中三那年忘不了的三個月: 2

「鈴鈴鈴鈴鈴.........鈴鈴鈴鈴鈴............」響亮既鬧鐘係我耳邊叫嚷著。 

「屌你老母，響呀啦，響呀啦，嘈住本大爺訓教?」我一邊拍打著鬧鐘，一邊用粗口問候。 

正當我想繼續訓個陣，我望住天花板，突然諗起我係唔會無源無故咁去SET鬧鐘起身家啵，之後我九秒九即刻跑出廳望下今日既日子。 

「頂你個肺呀，原來真係九月一，快d刷牙洗面換衫先，唔係唔夠時間。」我心裡面叫嚷著。 

我以迅雷不及掩耳既速度，汁好哂畫包，著埋校服，就九秒九跑返學校。 





返學既途中，我遇到同我一樣都係升去3A既老死——肥陳。不過佢完全唔肥，只係小學個陣矮，望起黎肥到成粒波咁，但呢加同我差唔多高，望上去又有幾分型仔。 

「咦，孖撚，咁岩既!」 

「係呀，真係幾好彩下，不過話事話，你驚唔驚?」 

「驚乜?」 

「新同學，新環境啵，又要重新適應返哂。唉，諗起就煩。」 





「係你呢種毒撚先覺得煩姐，我要去到個到食哂D囡囡佢，你睇撚住。」 

我心裡面突然有點難受，因為佢一針見血，可能真係因為我太毒，所以覺得驚，覺得煩。 

「有咩好驚姐，啦，呢家我同你一齊上班房，多個人多個照應，係唔係咁話先?」 

「多謝肥陳大哥照顧!!」 正當我同肥陳準備步入校門個時，我倆都係校門前深呼吸左一下，彷彿上戰場既士兵咁，準備為國損軀。 

而係我地後面高FORM既師兄見到我地兩個咁做，就講﹕「你兩個係咪痴撚左線?塞撚住個校門做乜春呀，唔撚洗行呀呢家?」 





之後唔洗講，我同肥陳當然好尷尬急急腳咁走左去，走個時仲好似隱隱約聽到個師兄講﹕「呢加D低FORM真係傻傻地....」 

我同肥陳去新班房的途中，都冇點講野，可能係比個高FORM師兄鬧左句，覺得有D委屈。 

新班房係5樓，所以由地上行上去都幾辛苦下，就到4樓個時，肥陳突然講左句令我唔係好明白既野 ﹕

「上到新班房時，記住，敵不動，我不動。」 

我心諗佢做乜，係唔係比個師兄鬧到傻左。 

經過千辛萬苦，終於到左新班房門口，見到班房入面有開燈，就知道有人係入面，我同肥陳對望左眼，吞左啖口水。 

佢渣住門把，個樣好認真同我講﹕「記住，敵不動，我不動，仔細觀察一下環境先。」 

一打開對門，入到去，見到好多生臉口，起碼十個以上，全部都唔識。 





霎時，熱鬧既班房，瞬間變成一遍死寂。 

我同肥陳比十幾雙眼凝視，心裡極不好受。我倆見到後排有空位，就即刻坐低，相討對策， 

「喂，肥陳，乜野事，個個都啤住我地，我好驚。」 

「無事既無事既，新黎新豬肉，比人望兩眼好正常姐。」 

「咦，阿泰唔係都入左3A咩，點解唔見佢既?」 

話口未完，阿泰就已經入左黎班房。阿泰身高比我同肥陳矮一個頭到，但係同肥陳一樣，係運動型，不過膚色就好似古天樂咁，都幾型下。 

佢首先打量下個環境，佢打量到班房後面個時，我同肥陳揮手示意佢坐過黎。