2012末日傳奇: 序章(猝死): 急謀應變

" 吼........." 面對狂暴市民不斷衝擊，防暴隊即使施放胡椒噴霧，仍不能制止他們發難，正當鐵馬將被推倒之際... 

"啊......." 一道刺眼光芒從天上照向狂暴市民，防暴隊員只覺置身耀眼卻溫暖光芒之中，時間彷似停頓下來......不消一會，前推壓力已消失無蹤，光芒漸漸消失，回復視力後驚見暴民已全數昏倒地上，即知會醫管局設法處理...... 


天台之上，五美，鮑文方，DR.展，Ann與Sally九人正在商議...... 


"好彩中台八葉陣所引發既佛光可以封鎖住佢地行動，唔係就大件事...." 金美率先開腔... 





"而家只係治標，再過兩日諗唔到方法解毒，就會有幾百隻喪屍四處搗亂.." 鮑文方望了望躺在地上的James馬夫婦 " 到時連佢地都唔例外...." 

"咁帶佢地去我度先啦..." DR.展已準備好" 鬼車" ，安置好James馬夫婦上車後，眾人隨即上車，即向香港生物科技研究院駛去....
 
 
特首官邸內，正召開緊急會議...... 

"一時間要收容幾百個昏迷市民，仲有老有嫩，又唔可以分幾間醫院，驚有突變時兼顧唔到，真係幾傷腦筋..." 周局長一口氣講出當前難題.... 

"但係我地而家即刻要處理左先，唔可能由佢地瞓地唔理....." 特首即時咆哮... 





"胡局長已經安排左抽調廣華醫院醫護人員組成醫療隊到場協助，暫時都可以叫做應付到.." 林司長在旁附和 " 不過點都要安置好佢地喎..." 

"如果要廣華醫院接收哂佢地，要幾耐時間安排呀? " 特首詢問周局長... 

"咁呀.........要問問先知......" 周局長一時語塞...
 
 
香港生物科技研究院內，DR.展正在檢視仍在床上昏迷的James馬夫婦一切生命表徵，經過抽血，電腦素描，儀器上顯示他們心跳，呼吸，脈搏，血壓數據，均表現出同常人無異，只是沒有意識，彷似沉睡未醒........ 





"呢個先至係屍毒最恐怖既地方..... " 火美得知檢驗結果後，淡然而道 " 好似一個炸彈，之前毫無跡象，到時侯就會爆發....." 

"唔通真係冇辦法拯救佢地，由得佢地變喪屍? " 水美不禁嘆息 " 就連佛光都唔可以淨化屍毒....咁我地仲有咩可以做......" 

"只要有一隻喪屍咬人，傷人，屍毒就會繁殖，普通人皮膚即使染到一滴屍血，都會變成喪屍...." 鮑文方亦不禁搖頭 " 到變左喪屍先去對付，就太遲喇....." 

"如果係咁佢地唔可以由醫院收容..." DR.展似想到了什麼 " Ann，交俾妳睇住佢兩個，我要出一出去..." 

"Simon....我知嘞...你去啦!!." Ann亦似意會到什麼，點頭示意DR.展放心前去....
 
 
"我再問一次，究竟幾時可以安排醫院收容哂呢班市民，唔可以再等嘞....." 特首一直咆哮.... 

"要一間醫院安排幾百張病床，唔係一時三刻可以做到......" 周局長再作詳述 " 要其他醫院同時配合接收原本住院病人，先可以騰出床位接收昏迷市民，所以而家仲安排緊...." 





"咁即係仲要等幾耐? " 特首正顯得不耐煩...... 

"佢地唔可以住醫院....." 一人推門而進 "咁會好危險......特首先生，咁多位局長司長，情勢危急，請恕我冒昧前來..." 

"咁多位同僚，呢位係生化系展莫銘教授，我時不時請佢向特區政府提供專業意見..."特首藉此機會正式向各官員介紹.... 

"唔知展教授對呢件事有何高見呢? " 林司長首先提問..... 

"希望各位要鎮定，同埋唔可以公怖出去，因為跟住我要講既會相當震撼...." DR.展神色凝重 " 而家昏迷左既市民同上次猝死市民都係來自同一個源頭，不過今次呢一班係中左毒，如果搵唔到解毒方法，最後會變成喪屍，所以如果以醫院收容佢地，後果會不堪設想..." 

"咩話?...會變喪屍!!....." 特首與一眾官員同時瞠目結舌....