錯的感覺對的人: Vol.6
FXXK 周刊，全港至權威既八卦雜誌。
正所謂”日日勤力讀 FXXK周， 街市講價最勁抽”。
師奶唔讀熟佢，根本唔可以係街市生存。要講價，就要靠 FXXK 周。
大家睇下以下既例子。
鄭太：”今日d 菜心幾錢斤呀？”
賣菜婆：”九蚊斤。”
鄭太：”咁貴？？？？我仲要趕住返去睇”牛精蝦丸”喎~~~”(兩句說話簡直牛頭唔撘馬咀。)
賣菜婆：”係？？？？哎呀~~唔該晒，提我錄~~”
鄭太：”我咁好”人屎”提0左你喎~~係唔係要計平d先？？”
賣菜婆：”好啦好啦~~收你個三蚊斤啦~~”
平六成？有無搞錯？無搞錯，呢個係熟讀節目時間表既功能，離唔離譜先?不過仲離譜既都有。
張太：”今日d叉燒點賣呀？”
燒肉陳：”比錢買咯 ~~~”
頂，鬼唔知亞媽係女人呀？不過張太沉住氣，用一副好有誠意既笑容繼續講：”哇~~你洗唔洗咁串呀？？不過串得0黎又好似”娛人落”咁有型喎~~你知唔知佢~~”娛人落”近排好似溝到”也美歌”~~FXXK 周都有講呀~~~~不過”娛人落”都爭你少少~~~”
哇……乜張太可以咁大話？咁好口才？講大話真誠過講真話？唔怪得之你個仔咁樣樣啦……
燒肉陳：”嗯~~~~~係咩？？？咁今期FXXK周仲有講乜？”
Bingo！燒肉陳你仲唔中招？張太即刻將本FXXK周又頭到尾背一次。
燒肉陳聽出耳油，到最後張太背埋d廣告出0黎，燒肉陳先如夢初醒：”係喎~~同你講生意先，我開舊新叉燒比你，斬埋舊0岩0岩燒起既燒肉比你”
張太：”咁幾錢先？”
燒肉陳：”唉~半價啦半價啦。”
張太：”哇，我將成本FXXK周背比你聽喎，唔收錢都值回票價啦！”
燒肉陳：”唉~好啦好啦，唔收就唔收啦。”
咁都得？？真係…過火。
街市門口，鄭太同張太睇盤算佢地既斬鑊喎。
鄭太：”昆唔到個死人豬肉榮添……佢個女有睇 FXXK 周呀今期~~話晒比佢知~唔可以扮熟添！”
張太：”我覺得今期都10-12 頁唔夠熟，要返去再背過。”
所以你話，如果亞雅上 FXXK 周，兩位太太係唔係買野可以唔洗比錢呢？
亞雅，真係上FXXK周。
事源：
Christmas Party 翌日。
突然一名男士走過來向亞雅說道：”你好呀，我係記者~~~Christmas Party 0個晚見到你，發覺你好0岩個廣告，可唔可以請你試鏡？”
咁0岩啦~~Bryan係附近，基於對亞雅既疼愛，加上佢都唔想亞雅比人呃，咁仲唔係佢發功串人既時候？？
“你乜記者呀？？？企直，搜身，雙腳逞八字，中國數目字八呀~~~仲唔做？？通埋你櫃0丫呀？？”Bryan係5秒之內講咁多字。
所有見到女生都啞晒，校草Bryan，點解會咁？？文質彬彬既佢，點解會咁粗鄙0架 ?？？
但呢個都未奇，之後仲驚訝。
亞雅：”你出乜聲呀，亞生？你既志願咁特別呀？又搜身又通櫃？你究竟想入警隊定懲教呀？？搜身警察做0既，通櫃懲教做0既。你唔可以雙重身份0架，定係你立志合併警隊同懲教呀，咁0個時真係要比個大官你做啦喎~係咪？？”
所有女生啞口無言，係學校 ，亞雅要講咁多字，起碼用一分鐘，依家，用0左 10 秒附近。
最慘都係 Bryan ，係出於關心亞雅既情況之下，露出破綻，比亞雅串爆0左，啞晒。
該名陌生男子完全唔知發生緊乜事，唯有繼續講：”我係 FXXK 周做0野0既，上次訪問Christmas party 已經發現你，發覺你好有氣質，好適合個廣告，呢個我電話，搵我啦~~我好想你上試一試0黎。”跟手走啦。
亞雅：”FXXK 周……咁熟既~~問你呀~~張俊朗~”
比人串爆 0左既Bryan 好唔願答咁答亞雅：”咪鄭太同張太，一日廿四小時拎住，我拎原子筆畫幾下佢地拎刀劈我0個本野。”
啊……
當晚，亞雅將事件說給家人知。
之後六個人分成三組~
鄭生張生反對，拖頭露面比人影來影去，有乜好呀？？？？
鄭太張太贊成，佢地想點……大家明啦。
亞雅想試下，但最緊要家人同意。(咁聽話？？)
Bryan……仲對今日比亞雅串爆件事緊緊於懷。
飯桌上。
今日終於唔係 Bryan 對亞雅互片，而係 鄭張太 VS 鄭張生。
鄭張太四隻手四對筷子，內片蝦仁全部攻向鄭張生面上。
亞雅驚訝：”攻得好！”
鄭張生一邊用口咬，一邊用筷子夾，一邊用碗接。
Bryan 讚嘆：”完美既防守呀……”
今日角色終於掉轉，亞雅Bryan閒談著校院軼事。
最後，雙方都達成了共識啦。
亞雅準許試鏡，但係要 Bryan 全程監視。
如果有乜過火行為，Bryan 就要即刻停止。
亞雅都不知幾開心：”得0架啦~~我會同 死人頭…唔係~~阿朗一齊去。”
阿朗？平時又唔見叫到咁親切？
Bryan 終於看準了機會：”要我監視，ok，要有待價0架喎。”
聰明既亞雅又點會估唔到：”好啦~~~~~如你所願啦~~~”
之後0個晚 Bryan 拎晒d 新 CD 出黎聽，新戲出黎睇。
仲要大大聲廿四小時睇通宵睇。
張生張太，比佢整到訓唔到…
唯有過隔離屋打Winning同睇 FXXK 周。
試鏡當日，星期六下午，九龍灣地鐵站。
一對俊男美女，奪去不少途人既目光。
佢地……就係十足狀態，全戰鬥格既亞雅同Bryan。
Bryan 向工作人員同攝影師道：”仲唔行？？”
工作人員：”仲有一個人未到呀~~都未夠鐘。”
亞雅向 Bryan 道：”我唔係主角？”
但居然比人聽到喎……瘀皮。
工作人員：”今次係雙主角，亞雅，雖然你都好靚，但你等陣見到佢，相信你都唔會反對佢既出現。”
目標人物終於出現。
兩人見到目標人物之後，分別都目定口呆……
工作人員：”同你地介紹，叫亞穎。”
亞穎：”你地好~~希望今次合作愉快~”
Bryan：”超過100分既女性呀~~我一定要溝到佢 ！”
<待續>
故事全屬虛構~
如有雷同~實屬巧合~