7天情人--女版: 第七天(6)

半小時的船程在聊天下過得飛快,
連帶暈船的情況也沒有出現。

回程時,我們終於談到我們的情況。
倫:凝夏,我諗我地係時候要傾下我地既情況。你究竟想點?
我:我覺得我仲未ready好怕拖。
倫:你究竟要ready d咩呀?我地而家咪拍緊拖囉!
我:我地而家係玩玩下,拍拖唔係玩ga,我地連最基本既感情基礎都冇,好難維持到ga
倫:我唔係玩,我好認真!我當正你係我女朋友咁,呢個禮拜我每日都好掛著你,好想見你,好想錫你,我真係好鍾意你,點解你係都唔俾個機會我?定係你好唔鍾意我?
他說到眼泛淚光,我知道他是認真的,他真的很愛我!




我:我唔係唔鍾意你,呢個禮拜我真係過我好開心,就好似我拍拖個陣咁。
倫:即係你仲鍾意佢啦!?
我:唔係,我放底左,係你令我放底佢!
倫:咁點解你唔肯同我一齊?
我:我好驚失去既感覺呀!人生最慘既唔係死,係失去。失去既感覺真係好可怕!我覺得我地太快啦,所有野都進行得太順利,我唔敢想像冇左會點,長痛不如短痛,我寧願而家唔好開始!
倫:如果係咁,你一開始就唔好比假希望我,你知唔知我而家個心有幾痛!
我:對唔住!我一開始只不過係想玩,好想搵番拍拖既感覺。我係搵到呀,仲比我想像中更好,就係因為咁我好驚呀!我好驚冇左咁好既感覺!而且我地之前係朋友關係,如果係拍拖一定有好多人問我地點開始,我唔想係話我地係玩7日情人開始,我過唔到自己個關!
我:或者比d時間我,我要d時間諗下,我而家好亂。
倫:我諗我知你點解會咁,我明啦!好!我比時間你,我會等你,然後再次成為你既男朋友,好好咁錫你!
我聽到這句後,我忍不住哭了。




他把我抱著,我在他的胸膛裡哭泣著,
"男人的胸膛令女人感到安全,感到舒適。"

"下一站xx,左邊既車門將會打開"
我放開了他。
我:我要落車啦,好多謝你帶俾我咁多好既回憶!
倫:你等住黎,我一定會追你!我要你做我既女人!
我忍住眼淚,我知道我不能讓他看到我哭。
我:我走啦byebye
倫:番到去whatsapp我




我:嗯
倫:byebye and i love you!

我目送他直至離開我的視線範圍,然後我崩潰了。
我不理旁人的目光,我坐在椅子上哭著,
想著他剛才說的話,心痛得很,就像被撕裂一樣。