異塵餘生香港2277: 28 逃離戰區

為了追上因為自己而被貓頭鷹放逐的鎖匙萱，流主沒有久留便離開了貓頭鷹的基地。
 
 
「搵到佢之後你諗住點？」孖根說
 
「我都唔知呀．．．但係係我累到佢比人踢出貓頭鷹．．．當面道歉都要掛．．．」流主說
 
「咁又唔使道歉．．．」一把女子的聲音從後方傳來
 
 




流主他們回頭看，原來鎖匙萱不知何時走在他們背後．．．
 
 
鎖匙萱表情失落地說：「你地仲跟住我做咩．．．」
 
「啊！原來妳喺度！對唔住呀．．．因為救我地，搞到妳比貓頭鷹踢走．．．」流主道歉說
 
「．．．算啦，你地快啲走啦。向住東邊一直走，天光之前應該可以離開到戰區。」鎖匙萱說
 
「咁妳呢？自己一個留喺度，不如．．．同我地一齊走啦。」流主說




 
鎖匙萱想了一下，苦笑說：「．．．咪傻傻啦，我喺戰區生活左十幾年，唔使擔心我喎。」
 
 
此時，身後不遠處又再傳來打鬥的戰火聲，流主他們立即躲到暗巷裡。
 
 
「戰區真係幾時都咁忙．．．」流主不禁嘆息
 
鎖匙萱探頭察看說：「．．．原來MR同超級變種人仲打緊．．．而且已經打到過嚟．．．」




 
 
數十個MR在混亂的大街奮力迎戰巨獸和超級變種人，縱使MR人數眾多，裝備充足，甚至有數個穿著動力裝甲的強悍戰士助陣，面對接近無敵的巨獸，MR仍然束手無策！
 
 
一個MR激動地說：「痴撚線！「肥佬」都搞佢唔掂．．．」
 
 
MR的形勢每況愈下，巨獸猛力揮擊手上的鐵球，數個MR便即告嗚呼。相反，MR所使用的輕機槍和飛彈發射器等重型武器，均無礙巨獸的進擊！
 
 
「睇嚟班MR都凶多多吉少少．．．」鎖匙萱說
 
「妳地都唔好得幾多！」一個穿著動力裝甲的MR突然從高處躍下！！
 




「弊弊！」鎖匙萱立即舉槍掃射，但卻被MR用手把子彈都擋下了！
 
「哼！睇得咁開心，不如一齊出去玩啦！」MR一手捉著鎖匙萱的頸項
 
「放開佢！！」流主和孖根立即舉槍開火，但是都不怎麼見效！動力裝甲比超級變種人的肌肉還要堅硬數倍！
 
「我認得你地，一個係痴孖根，一個係幫政府軍跣我地同超級變種人開戰嘅仆街。」MR看著流主說
 
 
由於流主他們戰鬥產生的聲音和火光，大街上的MR和超級變種人也都發現他們了！
 
 
「哈哈哈！玩大佢啦！」MR一手把鎖匙萱拋出大街，然後便開始向超級變種人掃射
 
「鎖匙萱！！」流主和孖根想也沒想便追出去




 
「你地趁宜家走啦！如果唔係就無機會架啦！！」鎖匙萱伏在地上呼叫
 
 
流主他們沒有理會，用盡全身力氣跑向鎖匙萱。然而大街上槍林彈雨、彈幕連連，情況根本與戰爭無異。雖然在孖根的掩護下，他們成功把鎖匙萱拉到路邊的瓦礫後面，但是他們也非全身而退．．．除了流主不慎被不知道是MR還是超級變種人的大口徑子彈打中了腹部．．．孖根也因為掩護流主他們而身中多槍！
 
可惜，危機並未解決，流主他們現在不只是位置曝光了，更被夾在兩邊的炮火之間！他們根本無法脫身，只有拼命迎戰，希望能夠打出一條逃出生天的血路．．．
 
然而，不知道是幸運還是不幸，MR竟然開始撤退。
 
 
「算啦，撇。由得嗰幾條蛋散同超級變種人玩啦！我地襯宜家走！」MR說著便大隊撤退
 
「今次真係比佢地擺返上枱．．．」流主忍耐著腹部的痛楚，並給自己注射治療針
 




「如果我係人類，我諗我死左九世。」孖根仍有閒暇苦中作樂
 
「屌！仲話去Bitch Kingdom拆左個狗帶．．．我地宜家連戰區都唔知離唔離開到．．．」流主說
 
「淡定喎，最多咪死。」孖根檢查著彈匣說
 
「你地肯走咪唔使死囉．．．救我做咩喎．．．」鎖匙萱強忍著淚水說
 
「屌．．．講呢啲。」流主笑說
 
「唔想我地死嘅，就一齊諗下辦法點過依關啦．．．」孖根從掩護物旁邊探頭查看
 
話雖如此，但他們面對的是大量裝備了強大火力武器的超級變種人，還有無堅不摧的巨獸．．．凶多吉少的，看來是他們自己。
 
「附近仲會唔會有咩隱藏嘅通道？」流主問




 
「我印象中就無啦．．．不過依度算係邊界．．．．．．如果好彩嘅話，可能可以直接衝出戰區．．．」鎖匙萱說
 
「．．．我諗我走唔得快，我掩護你地走啦。」身中多槍的孖根說
 
「痴線！」流主斷然拒絕
 
 
流主堅持不放棄，他一邊觀察四周一邊拼命思考．．．同時，超級變種人也續步迫近．．．就在此時，流主看到大街中央的一具MR屍體旁邊，遺下了一支看起來像飛彈發射器的重型武器．．．
 
 
「鎖匙萱，嗰支咩嚟架？」流主問
 
「．．．嗰支嘢叫做「肥佬」，係一個小小核彈發射器．．．威力好大．．．」鎖匙萱說
 
「．．．好，妳地掩護我。」流主說，但是他自己其實也沒有太大信心
 
「吓！？支嘢好重重架！．．．而且MR都話對巨獸無效．．．」鎖匙萱擔心說
 
「我開火之後，就咩都唔好理係咁走．．．」流主說著，並服下了能短時間提升體力及力量的壯大靈和止痛的Med-X
 
「流主．．．」孖根拉著流主的手
 
「．．．．．．唔好比我死呀！」流主笑著說，然後便跑了出去
 
 
在Med-X的作用下，腹部的槍傷已經不成障礙。流主把時間減慢，拼上全身氣力跑向最後的一線曙光。但是，理所當然地，超級變種人們豈會輕易讓他得逞？近百顆大大小小的子彈向著流主的方向飛過去，在時間減慢了的世界裡，這景像更是可怕得難以言喻！面對如此可怕的彈幕，流主斷然選擇向希望飛撲過去！流主不肯定自己有否中彈而不自知，但幸運地，他活著撿起了最後的一線生機．．．「肥佬」！
 
「我地條命喺你手上啦．．．肥佬！」流主心裡祈禱著，在孖根和鎖匙萱的掩護下把小核彈裝填進彈倉
 
流主看著一顆顆的子彈慢慢地擦身而過，但是他卻沒有因此動容，因為他已經沒有可以回避和拖延的空間了．．．他從瞄準器中盯著不斷迫近的巨獸．．．
 
流主親吻了一下肥佬說：「睇你啦！！」他用力扣下扳機