中三那年忘不了的三個月: 8

等MISS走左之後，我同肥陳阿泰都準備汁野走人個時，肥陳同我講﹕「喂喂，你望下本莉，好似望住你啵。」 

我即回頭望過去，但係都冇發現到本莉的踪影，阿泰笑住同我講﹕「嘿嘿，今次仲唔FAKE到你??」 

「你兩條仆街唔好撚走!!!!」 

「屌，快啲走呀，戇鳩仔開始發火了。」 

如是者，我就追到佢地去學校門口到，終於捉到佢兩個，佢兩個坐左係地下，扯哂哮咁講﹕「呀....放過我.....講下笑姐。」 





當然我都知，追下佢地只係嚇下佢地姐，正當我起返身個時，見到本莉企左係個街燈下，好似等緊人咁，不過我同佢有短暫既四目交投，而且佢仲主動同我揮手，我當然出於禮貌，都對佢揮返手，之後佢就笑笑口咁樣走左。 

原來佢係見到我，故意停低同我揮手，我真係好開心，因為我知道，這是一個好開始。 

我目不轉晴望住本莉既背影，這令我感到無比既幸福。 

但係幸福既時光仲係過得特別快，因為有肥陳同阿泰係到， 

「喂，點呀，人都走左，你仲想點，走啦，去食LUNCH，我好肚餓。」肥陳按住個餓同我講。 





「係囉，一齊去食少少野啦，反正你都係係屋企毒，一齊去商場食野啦，一於咁話。」阿泰連比我講話既機會都冇，就拉左我去商場。 

呢一日都冇乜特別，食完飯，我就返屋企繼續上高登，不停F5吹水台，睇下有特別野，呢個就係我孖撚既一天。 

不過，臨訓前我都回想起今天我唔記得本莉英文名係咩，搞出個大頭佛，諗起自己都會心一笑， 
本莉個可愛既笑容，我諗我呢世都唔會唔記得。 
Angelica，Angelica，呢個名真係好聽，我一定要記住。 

之後我就進入美好的夢鄉了.............