2012末日傳奇: 序章(猝死): 抽絲剝繭

書房之中，眾人正聆聽展莫銘講述今日馬會之行，聽罷盡現疑惑神色，除了他.... 



"除左咁，我諗唔到有其他可能性，果然真係!!" 早著先機者正是鮑文方 

"同樣號碼組合有百幾個唔相識既人分開買仲要中埋獎，你話出面D人會點諗?" 木美一語道破 

"如果俾外界知道左，我諗唔到市面會變成點...."水美臉現憂思 





"肯定得一個字....亂!!"土美語氣肯定 

"我記得幾年前都有8個人跟當日報紙提供果8 個號碼去買當晚攪珠六合彩中左二獎噃" 

"性質唔同呀金美.." 火美轉身解釋. ."果次得8個幸運兒，仲係8個字中五個半字，真正係撞彩!!" 

"而今次就係買6個中5個仲要係百幾注買同一組合...我明白有幾嚴重嘞.."金美如夢初醒.. 

"同埋呢個組合仲唔係報紙提供..."Ann正查核iPAD內檔案.."DR.展有冇留意佢地邊一日投注呀?.." 





"全部都係攪珠當日之內投注.."DR.展正沉思.."佢地從咩途徑知道呢6個號碼呢......." 

"六合彩只係一個果，之前佢地應該仲有一個無形連繫..." 鮑文方轉而面向金美 

"有冇辦法攞到佢地當日既手機SMS紀錄，呢件事唔可以經人手去問，包括紀律部門， 只可以從查核資料中得知...." 

"三個幾月前資料.....應該仲有保留既，我入電訊公司SERVER搵下...."金美正操控電腦.. 

"火美..佢地份問卷除左六合彩之外仲有冇其他選擇係答"有"架?" 鮑文方務求解開疑團 





火美聽罷即盤膝閉目，手結定印，陷入甚深禪定之中，良久方醒... 

"剛才我出神返番前晚夜探殮房時空，發覺原來佢地講曾經接過一張咭片，只係印像太過模糊冇記落問卷..所以我初時只係知中六合彩呢個共通點... 經Jacky提醒，覺得當中好似少左d咩， 於是出神去查..." 

"張咭片先至係關鍵!!" 鮑文方突有所悟.."可惜再唔能夠憑佢地記憶中搵到蛛絲馬跡..." 

"如果係以派咭片原因搵到佢地.."DR.展亦有所啟發.."我反而覺得佢地只係白老鼠...." 

"展教授意思係...呢一個只係開始?...背後仲有未知既陰謀部署緊?.." 

"但係唔知佢地幾時同邊度接過咭片.."木美蘊釀怒意.."又冇範圍..咁點查喎?...." 

"查到喇Jacky!!.." 金美笑向眾人.."當日下晝2:00到3:00期間有189條內容相同訊息send出.." 

"印左出來喇Jacky..." 





只見紙上印有.."身為識飲識食團員既您，送六個幸運號碼等您食好D啦!!" 

"原來同飲食有關，總算有跡可尋喇.." 木美怒意稍退...
 
"可惜send sms個電話號碼已經唔存在，check唔到用家資料.....另外...."金美欲言又止 

"有咩隨便講啦...." 鮑文方察覺金美神色有異 

"今日網上有段熱爆攪野片我download左....不過我諗...呢度都係唔啱播.."金美面有難色 

"暫時都冇咩頭緒...就當俾個腦休息下....播啦!!" 鮑文方並未作阻攔 

"係!!" 隨即開啟檔案.. 





"段片係用手機開夜視模式拍攝....有畫冇聲..."金美正欲作解釋之際.. 

"我感覺到段片有殺氣!!"火美凝神而視.. 

"我都有同感..."土美亦凝神戒備.. 

"重新再播一次..." 鮑文方亦覺有異.. "今次我地憑感覺去了解..1..2..3...START!!"