想打下機姐...點解會變到咁麻煩: 2

擁有選擇困難症嘅我,一時三刻都選擇唔到,於是我決定除低部主機,開着部電腦上網搵下各位巴打絲打對各職業嘅評價,由於隻實體遊戲都係新出,所以對於依隻實體遊戲嘅資料並唔多,但係經過我過五關斬六將,終於搵到有關各位玩家對依五種職業嘅詳細評價。
「等我睇下先...」我好細聲咁講
原來各位玩家都對同化族同異能族嘅評價係最高嘅,不過玩依兩款職業需要好好嘅運氣,因為有啲人嘅同化生物係一啲昆蟲或者蝸牛,亦有人嘅異能係自我弱化或者瞬間令自己嘅血量減少五分之一,當然啦仲有好多悲劇個案。
「哦...」講完之後,我即刻戴上並開啟主機
「夢幻遊戲公司」依六個大字又出現係我面前,亦比我知道遊戲開啟咗。
「喂?阿健你番嚟啦?」阿鯊上氣唔接下氣咁同我講
「你玩緊啦?揀咗啲咩職業?」我抱著好奇嘅心態問佢
「係吖,揀著異能族,因為網上對依款職業評價唔錯,而我嘅異能係「硬化」(硬化:能夠把自身和接觸嘅物件硬化,異能會係角色等級上升時變得更強)」阿鯊好詳細咁同我講
「唉...既然你揀咗異能族,咁我費時同你撞」原本充滿好奇心究竟會被隨機抽中那一款奇怪嘅異能嘅我唉聲嘆氣咁講
灰心喪氣嘅我跑到去同化族嘅魔法陣到




「恭喜你成為同化族嘅一員呀!你嘅同化生物係「蟑螂」」電腦Ai嘅冰冷而沈重嘅聲音傳入我嘅耳仔裏面
「屌!唔撚係呀?」一聽係「曱甴」嘅我好想得一拳打爆個Ai,但係當我幻想緊憤怒嘅拳頭正面擊中Ai冰冷嘅身體嘅畫面嘅時候,係我嘅視覺上忽然彈出「系統錯誤」四個大字。