中三那年忘不了的三個月: 17

飛機沖上雲霄需要既時間需要既時間只要短短1分鐘。 

但係呢1分鐘入面，欣恩緊緊閉上了眼，將臉緊貼著我既胸膛，緊緊攬住我，我比佢攬到我自己都覺得驚，而且我就感覺到我既細路就到左極限，不過我見欣恩又真係幾驚咁，所以我都冇理會到，就任由欣恩緊緊地攬緊我。 

係呢一分鐘內，我對欣恩已經產生左一種奇妙的感覺，點解上帝要咁樣捉弄我?明知我有本莉，點解仲要派個欣恩黎我身邊? 

飛機話咁快就已經上到雲霄，但係欣恩仲係緊緊地攬住我，我就輕輕摸住佢塊臉，細細聲講﹕「喂，喂，欣恩，起身啦，飛機已經好平穩，唔洗驚啦。」 

佢從攬得緊，變到攬得鬆，雙眼亦慢慢張開，我見到佢眼框仲有少少淚水，佢塊臉由我胸膛慢慢移開。仲講左句﹕「唔好意思呀，我太緊張啦，仲當左你係我爸爸添。」 





原來係咁，我會錯意添。 

「如果你覺得有安全感，咁我又唔介意既比你攬既。」我摸一摸自己後腦同欣恩講。 

「係咩，多謝你呀孖撚。」說罷，佢訓左係我肩頭上面。 

係呢一刻，我已經忘記左日後同女神既幻想，我只係想呢一刻好好地同欣恩共處3個小時。 

欣恩訓左係我肩頭上，唔知點解我會將佢睇成本莉咁。佢訓左係我肩頭，笑得好滿足。所以搞到我都唔敢亂咁郁，驚嘈醒佢。如是者我都同佢訓左一訓。 





「先生，先生。」我聽到聲音之後，張開眼，見到一個空姐推住架車，用好溫柔既眼光，望住我。 

「唔好意思嘈醒左你，我想問下你同你女朋友需唔需要早餐呢?」 

我用好奇既眼光望住空姐講﹕「女朋友?」 

空姐捂左嘴笑左笑，講﹕「唔通唔係咩，不過我見你女朋友訓得好舒服咁，都係唔阻住你地啦。」 

之後我呆左呆，出於禮貌講左句﹕「唔該哂。」 





不過我岩岩訓醒，佢訓左係我肩頭姐，點解空姐會誤會我同欣恩係我女朋友呢?原來佢唔只訓左我係肩頭，佢隻手仲拖住左我隻左手，我仲feel到我隻手肘揩到佢波邊，真係媽呀，快點打救我，我的弟弟就要爆發了。 

之後我就好似個啲僧侶咁，係心中想「色即是空 空即是色」，直到去飛機就到達機場個時。 

因為飛機要降落，所以我就叫醒左佢準備﹕「欣恩，起身啦，呢加飛機要準備降落啦。我幫你綁返好安全帶。」 

欣恩仲係半清醒狀態下，一邊搓眼，一邊迷迷糊糊咁答我﹕「嗯.........嗯.........」 

之後我呢種正人君子當然唔會乘虛而入，我避開哂所有敏感部位，從而幫佢綁返好安全帶。 

欣恩醒返之後笑笑口同我講﹕「唔該哂你呀。」但係臉上突然出現一剎既哀傷，不過好快又露出返笑容。但係我同佢都知道，飛機一降落完左之後，大家就要分開。所以大家都有啲唔捨得，雖然只係相處左3個鐘。