就係BB。」我望著那個大籃內的粉團。 

「你就係貓貓呀。媽咪成日同我講，話你好得意。不過爸爸話你污糟。」BB笑笑。 

「我一向都有自己沖涼，點會污糟呢。唔駛水架，我示範你過你睇點樣沖。」我就開始沖涼。向上舔，向下舔，舔舔舔.......  

「哈哈，你好傻...哈哈...」BB笑過不停。 

「老公，你睇，BB笑呀。貓貓好錫BB，識氹BB。」Mabel姐姐好開心，抱著我團團轉。 

「佢唔好跌啲毛落阿B到先好，如果唔係我劏左佢。」 

「我劏左你就真!」婆婆從廚房走出來，瞪眼看著舅父。 

「我講下姐。」舅父睨眼看我。 「貓貓都係望下BB姐，唔會掂佢的。貓貓係唔係?」Mabel姐姐瞇眼看著我。 okay! 我自己玩仲好啦。  





XXX 

「BB成九個月大，都唔識企，點算?」舅父好憂心。

「醫生話佢的骨無問題，就係唔肯企。」Mabel姐姐有些無奈。 

「你們差不多時間返工，我帶BB去公園玩，可能見到其他BB行，佢會企呢。」婆婆安慰他們。

 XXX 

「BB，何解你唔企?」我好奇問。

 「企唔到，我會跌，跌好痛。」BB噘噘咀。 





「跌又真係好痛既.....咦! 窗出面有隻七彩的東西正在飛。」我探頭去望。

 「喂，佢點樣架?」 

「好大隻，大隻過加埋我同你。但又唔似小鳥。是什麼呢? 佢真係好靚，靚過你的jungle gym ---」

 「你形容得好差呀，我自己睇 ---」

「BB! 你識企喇! 錄給你爸爸媽媽睇先。」婆婆開心到立即拿電話出來影，就好似佢平日影我 一樣。 

「哦 ~~ 你故意既!」BB鼓起來。

 「企，都唔一定會跌啫 ~~」我單單眼。 

XXX 





最近經常都好累，就是想睡~~~ 

「貓貓，我明天就要飛去美國讀書，可能要幾個月後的聖誕先見你。你要捱住。」 

「唔 ~~BB你去邊話??? 去邊都好，比我瞓 ~~」 

「我們去食飯先，返黎先餵你。」婆婆摸摸的頭。

咦，點解我個頭又有點濕的。 我聽到門關上了，成間屋只有我一隻貓。

四周都好黑好黑好黑....我又慢慢沉睡下去。 

我聽到馬路上隆隆的車聲，當我睜開眼的時候，就見到眼前有一對紅色的高踭鞋和聽到一把好耐好耐都未聽過的聲音 - 





「貓貓，我又再是你的主人。」