2012末日傳奇: 序章(猝死): 魔女心意
愉景灣山上別墅內，兩美於書房正向眾人匯報醫院一戰，並商討之後行動....
"妳覺得個妖女望果個男仔既眼神有d特別? " 鮑文方疑惑望向土美
"係呀!! 就好似... " 土美斜眼望了望Ann微笑 "Ann望佢個Simon眼神一樣咁...."
"依~~~!!.土美姐又笑人...." Ann不禁臉上一紅
"妳直覺妖女對人類動左真情?" 水美暗暗輕嘆 " 明知人魔相戀係天地不容，人會損陽氣，魔則損陰氣，對雙方都冇好處..."
"但係如果咁樣妖女唔再去害人，都係一件好事..." 木美不失慈悲本性
"由石灘一戰之後都未見佢出現過..." 火美亦認同木美觀點 " 似乎佢真係改邪歸正噃...."
"不過佢始終係妖魔，會奉命行事，而家我地重創左三妖四魔使，一定唔會俾佢置身事外..." DR.展分析敵方形勢，考慮週全
"不如我暗中監視妖女，佢有行動就即刻出手...." 土美自動請纓
"妳同妖女交過手，之後又認出佢，佢已經對妳有防備..." 水美另有所想 "正所謂女為悅己者容，不如木美喬裝化妝師接近佢，嘗試從中了解佢內心，知己知彼，不過變相要木美冒險....."
"Leader，木美唔怕!!" 木美心意堅定 "如果佢有向善之心，木美一定會點化佢，相反如果佢故弄玄虛，繼續害人，木美一定唔放過佢!!"
"咁木美妳事事小心，唔好俾妖女睇出破綻..." 鮑文方語氣關切 "拜託妳喇!!"
"係!! Jacky!!" 木美俯首聽令
今夜，在國際金融中心二期天台，BOSS亦緊急召喚手下商討，可是來者只有......
"BOSS，三妖行動失敗，身受重傷......." 甲傳來了壞消息.....
"點會咁!! 只係殺一個女仔都殺唔到? 重要俾人打到重傷?" BOSS龍顏大怒
"估唔到五美侍佢地仲未死....今次的確棋差一著...." 甲唯有砌詞推搪以息其怒
"又係佢地!!上次你地冇當場解決佢地，而家留有後患...唏..!!" 眼見之前形勢大好，怎料陰溝翻船，BOSS氣上心頭
"不如等我潛入醫院殺左佢算啦..." 水魔使從地下冒升 "五美侍佢地以為我地唔會再突襲一定疏於防範，至於果班警察.....我完全唔放在眼內.."
"為免夜長夢多，不如你去扶助水魔使..." BOSS正欲向甲下令
"冇咁既必要!!" 水魔使揚手搖頭 "我慣左獨來獨往，唔需要幫手，我自己足可以應付到，有幫手只會阻手阻腳.."
"你........" 甲對水魔使如斯自負態度甚表不憤
"好!! 咁你去...唔好令我失望!!" BOSS轉向甲 "之前三妖提議既行動因佢地受傷暫時擱置，而家全力準備下星期開始既英雄宴，收集哂資料之後唔駛好似上次攪咁多野喇，到時抽一班人成為香港史無前例大災難既主角，仲有要通知淫怨兩鬼候命，必要時都要兩鬼參與行動!!"
"係!! BOSS!!我即刻去辦!!" 甲隨即隱退
"咁我都走嘞....." 水魔使亦遁地而去
"接連損兵折將，付出既代價都唔少.....希望早日可以完成任務，不負主人所託....."
BOSS遙望夜空，似有無限感慨
烈日當空的正午，瑪嘉烈醫院內，Sally正在病房保護Coral，經過昨晚偷襲事故後，更時刻與Coral形影不離，對其遭遇亦深表同情，當然仍念念不忘昨夜相助的忍者，雖未知是敵是友，但其俠義行徑令Sally心生敬佩，想著想著...
"Madam唔該出一出去先，醫生要巡房...." 護士開門步進病房並請Sally離開
"今朝唔係巡左房咩? " Sally心生疑惑
"而家係主任醫生同主診醫生大巡呀，唔該啦Madam..." 護士再三催促，開始有點不耐煩
"好啦..好啦!!" Sally正欲步出病房，與護士擦身而過，內心忽覺感應異物
"個nurse有古怪.." Sally步出房門，假意關門，暗站門側反手扭握門鎖，回頭從房門玻璃窺探情況
病房內，護士拉動布簾遮蓋病床，再站床邊，從口袋拿出手術刀，正欲向剛服藥入睡的Coral迎頭插下...
"停手!!" 布簾拉開，Sally以雙手緊按護士持刀左手，護士右手乘機持剪刀再欲插Coral..
"唏!!" Sally猛然轉身借勢摔開護士，再以擒拿手從身後擒住護士雙手將其制服
"Madam唔好傷害佢!! 佢中左邪術先會咁.." 一人步進病房告知Sally
"係郭大師?" Sally頗為錯愕在此遇上著名風水師
Kitty步至仍在掙扎護士前，玉指向其額前一彈，護士即時失去知覺...
"壞我好事，等我上妳身先..." 原來護士被水魔使所控，致失常欲殺病人，現所控者被結界所護，故轉而想控制Sally，怎料Sally渾身透現靈光，百邪不侵，而Kitty更是佛光護體，無從施技，只好悻悻而去
"佢醒左都會唔知自己做過咩，唔好難為佢喇..." Kitty再三叮囑
"郭大師唔通真係神機妙算，一早就知呢度有事發生?" Sally仍感疑惑
"唔係..我探完個客咁啱經過啫....我走喇..." Kitty轉身步出病房
"好開心見到妳呀....再見郭大師!!" Sally站在床邊向Kitty背影揮手
"~呢個Madam有靈光護身....佢會唔會係.....~" 剛才情況令Kitty滿腦疑團，卻又不便查問，只好暫時離去，待有機會再探究竟
午後的旺角雅蘭中心大堂，不時成為約見相聚的地標，小咪為避見Yuki，已由健身中心灣仔總店轉往旺角雅蘭分店，現今見時間尚早，故於大堂內日式咖啡屋吃些小食，把玩手機，離她座位不遠的卡位內兩名女子對話，卻引起了她的注意.....
"點呀，近來少左搵我做面部護理喎..." 淡綠衣裙女子邊呷了口咖啡邊問
"Sorry呀 Ada...我最近...最近比較忙 " Ada對座米黃T恤女子面有難色回應..
"係咪又掛住拍拖呢?..嘿嘿...." Ada笑容曖昧追問
"妳點知架? " 女子大為驚訝
"識妳咁耐仲唔知咩，重色輕友...睇下妳吖!!..d皮膚差哂..." Ada一語中的
"冇法啦!!..我好鐘意佢，見少陣都心掛掛...." 女子臉泛紅霞
"咁更加要好好保養自己啦!!有冇聽過女為悅己者容呀?" Ada語重心長訓示女子
"女為悅己者容..." 小咪連忙從袋中取化妝鏡自照，驚覺臉容因時刻憂心與Alan相戀之事終會被識破而禍害愛郎，已漸見憔悴，失去光澤....
"妳仲唔去補救就為時已晚喇..." Ada再三規勸女子，然而小咪總覺此話正是衝自己而來
"咁好啦....下星期三下午三點上妳度...我約左佢....走先喇" 女子怱忙離去，臨行與Ada暗中互打眼色一笑...
"小姐....妳...." Ada正欲離座，一身穿紅色小背心女子已步前而來
"唔好意思...可以叫妳Ada小姐呵? 妳係咪做美容架?..."女子率先開口
"啊..係.. 坐低先...坐低先.....小姐點稱呼呀?..." 看似有客上門，Ada即時笑臉相迎
"我叫小咪...頭先聽到妳同個客講野...我估妳做美容既..所以想...." 小咪不惜冒昧求援
"佢叫Janet，係我朋友黎..識左好耐架喇....小咪小姐想做個護理係咪? 妳搵啱人喇!!" Ada油腔滑調，即時遞上名片..." 我姓關既 .."
" 關小姐........我個樣...係咪好殘呀? " 小咪顯得憂心重重
"哦唔係....做個護理之後包妳容光煥發.." Ada細意檢視後誠意相邀 " 不如咁吖，五點前我冇客預約...妳有冇時間吖?....有時間我帶妳上去我美容室即時同妳做，就朗豪坊上面啫，點吖? "
"~我諗佢唔會呃我錢既~為左Alan試下冇壞~"
"好呀，唔該關小姐先...." 小咪決定信任Ada
"唔好叫我關小姐咁見外啦，叫我Ada好d ，咁我地行嘞!!" Ada示意小咪離座
小咪於是跟隨Ada離開咖啡屋步往朗豪坊
Kitty"火美" 離開醫院後，返回位於銅鑼灣的辦公室"紫霞居"，一路上仍對靈光護身女警一事百思不得其解，為要查個明白，決定交託員工今天謝絕見客，再入靜修室盤膝出神，上天下地到處訪查，可惜亳無頭緒，正感困惑之際，虛空傳來聲音.........
"爾莫容人自擾，枉費心神.." 光團透現火美元神之上
"弟子頂禮弘法聖尊 !!" 火美雙手合十禮拜聖尊
"爾不用再查，此乃天機!! 未可道破!!" 聖尊語氣莊嚴
"弟子愚昧，祈請聖尊慈悲明示!!" 火美知事不簡單，定有玄機
"此乃一大事因緣，與爾等八人示現當世有所牽連，然時機未到，不便言明，一切隨緣則可，現妖魔仍作亂於世，應以大事為重，莫分擾心神，汝特為釋懷而來"
"弟子知罪，望聖尊垂憐寬恕" 火美自知驚擾聖尊，連忙懺悔
"爾等正念正行，自然無礙，吾去也!!" 光團與聲音同時消失
"弟子恭送聖尊!!"
火美出定回神，心中已有定向...
旺角朗豪坊辦公樓層內，Ada帶領小咪進入自己為顧客做預約美容服務的"怡美關"，小咪環顧四周，設備齊全之餘，裝修簡約之中感覺親切，不期然對Ada再添好感
"想先做面部，定做埋全身護理?" Ada含笑遞上價目表
"我想問...做全身係咪要...?" 小咪欲言又止
"唔..." Ada微笑點頭，並拿遙控器一按，黑布落下遮蔽窗外街景 " 妳可以放心啦!!"
"唔該Ada...咁做全身啦..." 小咪隨即盡卸衣物
Ada見其誘惑嬌軀，豐乳盛臀，不期然心生驚嘆，亦明暸以往被她所害者必難以抗拒，若繼續奉命作惡，定為禍蒼生....
"小咪小姐瞓上床先啦..." Ada預備物品，待小咪俯臥床上，即蓋上毛巾
"傳SMS俾男朋友呀? " Ada按摩其背時見小咪不時按動手機，好奇一問
"係呀...我日日都等佢收工既....."小咪仍在按動
"睇黎妳好鐘意佢喎....." Ada嘗試了解其內心意向
"係呀...其實唔係頭先聽妳同妳個朋友講果句說話，我都唔會咁大胆咁搵妳，為左佢我先至咁做..."小咪講出心裡話 " 我之前唔會對任何一個男仔有真感覺，晚晚都係一夜情，直至遇到佢...."
"咁佢一定好特別嘞...係咪果方面呢..." 同屬女兒身，Ada開始言詞直接
"的確係同佢做完先至鐘意左佢，佢既胸肌，佢既背部線條，結實股肉，佢可愛既棒棒，仲有佢既技巧，佢對我既溫柔呵護，冇野可以代替到...." 小咪回味細節，臉帶溫馨
"真係咁好? 睇黎妳真係好投入噃..." Ada務求小咪透露更多
"我真係可以為佢做任何事..." 小咪感受到Ada一份無名關切，毫不隱瞞 " 如果有人要傷害佢我一定會阻止...." 小咪驚訝自己內心已為一直擔憂之事作出決定....
"妳真係咁有決心?..." 同樣Ada亦因了解小咪內心所想而暗暗欣喜，唯人魔相戀最終會累己累人，不正是默默傷害對方嗎? 只限現在不能自揭身份相勸.....
"係呀!!...我決定左一定唔俾佢有事..." 小咪似心意已決
"好喇...轉身啦...." 恐防小咪察覺自己神態有異， Ada回復笑臉，按摩小咪乳肌....
"妳胸部皮膚真係滑不溜手喎...." Ada同時轉換話題..............