西灣山女鬼: 第二十一節

只見細輝哥原來一早已經到達，於是我們便登上細輝哥的的士啟程往那男人的家。



力宏坐在車的後座，而我和阿耀則左右夾著力宏，防止他突然之間失控衝出車廂，當然坐在前方的家俊則一直播放著佛音。



「吊你老尾，做咩等咁耐你地都唔落黎呀，等能左你地成半個鐘，有冇搞能錯呀！頭先我打俾你，你仲要ＣＵＴ我線，你有冇禮貌架！」細輝哥說。







「頭先原來係你打黎架？我地差點俾你累死呀！」阿耀說。



「關我咩事呀，你地遲到仲吊九我？而家我仲要車你地去搵師傅，你估我好能得閒呀？」細輝哥越說越激動。







「唔好咁勞氣，細輝哥，我地唔係咁既意思，頭先屋內發生左小小問題，所以我地先至遲到，其實我地要唔該你咁夜都肯車我地至真，換著其他司機一定唔肯車我地，以為我地綁架都未定，所以今次真係要多謝你先至係。」我說。



「哼！你估好人易做架！」細輝哥的心情好像舒緩了一點。



其實已經到中年的男人，要奉承他們一點也不困難，因為他們這個年紀最鐘意就是「認屎認屁」，我只要不停的向他們讚好就是了，當然我今次是真心的感激細輝哥。







我看著力宏不停抖震的身體，心裡不是味兒，其實我內心真的很感激細輝哥，如果今次不是細輝哥有高人介紹，現在我們還不知道如何是好，以正常人來說，根本沒有可能可以輕易的找到驅鬼的高人。



「其實而家我地去邊？仲有佢駒鬼收唔收錢架？我地冇咩錢…..」一個非常現實的問題，如果他的收費好像陳振聰咁貴，即使我們賣屎忽賣足十年，都沒有錢支付有關費用。



「我地而家入緊去大埔大尾篤，個高人就住響嗰度，事成之後，你俾一封利是佢就得啦！」細輝哥說。



「哦……」我嘆一口氣。







很快，的士已經駛到吐露港，在高速公路播放著佛音，感覺有點特別，感覺有點一路向西，不過個西係西方極樂個西。



「其實我地去到搵個師傅之後，之後會點架？」我隨便的找個話題，好讓車廂內的氣氛不致那麼死寂。



「我估一係就叫隻鬼離開你朋友個身體，一係就打散佢囉，我都唔知呀，我都未試過俾鬼上身。」細輝哥說。







「其實我又想問下，點解個高人咁多地方唔住，要選擇住大尾篤呢？係咪貪嗰度遲一點起沙灘會帶動樓價？」本身正職為地產經紀的家俊問。



「唔係，師傅話大尾篤靈氣好，修練既效果會事半功倍，你見到李嘉誠到到都唔揀，剩係揀大尾篤起觀音，就知嗰度好啦。」細輝哥說。



很快，我們便駛到大尾篤，只見不遠處見到「巴希亞」的宣傳橫額後，細輝哥便轉入其中一條小路，進入了一條村莊。