2012末日傳奇: 序章(猝死): 危機再現
第一道菜: 英雄豪傑嚮叮噹
"一開始個名好有氣勢噃!! " 金美看到舞台大屏幕的菜名顯示，不禁驚噗...
"其實即係酥炸生蠔配嚮螺片.." Shirley 一語道破菜色使用食材 " 要炸到外脆內軟一d都唔容易，嚮螺片要夠大塊，唔可以多油..."
"Shirley對烹飪好有研究喎.." 水美面向James馬稱讚 " 馬Sir真係有口福...."
"咁佢煮野真係唔差....." James馬沾沾自喜 " 有機會請你地來品評下...."
"好呀!! 馬Sir盛意拳拳，有機會我地一定到...." 水美微笑回應..
"上菜喇.....大家飲杯!!" 金美呼籲一出，眾人舉杯....
第二道菜: 矯若游龍擲金針
"原來係桂花翅同銀芽，龍蝦肉，蛋同炒..." 舉杯過後，Ann亦不甘示弱 " 蛋漿要平均散落魚翅及銀芽上面,蛋汁要嫩,銀芽要爽鮮而唔出水,仲要用龍蝦肉拆絲增添咬口,真係好考廚師對火喉的掌握同拋鑊功夫..."
"原來Ann都係烹飪高手噃...." Shirley微笑向Ann示意，認同其見解...
"Shirley姐太誇獎我喇....飲杯!!" Ann欣然舉杯相向....
眾人細意品嚐，開懷暢飲....
第三道菜: 二十四橋明月夜
"嘩!! 好靚呀!!" 侍應一揭開火腿皮，金美即時讚嘆..
"真係用刀可以整到D豆腐咁圓滑? " Ann隨即向Shirley發問...
"我都未試過.........應該好考廚師刀功..." Shirley即加以揣測
" 如果以前要做到咁就真係幾困難...." 鮑文方另有見解 " 我諗有雪榚食開始就會易d...大家睇下似唔似用雪榚匙整既? "
正分菜放在小碟上的侍應即時點了點頭，分好菜後欲拿走整條火腿....
"啊? 條火腿唔食咁浪費? " 土美直指碟上火腿..
"呢度菜主要係食咸香味已經滲透左既豆腐，不過為免浪費，條火腿會斬件俾想要既賓客攞走...." DR.展望了望Ann " 陣間攞唔攞番去過兩日煲粥呀?.."
"你攞我咪煲囉!!..." Ann沒好氣望了望DR.展
"知喇....臨走攞啦...." Jame馬亦同時回應Shirley眼神示意...
"有冇人想食金華火腿粥呀? " 經火美一問，鮑文方，四美，Sally同時嚮應..
"預埋我地份，加埋我d火腿一齊煲..." Ann隨即和應...
"又想偷懶.....吔!! " 喃喃自語後，DR.展驚覺下體被捏了一把，即見Ann臉上似向自己示威........
第四道菜: 玉笛誰家聽落梅
"原著由羊羔坐臀、小豬耳朵、小牛腰肉、獐腿肉、兔肉呢五種肉所組成..." 水美回憶書中記載 " 不過一直俾人質疑因為所需烹調火力不同，冇可能一齊整，否則唔係過生就係過熟，做唔出效果...."
"豬耳朵爽脆，其他四種肉就煙韌，同埋一齊食好似唔係好妥。而獐腿肉、兔肉烤得耐會變老，豬耳朵、小牛腰肉和羊羔坐臀烤唔耐就唔熟..." Ann亦點頭稱是
"唔駛估....上菜喇......飲杯先啦!!" 金美又引領眾人舉杯......
"哦!!...原來用鵝腸紮住豬肉絲,豬耳及兔肉條煙熏,買相好別緻,仲好惹味.." 火美以筷子夾起一件細看
"另外中間係煙熏過既鵪鶉蛋,旁邊係金錢雞..好特別..." 木美亦附和一番....
"三種肉一齊咬，口感好正..." Shirley亦吃得津津有味......
"識得避重就輕，大廚功力唔差...." 鮑文方同時讚不絕口.......
第五道菜: 鴛鴦織就欲雙飛
第六道菜: 歲寒三友聚一堂
第七道菜:天鵝飛臨白玉柱
第八道菜: 北丐降龍十八掌
第九道菜:桃花島上白花開
如是者，經過四道賣相與用料都堪稱一絕的菜餚後，來到結尾的甜品，一樣給予眾人無比驚喜....
"嘩!!....好靚呀!!..影低佢先!!" 金美顧不了引領眾人舉杯，先以手機拍照..
"真係好靚.....靚到唔捨得食...." Ann夾了一件放在碗中細意觀賞...
"真係一個好靚既場景組合,色彩班爛,現實同虛擬錯落,牡丹酥，菊花酥擺布湖岸兩旁,湖水係加左色既大菜糕,而岸邊濕泥竟然係麵包,造型獨特,加上桃花枝點綴,維妙維肖,令人有如置身島上.牡丹酥分開四瓣,層次分明,絲毫冇脫落,亮麗可人,菊花酥賣相奇趣,手功精巧,真係不忍心破壞呢道菜..." 鮑文方亦被此道菜賣相深深吸引...
"不過始終都要起筷既...." 水美引領被眼前美景弄至神馳物外的眾人返回現實...
"英雄宴" 順利結束，一如眾人預料，對方並沒現身破壞，亦絲毫察覺不到他們在現場有什麼陰謀，情況和普通飲宴沒有分別，反而James馬妻子Shirley今次大有收穫，除與名風水師Kitty結交外，更認識了美容化妝師Ada，投資兼保健顧問Connie及纖體教練Yuki，機會難逢自然即時請教有關問題，更預約Ada週日下午到旺角"怡美關" 做個全身美容.........
"Shirley，一陣間放鬆哂全身就得架喇.." Ada一邊燃點香熏一邊提點Shirley
"Shirley唔介意我在場吖嗎? " 在圍簾外，Connie見Ada假日仍要工作，故來相陪...
"點會呀...我仲有好多野要請教妳呢...." 圍簾內俯伏在床的Shirley忙回應...
"好喇....我開始喇....哇!!..." Ada正欲著手按肩，怎料被Shirley忽然轉身雙手緊握頸項，面對突如其來襲擊，反抗無從..
"Shirley!!妳做咩? 快d放手!!" Connie聞聲拉開圍簾，亦驚訝眼前所見的Shirley，目露兇光，全身肌肉繃緊，一心要置Ada死地，已不顧身份敗露，連忙放出定身符 ，竟未能制止 Shirley行動，情急之下衝到Ada身旁欲拉開Shirley......
木美此刻意識漸漸迷糊，不自覺放開原緊握Shirley雙手，轉而合十，頓時全身透現毫光，Shirley即雙手放開木美遮擋，並連連後退，水美見木美失去知覺，忙出手摻扶，此時門外一人閃至，一掌拍向Shirley赤裸背部....
"噢......." Shirley隨即軟倒地上
"木美快d醒..." 來人正是火美，見木美昏迷即運勁指向其眉心.....
"啊......火美，Leader，Shirley佢點呀?" 木美緩緩甦醒，即關切Shirley情況....
"佢睇黎中左毒，迷失左本性..." 火美神色凝重...
"中毒? 中左咩毒呀..." 兩美急切問道....
"冇估錯應該係屍毒..." 火美輕嘆 " 我只可以暫時封鎖住佢活動，如果冇解毒劑，過兩日就會變喪屍.."
"喪屍!!.." 兩美瞪目結舌，完全接受不到.........