西灣山女鬼: 第二十七節

「鈴……鈴……..」是鬧鐘發出的聲音。 


「喂！志偉，起身呀！」一把熟悉的聲音在叫我不要懶床，我張開眼一看，原來是力宏。 


和昨天相比，力宏的面色已經好了很多，不計他之前被梳弄傷的傷痕，他的臉色至少不再發白，而且眼神亦變得和善，沒有錯，這個是我認識的力宏。 


「你沒事啦？」我坐起來並看著力宏的面孔。 






「我沒事，未死得，唔該晒你地就真！」力宏向我微笑了一下。 


「你咩事都知道晒？」 


「其實我本身個意識都好模糊，唔知發生咩事，不過我知道有個法師幫我做法事，嗰時候開始我就已經開始有返意識，我仲聽到女鬼生前既經歷，佢想見返屋企人同佢以前鐘意既男人。」力宏點著了一支煙，並走到窗旁看著街景，不知怎的，力守的身影看起來有點唏噓，或者被鬼上身一事，讓他的人生觀有些少改變也說不定。 






我觀察到力宏除了頭部不定時的左右輕微搖擺之外，從說話的語氣和行為動作來看，他應該已經復原得七七八八，。 


「既然你咩都知，咁我都唔駛再重覆講一次俾你聽，我地打算幫佢了左個心願，陣間我地仲約好左一齊出去搵佢想見既人，你出唔出去？」 


「我出，雖然我曾經俾佢上過身，但係我一點恨意都冇，而且仲有少少可憐佢，所以幫得到的話，我們盡量幫吧！」






我雙手合上，向力宏致敬起來，他的高尚情操讓我不得不向力宏說句：「 大師！」 


「白痴仔！」力宏說完後，便走進洗手間刷牙洗澡。 


力宏梳洗完後，便離開了我的家回家休息和向母親報到，我們相約後日的十二點鐘在他家樓下集合一起去幫女鬼。 


很快，便到了後日的中午十二點，我如時到達，只見力宏，阿耀和家俊一早已經在預約地點集合，他們見到力宏無事之後均十分興奮，並爭相與力宏擁抱起來，在我們等待細輝哥的時間，我們把昨晚的經過一五一十的告訴力宏。 


突然之間，有一架黑色的七人車急速的停在我們前面。 






「喂！上車啦！」細輝哥把車廂的玻璃窗拉下說。 


「嘩！細輝哥，原來你咁有錢架？揸七人車，你架的士呢？」我望著七人車有一點兒驚訝，想不到一個粗口爛舌的的士司機，居然有錢揸七人車。 


「架車唔係我架，係師傅架！」細輝哥說。 


只見高人就坐在七人車的前座。 


我們於是急步的走上車廂，啟程去為女鬼實現她等待了三十年的心願。