錯的感覺對的人: Vol.8
電話響，亞雅：”喂~”
“喂~~係唔係鄭詩雅小姐？”
“我係~”
“我係 FXXK 周編輯，上次你幫我地影0個 d 硬照，非常好，我想搵你再合作。”
“真係0架？唔係講笑0架？”
“如果唔係真都唔會打比你，但你要有心理準備~~因為我地想開本新書，走高檔市場~~或者會去好多地方取景，會離港一段長時間……”
“0下。？”
“我地都係0岩0岩有咁既計劃，詳細情況……你上到0黎先再傾，再決定都未遲~~好唔好？？”
“好…”
“咁星期五朝你上0黎搵我啦~~我會等你，你有我卡片0架啦~~直接搵我就得啦。”
“好…”
“咁好啦~~bye”
以上係亞雅同 FXXK 周既編輯一段電話對話。
講一講 FXXK 周今期既銷量先。
因為亞雅同亞穎既一輯相實0左太靚，FXXK 周決定大膽起用佢地非廣告既合照做封面。
效果，講你都唔信，出書後既一日，已經要再翻印。
成為一本唔再剩係師奶買既雜誌，FXXK 周收到無數個詢問有關封面女孩既電話。
亞雅係接到電話唔夠三分鐘既時間，既悲又喜。
喜，當然係 FXXK 再搵佢啦，悲，如果係應承，就好有可能會離開好香港，暫時放棄佢既學業，好多朋友，屋企人，同埋……同埋 Bryan。
亞雅因為呢個電話，胡思亂想0左成日，比平時更”冷苦冰” ，真係變成”小聾女”。
當晚八點，Bryan家，鄭生張生要返工，得佢地四個人開飯。
餐檯上，亞雅非常沉默，Bryan心感奇怪。
鄭太張太，以為Bryan 又激嬲亞雅。
Bryan 終於要開聲：”點呀？？？以為唔出聲就得0架啦？？？？你唔好傻啦~~~鄭詩雅~~”
亞雅非常冷漠：”今日無心情同你玩呀~~~唔好聊起我把火~~好唔好？？”
Bryan，鄭太同張太聽到亞雅講呢句之後…靜晒。
亞雅，依家既恐怖感，比平時更甚，Bryan真係唔敢聊佢。
當晚，Walking Talking 響起。
“亞雅……做乜呀？係唔係唔舒服呀？你今日好怪呀……”Bryan原來都識關心人0既。
亞雅聽到 Bryan 咁關心既語氣，其實係非常開心，但……佢依家真係無乜心情答Bryan。
“我…無野呀~~諗緊d 野咋嘛~~唔講住啦~~我想靜下。。”
Bryan 有點失望說：”咁好啦……有乜諗唔通搵我啦~~我唔會咁早訓~”
Walking Talking 之後再沒有聲。
亞雅心情非常複雜，太多野諗唔通。
其實唔係無其他人追，亦都有靚仔高大威猛既男仔，但點解自己諗都無諗過~就拒絕？因為自己心諗，d高大威猛都唔0岩自己0架啦。
但其實唔試過，點知唔0岩自己？？
自己心入面係唔係一早有一個適合既人選？
究竟自己係鍾意 Bryan ，或者佢只不過係一個太接近自己既男仔？？變得好似無0左佢唔得？？
這晚，她失眠，第一次。
星期五朝早，亞雅前住 FXXK 周，係 lift 口 撞見 Bryan。
Bryan 一如已往問：”返學呀？”
亞雅今次卻平淡地答：”唔係呀。”
跟住兩人無再出聲，入0左 lift。
Bryan 未必串唔到亞雅，而係……佢feel 到亞雅心情非常差。
在 lift 中，Bryan 再開聲問：”暗戀人呀？？鍾意0左個人？？憑我既經驗，一睇就知你 “lum” 緊人啦~”
亞雅無回答，但卻有千言萬語。
Bryan 認定0左 亞雅係暗戀緊人，知道呢個時候最唔想有人煩，都唔再出聲。
一直沉默到巴士站，兩人便分開。
FXXK 周 office。
亞雅聽完好多有關於 FXXK 周既新動向，想打入既市場，路線，心情好興奮…暫時將煩惱拋開。
編輯：”我地想本 FXXK Fashion(FXXK周既未來打入新市場既雜誌)一砲而紅，所以一定要做好最充足既準備，而總公司，對我地既 Idea 都大力支持，今次最大機會係留係日本，或者會半年啦……吸收多d 人地既野~~你知啦~~FXXK 周一向走師奶市場~~~對潮流既認識係好低，今次你除0左做 Model ，仲會提供一d 模特兒課程比你~~對你有好大益處~~”
亞雅問：”點解要我去？你地吸收完再搵我影相咪得。”
編輯：”我地想係日本取多 d 景，靚相…都需要一個靚人。”
亞雅：”點解對我咁大信心？我係普通人一個咋喎~~”
編輯：”剩係睇你做封面0個期，已經比左我地好多信心，老實講…明星我地請得起，但無新鮮感，而你…絕對唔會差過 d 明星。”
條件很吸引，理由亦非常好…但亞雅…仍下不定決心，顧左右而言他地說：”亞穎呢？？？佢 都係封面主角喎~~佢 比我更加好啦…點解唔搵佢 ？”
編輯：”我地聯絡過佢 ，不過佢 拒絕0左，無辦法。”
亞雅：”我諗我都要考慮清楚同問下家人意見先……”
編輯：”好~~應該0既……仲有兩個星期到計劃就要實行，你早一個星期通知我~等我仲有時間搵其他人，好唔好？”
亞雅點點頭後，就走。
茫然在街上遊蕩…沒有目標…想的 ，就只有 Bryan…突然想起亞穎，問問佢有關 Model既事都好喎，即刻打比佢。
亞穎：”亞雅？？做乜呀？？”
亞雅：”係呀……你點解推0左 FXXK 周既邀請0既？？”
亞穎：”依~~~你知道0左啦~~好難解釋比你知0架喎~~~~你得唔得閒丫？不如一齊 食lunch 丫，好唔好？”
亞雅：”唔好意思0既…”
亞穎：”唔緊要啦~~食餐 飯之嘛~~我諗你都係九龍灣附近0架啦~~十二點九德福正門等啦，好唔好？？”
亞雅：”好…”
<待續>
故事全屬虛構~
如有雷同~實屬巧合~