誰能逼我將就: Ch.29

三天後，荃灣愉景新城。 

我已經在一間餐廳呆坐了超過三十分鐘，但我要見的人還沒出現。 

「唔好意思唔好意思！」一個人突然出現在我身後，匆忙地邊拍我邊說。 

不用說，都應該這個人是墨。她回來香港，我們第一時間便相約見面。 

「約親妳都遲。」我故作生氣，但其實我沒有什麼意見，純粹只是做個模樣。 





「對唔住呀，今朝喺屋企練字練到唔知時間。」墨邊說邊揮手，一位服務員走來。 

「凍檸茶，唔該。」 

墨看著我的臉，然後是扭扭脖子，給我一個全身的打量：「嘩，純你今日好靚仔喎。」 

「得喇得喇，冇嬲妳遲到，唔好一路做啲違背良心嘅事，去意圖洗滌自己嘅罪行呀下。」 

「唔係喎，你又話有好消息同我講？」 





墨右手拍拍我的手背，然後等待我的回覆，而她的右手當然也是一直放在我的手背上。 

「我同阿爸傾過偈，佢好似心情好咗，就係嗰日同你whatsapp緊嗰時之嘛。」 

純把那一晚的情況，和盤向墨吐出。他們倆，不知從那時開始，慢慢建立起一段無所不談的感情出來。 

「唔怪得傾傾下冇應我啦，不過咁都好，一家人就最緊要和睦。」 

墨說起這個問題，我又想到一些事情： 





「係喎，你都好似忙咗幾日喎，澳門嘅事搞掂哂未？」我問不出「前夫」這兩個字，因為到現在，我對墨的背景還是有很大的問號。 

「冇事喇，嗰日唔開心我先咁之嘛，冇事喇冇事喇。」 

「但妳又話，妳有個前夫嘅？」墨的逃避，讓我這個莽夫有想追出去的衝動。墨把我的追問當成空氣一樣，完全沒有一回事，只是手上把玩著自己的手提電話。 

我想準備的追問，但赤柱那天的回憶提醒了我，我把說話停住。 

「係喎，咁我咪可以上你屋企，試下同世伯傾傾？」 

「可以呀。」墨的話題轉很快，而且轉的時候很輕描淡寫，你完全不會發現她的內心有什麼起伏。 

這時，墨的飲品來到，她用力的調拌著，我們的對話又停頓了幾分鐘。 

「你好想知我嘅事咩純？」墨突然問我。




「如果妳肯講…我梗係想聽啦…」墨聽到我這個答案，看著檸檬茶的雙眼突然瞄著我。我又生怕自己說錯了什麼，連忙補回一句：「咁我地係朋友嚟嘛。」 

「由細玩到大，十八歲就結咗婚。因為屋企等錢用，我自己出咗香港搵工，佢應承我一年後會去香港搵我，點知就係嗰一年，一個男人可以犯嘅錯佢都犯哂。」 

我目瞪口呆，完全不知道有什麼反應。 

「所以我二十歲前離咗婚，不過佢一直都有同我阿哥聯絡。好景時兩個人喺澳門都搵到錢，但呢啲錢邊留得耐，最後唔係輸哂就係俾女人呃哂。 

上一次就係佢見到我，我地有爭執，佢又發脾氣整傷自己，點知唔小心整到我。佢自己入咗醫院，我咪就係俾你見到我個傷口咁囉。 

唔爭氣嘅男人，冇用。」 

墨為自己從前的男人下的這個評語，像子彈一般狠狠打進我心房。做男人要爭氣，這個概念我有點陌生，什麼是爭氣？ 

做個月入幾萬但每天被市民鬧個狗血淋頭的算不算爭氣？ 




每天幫助其他人但總是很窮困的有心人又算不算是爭氣？ 

沒所謂，總之墨喜歡男人的條件，我抄下放好就準沒有錯。 

「一陣不如去睇戲。」我提議，因為我看見墨因為她前夫的話題，整個人變得有點低落。 

「好呀，睇職業雜工隊五丫。」 

「好，飲完去買飛。」 

當我們向戲院位置出發期間，我跟墨走到了一個垃圾桶附近的位置。這時墨突然大叫一聲， 

我重申，是劃破天際那種分貝的大叫。 

「呀！」還未搞清什麼事，墨已整個人跳到我身上，我感覺到她的身上，正在不停的抖。