中三那年忘不了的三個月: 44

「開門呀，開門呀!!」我聽到阿泰係出面好大聲叫嚷著。 

「得啦屌，洗唔洗叫咁大聲。」說罷我將門打開，阿泰亦走了進來。 

「瘦林阿峰呢，你地唔係一齊咩?」 

「佢地去左落去食早餐，我返黎沖個涼先。」 

「喔.....」 





說罷佢就往廁所行，隔左陣出返黎拎衫個時問我﹕「你頭先沖涼黎呀?」 

「冇呀做咩?」 

「咁點解廁所有水蒸氣既?」 

我面色沉左沉，心知自己講錯野，個腦就好快速轉動，諗緊點樣去解釋。 

「呀哈哈，我蠢到自己沖左都唔記得左，哈哈。」我一邊傻笑，一邊講。 





「你都痴痴地線既。」說罷佢冇又理我就入去沖涼。 

我鬆左口氣，因為比阿泰知道左，以佢性格一定會係咁將件事係咁揚出去。 

如是者接下來都無乜特別野，集隊時間又係見唔到本莉。最後一日周SIR就比返我地淡水老街買手信，咁我就買左盒鳳梨酥同埋阿婆鐵蛋，因為真係幾好食。 

好快，我地就買完手信就好快返返酒店到收拾行李，就去機場準備返香港。我係機場個手信店到買左幾罐牛肉鬆，最好食都係有埋紫菜個隻。 

轉眼間好快就上左飛機到，而今次我又係冇同熟人一齊坐，我真係懷疑係唔係特登咁樣。上到飛機之後第一時間掃視下欣恩係唔係到，我慢慢行，每行每行咁樣睇，但係都係冇發現到。我諗欣恩已經同我緣份已盡，若要相見，我諗個機會率仲大過1/70億。 





我接受左現實，我見到坐我隔離既人應該係母女，但係個女好細個下，應該7,8歲左右。之後我就拿起聽筒，閉上眼睛係到收聽飛機提供既音樂。 

係飛機上面，我坐窗口位，望住自己係白雲之上，有一種如眾不同的感覺，聽住琅琅上口既音樂，真係人生一大樂事。但係心中硬係覺得好似缺失左另一種感覺。見到空姐推著午餐，佢用手勢同眼神示意，問我需唔需要，我揮手示意唔洗。 

如是者飛機好快就返到香港。而學校一早準備旅遊巴係機場，之後我地辦好出境手續後，之後就返返學校解散。活動左五日，其實都幾辛苦，但係最戇鳩既就係仲要返班房到寫咩去完台灣之後既感想，之後我是但寫左啲文不對題既內容，想快啲走人算。但係點知Miss郭檢查我寫咩，彈返轉頭叫我重作。其他人都就做完，而我就開始重做，我為我既行為感到後悔。 

不過我有啲急尿，所以同MISS郭講去個小解先。去完之後，我係返班房既途中見到本莉獨自走，咁我當然追上去啦。 

「喂，本莉，本莉。」我從佢身後叫佢。佢擰返轉身見到我，就好開心咁笑﹕「咦孖撚??哈哈，抵你死，叫你亂咁做呀啦。」本莉係到恥笑我亂作文既事。 

「係啦係啦，係我錯。」 

「係啵，你電話幾多呀??我連你電話都唔知，日後點搵你呀??」說罷本莉將手機拎出黎，準備輸入我既電話號碼。 

「6543 2109。」我將電話說給本莉聽。 





「6...5...4...3...2..1..0...9。得左，咁第時搵你就方便好多了，嘿嘿。」本莉望住電話傻笑著。 

「記得搵我呀，SMS都好，我呢加返入去作埋篇野先走。」 

「咁好啦，拜拜。」 

就係咁本莉就從慢慢往樓梯口走去。我就死氣沉沉入返去作篇文。但係我係台灣除左同本莉之後，真係冇咩深刻印象野。所以我亂作作左好耐，都係作唔出字數要求。 

跟住MISS郭都等得唔耐煩，同我講﹕「孖撚，不如你聽日先交比我，都就6點了。」 

「好野多謝MISS!!」說罷我就講﹕「GOODBYE MISS KWOK!!」就急急步拉住行李箱返屋企了。