西灣山女鬼: 第二十五節

我們去到丸記餐廳，便找了個戶外位置坐下，因為坐在戶外位置一來可以吸煙，二來我們說什麼秘密的時候，附近也沒有人會聽見。 


雖然我是一個煙民，可是我是贊成食店禁煙的。 


我們點了早餐之後，便狼吞老虎嚥起來，計一計，我們已經有多個小時沒有進食，而且已經一晚通宵，體力有小小透支。 


「我地食飽啦，可以同我地講之前發生左咩事未？」細輝哥說。 






細輝哥再一次把香煙點起。 


「我驅鬼就真係試得多，通常就燒下野，念下經文就可以叫到佢地離開人既身體，再唔係唔聽話就一次過打散佢地就算數，但係今次呢隻女鬼就真係有點兒特別。」 


「點特別法呀？隻女鬼好索架？」細輝哥說。 






「一般既人死左之後通常都係幾種原因而變成鬼，枉死或者自殺死，前者因為有怨恨所以唔能夠投胎，而後者就因為人間既生命未完結，而要繼續響人間徘徊，呢兩種係最常見，亦都係最易處理。」 


「咁隻女鬼係咩鬼？佢又係點死架？」我問。 


「隻女鬼我同佢傾左好耐，佢都係唔肯離開力宏既身體，我仲記得佢個名叫做程家寶，已經死左差唔多三十年啦，佢死既時候係十八歲……」高人飲一啖奶茶後，再抽一口煙後說：「佢死之前仲讀緊書，學校因為要佢地做課外習作，所以佢約左個同學一齊去行山，我冇記錯嗰時麥里浩徑好似啱啱起好冇耐。」 






「係呀，三十年前全香港最好行既山就係麥里浩徑啦，以前我都有去行過。」細輝歌說。


「點知嗰日女鬼既朋友病左去唔到，佢屋企家教好嚴，好難得先可以說服父母可以同同學出街，佢唔想咁樣冇左呢次行山既機會，所以佢就自己一個去左行山，開頭行山時都冇咩特別，點知行到去西灣山既時候，佢突然之間俾人用黑布笠住左個頭，仲俾人用膠紙貼實個咀，佢拚命咁樣反抗，但係邊有用？之後佢俾人拉左去一個地方，仲俾人用繩綁住左雙手，佢知道今次唔係打劫咁簡單！佢不停咁反抗，捉佢個人想連佢著緊既短褲都除埋，佢知道佢唔反抗一定會俾人侵犯，你地要知道以前既女仔睇貞操睇的好緊，處子之身一定要留返俾將來既老公，於是佢一腳踢落個男人既細佬度，便爬起身轉頭就走……」 


「咁之後點呀！」阿耀激動地說。 


「點知佢轉身行左幾步，因為個頭俾黑布笠住左個頭，睇唔到前面既路，而失足跌落山死左。」此時，高人說得有點雙眼通紅。 


聽了女鬼的死因後，不知怎的，有一點感觸和失落，腦海裡很自然的想起當時女鬼生前遇害的畫面，死亡已經可怕，死前還要有如此慘痛的經歷，難怪那麼多人死後因怨氣而變成鬼。 






「咁我地不如報警啦，可能響山入面搵到佢條屍都唔定，咁樣咪可以等佢安息囉！」我說。


「佢同我講佢已經化到得返白骨，有一啲骨響泥下面，俾樹根壓住，有一啲俾風同雨水唔知沖左去邊，有一啲骨頭被風吹下山腳後俾牛死左，想搵返都好難，最重要係佢既然失蹤左咁耐，佢唔想將佢死左既消息講俾佢屋企人人知，佢唔想佢父母傷心。」細輝哥再一次眼紅起來。 


「估唔到，會有鬼情願自己冇得投胎，都唔想俾堅企人知佢死左，都啱既，對佢父母黎講，失蹤仲代表有丁點兒希望。」家俊說。 


「咁佢上左力宏身個原因係咩？唔通佢想報仇？」細輝哥說。 


「唔係，佢冇咁諗過，佢只係想上身去見一見佢既父母，同埋佢以前讀書識既一個學長，佢地其實嗰時已經亙生情愫，只係礙於讀書階段，大家都以學業為重，佢地話讀書後，就會盡快儲錢結婚。」 






「讀完書就結婚？會唔會太早呀？而家啲人個個都三十歲先結架啦！」家俊說。 


「你識能咩，以前個個都早結婚架啦！」細輝哥說。 


「咪住先，唔好講其他癈話，咁而家我地係點樣？成件事已經完左，定係仲有其他野要處理？」阿耀說。