曇花與命蝶 (18+) 第一章：林思動: 第一章：林思動

我個名叫林思動，今年二十一歲，讀緊香港中文大學二年級，主修工商管理系，目前單身，但我係唔會結交男朋友。點解？哈哈，因為我要做個女強人！我要發展商業帝國。 
講笑，其實我係想專注學業，可以順利FIRST HON畢業，等生我養我的父親同母親大人可以老懷安慰，生咗個咁出色的女！再加上，依家咩年代呀？女仔唔一定要靠男人先生活到，大把女仔一個人都可以活得好自在。
今日係我踏入大學二年級的第一日，放左個悠長假期之後又要面對現實。唉，真係好唔想返學，雖然理智係知道放左咁耐假咩都足夠，但我的身體永遠都好誠實，身體仍然處於放假狀態，睇怕無返一兩個星期都唔洗旨意有心機返學。
 
望一望書抬上個真空管時鐘，都差唔多夠鐘，都係快點換衫返學……
 
出到房門口，就見到阿爸拿著油炸鬼餵白粥，講起我阿爸，佢叫林玉風，今年五十多歲，但你睇佢外表一點都唔似五十幾歲，好多人都話佢大概都係三十尾四十頭，當佢講出真實年齡既時候，好多人都話佢「你呃人，唔好講大話！」。咁又真係既，如果我唔係佢個女，我真係唔相信佢有五十幾歲，久而久之，佢聽多左都見怪不怪，最多都係一笑置之。
 
佢係我地好細個既時候就同我地講爺爺改佢個名做玉風係寓意玉樹臨風，可以有爺爺的真傳，點知真係承爺爺貴言，阿爸係中學時期年紀輕輕就有好多女朋友，不過最後都無一個可以開花結果，可能因為阿爸太英俊，令到好多女仔都無安全感，所以分手收場。
 


直到佢係大學上遇到當時被封為「中大女神」的媽咪，兩人互生情愫，日對夜對加上又門當戶對，所以就好自然咁係埋一齊，然後就結婚，生左我同細佬。結左婚之後，阿爸覺得就算係大公司做到幾高職位都好，都係為人打工，正所謂工字不出頭，所以就離開左間大公司，自己搞生意。
 
好多人都話男人的成功都係多得佢背後的女人，而阿爸正正就係有個萬中無一的好女人係背後支持住，結果可想而知，阿爸一下子平步青雲，生意規模越來越大，由起初好單純的貿易買賣發展到依家自己做生產之餘，仲成為上市公司，公司五年前仲打入全球五百強企業之一，直到今年，排名仍然一路爬升，阿爸亦由老實商人晉升成為實業家，近年佢仲有意進軍地產界同科技界，鞏固自己的事業領域。
 
有時我係到諗，自己讀工商管理，希望係商界有自己立足之地唔多唔少都因為阿爸從小的薰陶，不過有一點我就唔係好認同，佢話我始終係女仔人家，總有一日會嫁人，應該好似媽咪咁學做一個賢妻良母，相夫教子，做個成功男人背後的女人，生意就等細佬再大點就開始交比佢打理。
 
好多時一聽到佢咁講，我心裡都會萬分感慨，唔通女仔真係咁就一世？
 
阿爸見我傻左企係房門前，佢用果把充滿磁性的聲線好溫柔咁同我講：「仲傻左企係到做咩？仲唔過來食早餐，唔係啲野凍左唔好食。」
 


我：「哦，來啦，阿爸早晨！」我加快腳步行埋位就拿起碗粥嚼都無嚼就咁吞落肚到，阿爸知我趕時間，驚我哽親，就話：「慢慢啦，我陣間車埋你返學先返公司！」
 
我：「嗯……唔……唔洗啦，我琴晚約左Natalie今朝一齊返去！」
 
Natalie，佢係我由幼稚園識到依家的好朋友、好知己，我好慶幸自己識到呢個朋友，佢係一個心地善良，活潑好動形的鄰家小女孩，平時就算對陌生人都親切有善，成日笑面迎人又不失鍾意整蠱人的一面，所以係校內係深得好多男仔的歡心。雖然係受好多男仔歡迎，但佢都唔會趁機學人「收兵」，面對自己無意接受的男仔佢都會自動保持距離，盡量唔比人有誤會的機會。當然，佢係有自己一套愛情觀的女仔，佢好信緣份呢樣野，所以好多時佢都係寧缺勿濫，真係等到自己的真命天子出現先開始！
 
話口未完，手機就響起我最喜歡的手機鈴聲，原來係Natalie Whatsapp我！

Whatsapp (Natalie):林小姐，行得未呀？咁好啦，係樓下等！ 
眼見無咩時間，我求其食多兩淡粥，咬多半條油炸鬼落肚就趕住著鞋出門口。


 
就係我著鞋既時候，媽咪係廚房走出來問我：「思動，今晚返唔返來食飯呀？你細佬今晚校隊要練波呀？」
 
我一邊著埋對波鞋一邊同媽咪講：「我今晚返來食呀，唔講啦，Natalie係留下等緊我，走先啦，拜拜！」
 
阿爸同媽咪都異口同聲講：「好啦，小心D呀！」
 
我：「得啦……」
 
當我去到平時同Natalie約好等候既地方，呢到空無一人，我心諗：「又話落左來，等我仲急急腳出門口……」
 
正當我想打電話比佢既時候，一對柔軟既手順住我背後從腋下兩側游走到我胸前，兩隻手似係搵到佢的目的地，開始不斷向我的心口施襲，同時間，一把有如銀鈴般清脆的少女聲音係我耳邊響起：「嘩，思動，點解你個胸大得咁快，你依家起碼有33D，仲好柔軟喎……」
 
當我聽到呢把熟識的聲音，我就知道係Natalie從後偷襲，比佢一路搓我個胸，一路係我耳邊講野，身體開始傳來一陣陣奇怪的感覺，不過……當我一諗起自己仲係街道上，剛剛萌生的念頭再次被壓制，我即刻解開佢對手，鼓腮扮作有幾分不悅道：「喂呀，唔準，唔準呀，唔好咁呀，呢到街來架！」
 


「嘻嘻，咁即係唔係街的話我就可以……」Natalie兩隻手作狀想抓住我對胸



「唔係，我唔係咁既意思呀！」係佢不懷好意的目光下，時不時張對眼放係我對胸到游來游去，我個腦即時聯想到佢將我鎖係間得我同佢的房到，然後佢除曬我D衫……呀！！！

「咦，思動，你面紅呀？」



我唔敢再諗落去，我扮到無野話：「痴線，行啦！我地遲到啦！」



「喂，你都未答我問題，點解你大得咁快架，你係咪日日都飲木瓜奶呀……」





成段返大學的路上，Natalie係咁問我個胸點樣可以變得大D，講真，其實我無做過D咩野，飲木瓜奶？我無呀，如果要個解釋，我諗歸咎於天生係最好的解釋……
 
返到中大，Natalie突然提起：「係喎，記唔記得下個星期六個小學同學聚會呀，你Facebook剔左去未呀？」
 
係喎！我依家先醒起，個小學同學娶會其實以前從未搞過，連我都唔知邊個發起，話係咁多年無見大家，想睇下大家近來點樣，所以就定左下個星期六有呢個聚會，但係我竟然無左件事，好在Natalie提醒左我：「呀，我今晚會剔返去啦！」
 
Natalie：「聽講果晚會有幾多人參加，你記得著靚D去，順便釣個金龜婿，哈哈……」
 
我：「釣咩金龜婿，唔會啦，大家聚下舊姐！」
 
Natalie：「話時話，你依家升左Cup！你屋企D衫會唔會唔岩著？橫掂我屋企有幾件新的衫，你唔洗晒錢去買新衫啦，不過，事前比我驗一驗你對胸有幾大先！？」
 


見到Natalie兩對手作狀想找過來，我既刻大聲叫：「痴線，咪再來呀！」同時我退後幾步迴避佢既安祿山之爪，只不過，突然間，係我身後傳來一聲悅耳的聲音叫：「哎喲！好痛呀！」
 
我另轉頭一望，有個女仔比我撞到坐左係地下，抬頭一睇，嘩！呢個女仔真係生得靚，先唔講佢身材點樣，就係睇個樣，兩眼水汪汪、鼻子高梁、櫻桃小嘴、仲有一頭及腰的烏黑秀髮，如果我係男仔，我真係願意做佢隻兵呀！當我兩對眼再望落D的時候，嘩！估唔到呢個女仔表面睇左清清純純，內裡著左條黑色半透明的Lace花邊底褲，睇佢外表以為佢係清純系的少女，原來係內裡野性的女仔來！
 
雖然係咁，但我都即刻上前扶起佢，同佢講聲，「小姐，對唔住呀，無撞親你呀？」
 
少女一句話：「無事呀，對唔住呀，係我唔小心在先！」佢一路講一路整理自己。然後佢望住我，好似諗起D咩咁，係袋到拿出一個地址，抬起頭望住我問：「係呢，我要去呢到上堂呀，你知唔知呢到點去？」
 
我望一望個地址，e！？咪正正係工商管理囉？咪同我一樣？
 
我諗都無諗：「哦！正好我都係去呢到呀，不如我地一齊啦！」
 
個女仔諗都無諗就一句答：「好呀！」

因為要帶個女仔去上堂個課室，所以我就同Natalie係到分開，臨分手前，佢都再次提醒我記得係Facebook到剔返出席星期六個小學同學聚會同埋去佢到試衫，臨走前，個衰婆仲要作狀想渣我對胸，真係好鬼衰格！