《奇怪的開始，經過，結局》: 我，叫李展風
『哥 , 起身啦 , 已經搭三啦。』阿Wing係我面前搖緊我。
...仆街! 第一日翻學就賴野!?
都唔撚知係咪玩野，個死人鬧鐘無饗，如果細妹無叫醒我一定死，真系得一句仆街來形容。
我即刻係個床彈落來，用兩分鐘就執好所有野，衝入去廁所換曬衫，五分鐘行翻出來READY曬。時間啱啱好，如果想仲可以去Ｍ記買個包先。
阿Wing仲坐係個廳等我，真係無得話。呢個錦既細妹系邊到搵啊，真係都唔知投胎投我地屋企做條毛。
自我介紹下啦，我叫李展風，讀緊BAND 2中五，雖然唔係話BAND 1，但都係BAND 2頭，算系錦啦。身高176,樣貌一般，其實嚴格上來說沒什麼出眾。阿妹就唔同啦，李詠雯，簡稱Wing，就算只係講讀咩，就讀緊我學校既母校，好似係全港第八，同樣中五，你話身為阿哥既我慚唔慚愧啊...
好彩阿爸媽都其實只想我地可以腳踏實地做人，講真對我地兩個無話有咩期望，而且宜家通常都係外國做野，大概半年番得來幾次。所以當然，屋企既一切就俾我做啦。阿妹都真係好乖，學校多野做仲幫我做下家務，而且都唔係話好任性。因得我地兩個一齊照顧對方，阿妹都好貼我，無論咩野都想拿我同意先。而因為兩間學校都好近，隔一條街仲要同時間放lunch，所以唔系同班死仔一齊食就同細妹加佢班閨蜜一齊食。當然，聰明既我係從來都無帶班死仔同阿妹食? 點解，唔撚洗解釋啦。雖然我係廢，但阿妹清白＋無辜，身為阿哥就緊係要保護佢啦。
『哥，捻咩捻到錦入神啊?』Wing過來拍拍我膊頭，臉上的笑容足以令人甜死。佢一頭烏黑頭髮加劉海同埋一對大眼睛簡直已經女神．而身材... 身為阿哥就唔方便講啦，但系如果無血緣關係我一定追! 系性格，智慧，身材，樣貌全部集於一身既接近完美女性!
點解唔係完美？錦天下間無人完美，白痴仔都知啦，係咪?
我阿妹仲要係佢學校公認的班花! 好彩佢讀果間係女校，如果唔係就真係好鬼擔心啦，一班狗公鹹濕錦望著我既細妹都其實幾擔心。如果萬一真係讀男女校我捻我果陣一定會狂讀書同阿妹一齊讀同間學校。
『嗯？無野啊，你想唔想食個包先啊？仲夠時間。』
阿Wing搖頭『唔啦，M記錦唔健康，我已經食佐三文治啦。』
『錦啊，錦我地直接翻學啦。』
阿Wing突然個樣好驚『唔係啊哥，你想食你食啦!』
我淺淺一笑『算啦，既然細妹都話唔健康，改唔食M記早餐咯．好啦，再講就一定遲到啦，行啦行啦。』
行到佢學校，阿Wing突然轉過身埋來『阿哥...其實今日佢地約佐我放學後行下街唱K...』
『嗯？好啊，我又唔係女仔，點陪你shopping啊。』
阿Wing突然臉色好急『對唔住啊阿哥，我都知事先唔通報聲同埋第一日就出街玩唔...』
『無野啊，記住唔好太夜翻就得啦。』我淺笑。都啱既，呢個細妹都十六歲，大過女啦。呢個時候想同朋友出去蒲好正常既。
阿Wing一見到我笑更加心急，無奈鐘聲響起，到佢地入禮堂啦。
送完細妹，就到我翻學。我間子校比母校遲十五分鐘先開學，當然，代表著要遲十五分鐘先放學...
唉...望到啱啱既阿Wing既背影就捻翻起佢，心情即刻低落曬...
一轉過彎就見到最佳損友，馬上風。當然系花名啦，真名叫馬尚楓 Gary Ma。只不過真係人如其名，無數女仔都想識佢玩輪迴，你話係咪on9。
『屌，Wind? 喂屌拿拿聲衝翻學校啦，我好耐無見過阿欣啦。』佢口中既阿欣即是周天欣，佢女友。雖然呢個死仔包成日扮曬野，不過其心身早有歸屬。都唔明呢條友受女歡迎仲要搵到個錦好既女仔做女朋友。呢D咪叫行狗屎運咯。
『係係，行啦錦。』
『喂屌，無野啊嘛你? 一大清早錦頹做條春?』呢條友不愧為兄弟，幾秒就知我咩事。
『唉，咪撚提啦，行啦。』其實真係唔係好想講，我自己都未捻清楚自己啱啱咩反應。
『屌你都on9。你條傻撚一向都少講粗口，最多都係心入面係錦講，你講得既話證明有野啦。仲有十分鐘，講來聽下啦。』Gary一臉唔撚關我事既樣，但眼睛暴露佐擔心，屌呢條友真係唔誠實。
『放LUNCH先啦，老地方。』
入到禮堂又聽完一大班廢人講廢話，終於可以翻課室。
不過今年好似中五調曬班，所以如果我唔係同Gary一齊就真係好PK，畢竟我同佢最熟。
Check完個list，都安樂翻，阿欣同Gary都同我同一班。而好好彩 佢 亦都唔係我果班。
入到5A課室，Miss Ko介紹佢系5A班主任就開始點人。其實Miss Ko 人品心地都唔錯，而身為老前輩德高望重，教D課都比較動聽，所以都幾受學生歡迎。
點曬D名就跟住同我地講『好啦，各位同學。今日我地呢班就會有個新同學加入我地。入來啦!』
課室道門一打開，除了兩個之外所有男生即刻望著個新生入來。果特別兩個係邊個？咪就係我同Gary囉。
我眼掃過新人，發現佢睇落都有幾分姿色，身材貌似都唔錯。一頭深啡色既頭髮綁馬尾，前面掃向右邊。雖然胸部唔係話好大但兩個瘦美腿露出來應該沒咩男人忍到。最突出的就應該係佢雙眼都是藍色，但樣貌係似亞洲女，唔通係混血兒?
呢個Gary成日扮魚蝦蟹，不過Gary除佐阿欣之外都唔會特登去睇其他女。就算係都只不過係撩話題講。
阿欣錦體諒佢， 你話Gary仲真係敢睇其他女咩。就算打丁都無時無刻一定幻想AV果個就係佢同阿欣。都唔知應該話專情定on9好。因為某方面來講阿欣可以話系Gary既救命恩人，都難怪Gary錦專一。
個女仔到講台前輕輕錦鞠躬.
『我叫黃雪心，以後請多多指教。』
Miss Ko 好熱烈錦笑，跟住面向我地『ER...錦黃同學就坐...』
當然，一班狗公即刻變曬形『Miss Ko 黃同學坐我隔離啦! Miss Ko 佢可以同我坐啊!』
Miss Ko 當然都唔係白痴，見到得我同Gary無變形，況且Gary同阿欣既關係無人唔知，所以用眼神同我求救。
我都費時第一日就惹到個老師，就輕輕錦點頭。
『錦黃同學就坐李展風同學隔離啦。李展風，舉起手啊唔該!』
我舉起手，見到個新人行過來就點頭就算數。我仲可以見到一班狗公既低落加憤怒既表情，真係忍唔住笑。
『ER，我係黃雪心，你就係李展風?』
近D望翻黃雪心，佢都算五官端正，無咩問題。我點一點頭佢就對我笑一笑，跟住望翻Miss Ko聽佢講學校來緊既活動既果D廢話。
到左小息，Gary即刻就同阿欣走左。阿欣前日先翻來香港，去佐英國玩一個月，令Gary好鬼心酸，屌捻翻起果陣時佢果表情真係好撚好笑。
同埋當然有一班狗公圍埋來想討好黃雪心。好明顯黃雪心係唔領情，但又搵唔到藉口走，走佐班狗照跟，真係進退兩難。
我通常係小息都係睇下書，而且昨日先買呢本《The Cuckoo's Calling》，聽人講都幾好睇。
個新人都好似幾慘錦，唔夠十分鐘就被人要電話，FB，IG，一班毒狗真係做野做得快。
我地個學校系老師來教，唔洗我地周圍行。一到第三堂一班毒狗依依不捨錦終於走撚佐，終於回歸安靜啦。
班老師陸陸續續入來都其實幾好，除左出名鹹濕加廢既陳Sir教英文之外，都無咩問題老師。
終於挨到LUNCH，即刻去又一城個FOOD COURT，同Gary一齊食M記包終於講到正題。
『喂屌，今朝做條撚啊?』
『無，突然望翻阿Wing就好似望翻冰冰錦囉...有少少感觸...』
陳嘉冰係我四年前既前度，亦都系我至今唯一既女友。中一第二學期就系埋一齊到佐中三年尾就分左手。原因點解？好現實，同個有錢既學長系一齊。
『屌，捻佢做咩撚野啊，你條傻閪死都要令自己傷心。』
Gary好憎冰冰，因為果年暑假到中四第二學期我直頭自閉佐，同邊個都唔講野，嚴重到阿Wing打翻俾老豆老母飛過來探我。而其實一路陪伴我既真係只有班除左打波打機打飛機就咩都唔識既死友，Gary，阿欣同埋Wing之外都無。連冰冰都忘記佐我個存在。
直到老豆老母翻到來我先知道唔可以再錦樣頹落去，無謂令二老擔心。我讀書又廢，經濟無，理所當然係無女架啦。
Gary系特別例子，佢同阿欣真係OTP...
『所以其實我都幾羨慕你同阿欣感情都可以錦耐。而且我有少少慚愧囉，阿欣本來同冰冰系BFF，而因我就破裂佐關係...』
『錦系阿欣睇得起上我囉，雖然我都宜家都唔知佢鍾意我D咩。而且陳嘉冰為佐同條有錢仆街同你分手，阿欣緊系睇唔過眼啦，點會關你事呢傻仔。所以次次都叫你你快撚D忘記佐佢啦。之不過點解望阿Wing你會捻起陳嘉冰呢?』
我捻呢個社會有真心真愛既都應該只得你地兩個啦。你話家長都見埋，感情真係好到無得頂。至於點解...
『呢個我都唔係好知，不過...見到阿Wing開始出去蒲就捻翻起冰冰同我講分手果日。我捻阿Wing都應該唔會想系屋企架啦。』
『算啦，阿Wing所謂既蒲同我地既蒲好唔同囉，佢最多咪又係唱下K同shopping....算啦，以前既野無謂捻錦多啦，發生佐既事從來改變唔到。只可以影響我地宜家條路點行。』
Gary呢句其實講過好多次，之不過我仲念念不忘我同佢之間既感情囉...
翻到學校上完第五堂夠鐘翻屋企。Gary條賤友當然丟D我同阿欣走去拍拖...重色輕友咪就係呢D囉。
無啦啦有人拍我膊頭，轉身見到就係果個咩黃雪心既新人。
『李同學，你可唔可以幫我一個忙啊?』
『睇下咩忙囉，而且唔好叫我李同學，聽落真係好核突，叫我Wind就得啦。』
我真係好撚眼瞓，同埋心捻你去搵D狗公幫你手咪得囉。
『啊，我想問你個英文名係咪跟你中文名改架?』
『嗯。我同我細妹都係由中文名改翻來。我阿妹就叫Wing，我叫Wind，其實都幾似。所以呢，幫咩忙？』
『其實我就唔係好熟呢到地區，我本身住尖咀，唔係好熟九龍塘，而且今日都係飛的過來。我想問你係咪住附近架?』
『嗯，我住又一居。』
『錦我想問你可唔可以聽日朝早來接我，錦我可以自己識路係九龍塘地鐵站過來。』
錦又係既，唔通真係日日飛的咩。。。只不過屌我唔想早起身應付佢囉。
『其實你都可以搵啱啱果班人，我地都係住附近。』
『ER...錦你幫唔幫啊?』
呢個時候黃雪心已經嘟嘴。即係呢，其實無事唔好係到扮可愛啦...雖然真係都幾可愛...
『又唔係話唔得，只不過你聽朝幾點會係車站?』算啦求其應承佐先啦。
『應該大概七點半就到架啦。我既電話系6XXXXXXX，同埋你可以叫我阿雪或者Yuki囉，我唔介意架。』宜家又笑口笑臉。
即是錦，你唔介意我都介意啦，係咪? 你估我同你好熟咩...
『哦，我個電話6XXXXXXX，錦聽朝七點半D出口見啦。』
同佢揮完手當拜慢慢行翻屋企。反正又唔洗接阿Wing。
搞掂曬D功課＋溫書，錦又八點半。臨瞓前都係睇陣小說先，好快就無錦悠閒架啦，有得嘆快D嘆。
突然Whatsapp "叮" 一聲，原來係Yuki 搵我。
"Hi! 我係Yuki啊！:D"
"我知，搵我有事？"
"我聽欣欣講你中英文都好好，我想問下今日英文堂個Comprehension點做啊？"
阿欣被人叫欣欣? 錦快就錦熟既?
"我等陣send張相 , 你自己抄啦"
"我係想識點做囉，唔係抄囉，你當我真係公主要抄咩？XD"
無錯，我真係當你系MK女皇...SOR囉...
"錦我等陣打俾你然後再一步一步教"
"好的! thx! :D"
你估我真係好得閒咩...又出良策啦，扮電話無電＋瞓覺，咪撚煩。打發佢去D狗公身邊就得啦。
其實如果班死仔係道，一定會講，Yuki呢種有樣，有身材既女，就算唔追都可以做朋友啊，都唔知你係咪白痴既。既係你唔熟我就咪講我啦...你自己覺得人索你咪去追囉，咪撚搞我。
唉...我承認Yuki真係好靚，身材係好，只不過有前科既我唔想再中伏囉。你話做朋友都得既...不過就等我瞓醒，聽朝先講啦，好累。
"同埋欣欣話你可能扮野話無電＋瞓覺，所以你唔好扮野啊!"
阿欣，你宜家即係想點啊...我想瞓覺啊...
"哦"
"錦你得就打電話俾我啦"
"大概十分鐘後"
"OK OK" 仲加多個OK手勢，其實唔需要講錦多次囉... 落街買左個M記3號，食完就打俾佢。
教完佢D問題，加D吹水原來Yuki都幾鍾意睇日本動漫，所以跟日文起佐英文名，Yuki即係日文雪既羅文字。佢最鍾意就係魯魯修入面個C.C.同埋佢句名言。
"魯魯修，你知唔知雪點解系白色啊? 因為佢已經忘記佐自己本來既顏色係咩。" 呢句其實我都記得，因為我都好鍾意魯魯修，不過最最最鍾意都係白色相簿2。 因為真係好現實，唔同一般動漫入面果種FF，D音樂又好聽。
結果同Yuki傾傾下就到九點半，結果佢話佢差唔多瞓，就話聽朝見。
自己繼續一路睇小說就捻Yuki貌似都OK，咪宜家做住朋友先啦。
你話我多疑又好敏感過度又好啦! 總之只睇樣唔睇性格就好容易中伏!
奇怪啦，宜家都十點三，阿Wing一向錦守時，打個電話睇下咩事先。正正想拿個電話鈴聲就響起The Anthem首"Aeroplane"。有次系屋企播呢首，佢聽到好鍾意就要我用來做佢專有既鈴聲。
"She only knows that I'm catching the aeroplane~"
"To go abroad, I'd just want her to know~"
『喂，阿Wing，你係邊啊?』
『阿哥，我地宜家係又一城隔離果條偏僻既街走唔到啊，你快D過來啦，我好驚啊!』
阿Wing把聲好細聲，好緊張同埋講得好快，好似哭出來錦，喂屌發生咩事啊!?
跑佐過去我屌，得翻阿Wing自己一個對住三個MK仔。好心MK仔好地地跑來九龍塘做條撚咩，翻MK啦。
『喂靚女，你條仔宜家來接你啦? 咪錦掃興啦，跟哥哥我走帶你去邊度都得。』
阿Wing好緊張，連腳都震埋。
『阿Wing，呢幾個邊個啊?』
一班柒頭見到有人即刻閃佬，雖然仲係錦偷望，但都已經出發尋找下個目標...翻MK就MK啦...
『阿哥，對唔住啊，我...』
唉...阿Wing你又唔知自己唔係唔靚，出街起碼都搵個仔幫你擋住先啊嘛，你估次次我都來救你咩...
『算啦，翻佐屋企先再講啦，洗唔洗飲D野先啊?』
『唔洗...』
翻到屋企，我叫佢去沖涼先，我自己倒佐兩杯綠茶。
沖完涼佢著佐件白色睡衣加黑色短褲，我屌唔帶Bra兩舊饅頭露曬出來，無計啦，阿妹來架！定力！
唯有盡量唔望落去啦...保持視線系臉上。臉...臉...臉...
『阿Wing，好似啱啱錦，你都唔係唔知自己幾靚架啦。阿哥我唔係唔俾你出去蒲，不過就叮囑你小心D囉。如果真係有咩問題就打俾我或者Gary啦。嗱，事先講明，我唔知你有無男朋友啦哈，但係唔該你就確定你真係鍾意人先好俾處佢啦。唔好因為青春期就做佐D你可能一世後悔既野啦...』
屌...阿Wing紅曬面錦，其實我都覺得好尷尬，不過二老都唔係道叮囑，唯有我盡量引導阿妹啦...
『咩啊阿哥，你以為我會系呢D錦既人咩！由細到大我只鍾意過一個人咋嘛，阿哥你錦白痴唔好同我說教，哼!』
講完無啦啦跑翻入房，又無飲綠茶，又未聽埋我講落去，即係想點嗻...我只係身為阿哥講翻D應該講既事囉好無...你估我想搞到錦尷尬咩...
唉，唔理啦，聽朝要7點就起身啦...