一個被MK妹改變既毒撚(修正版)新結局: 緣
返到學校我搵呀晴俾果個金字塔佢 問之後應該點
「晴... 我捉左佢入個東南西北到之後變左個金字塔」
「哦 你封左隻鬼... 勤... 做咩個金字塔有一達達野嘅」
「果啲係...」
呀晴拎住個金字塔
「勤 我用我嘅眼睇到果啲一達達係 你嘅精華...」
「嗯 我時我諗住一滴精三滴血就...」
「不過個金字塔有異常 隻鬼仲係到 佢好似吸收左你陽氣 佢無哂啲怨恨應該唔會再傷人不過精液本身就極陽之物 鬼應該會馬上被消滅 但係佢做咩仲係到...」
「會唔會係我含左落口之後吐左落佢到...」
呀晴用好奇怪嘅目光望住我
「你食自己啲精？ 你變態？」
我無言而對...
「唔係我想食啊 只不過呀思佢...」
呀晴佢好似諗通左
「呀思？ 唔通... 果啲係房事之後嘅精華？」
「嗯 果時我同呀思佢... 之後我就...」
呀晴打斷我說話
「本身精液係極陽 但係房事之後就會有女性嘅陰氣中和所以容易俾鬼吸收 你想唔想見返隻鬼...」
吓見返隻鬼 傻嘅？ 好恐怖喎 不過有呀晴係到應該唔會有咩事發生...
「好喇 不過你要睇住我啊... 晴」
「好喇 不過佢唔會再害人」
呀晴對住個金字塔合埋眼 念咒
係個金字塔頂浮左個女仔出黎個女仔好靚 白衫 長髮 氣質高雅
「嘩 佢就係我係長洲果隻鬼？」
「係啊...」
隻鬼真係好索 模特兒身材... 嘩 隻鬼望住我對我講
「多謝你... 你搞到我放低哂所有怨恨 所以我會報答你」
吓... 話要報答我？
「唔洗...喇」
「要嘅 我依家已經要決心成佛 成佛之前要報答你 不過你唔洗依家答我 諗清楚先喇 細野我唔做嫁」
隻鬼講完就對呀晴點點頭就入返去個金字塔到。呀晴同我講
「聽到喇... 隻鬼要報答你 咁隻鬼住我到先喇 我識處理仲有 我要幫佢報名辦成佛嘅手續」
「好喇」
「隻鬼叫呀杞 要記住 係喎俾你個銀包我」
我唔知做咩 不過照俾 叫呀杞？ 幾好聽啊
呀晴放左張黃色紙入我銀包 張紙有個杞字
「咩黎... 唔通係呀杞嘅...」
「唔係啊 張黃色紙就姐係你們所謂嘅合約同橋樑 所以係鬼界中 呀杞會保護你」
我係唔係受保護動物啊... 陽就係思保我 陰就係杞保我...
我唔想做弱者...
放學了 思哥係門口等我 因為不嬲我都係門口等呀思再一齊返屋企
「喂 勤」
「做咩啊 思哥」
思個呀哥伸手入褲袋， 死 會唔會佢想拎刀捅我
點知佢...佢拎出一疊銀紙俾我
「嗱 勤 俾你」
吓做咩要俾錢我...
「算吧喇思哥 我唔會離開呀思」
「屌你咩 邊個叫你 離開呀思 打撚死你啊」
「咁你做咩要俾咁多錢我...」
「因為我已經當你係契細佬」
屌啊 我幾時做左你契弟...
「唔洗喇 ...咁多錢...」
當呀思哥數緊銀紙 呀思見到佢呀哥數緊銀紙 就沖左埋黎
「哥... 你做咩收我呀勤錢...」
「無啊 呀妹...」
「咁依啲咩黎... 唔通係冥通啊？」
我就幫思哥講好說話
「唔係啊 係保護費黎...」
思哥個樣無奈左 而呀思就望住我
「保護費？」
我馬上就解話「係 保護你嘅費用 不過我係都話唔要 佢係都要俾我 叫我好好照顧你啊 傻妹」
呀思聽到之後講左句
「傻瓜」
之後面都紅哂跑走左，佢呀哥好似預計左所以無俾反應仲冷笑左一下 我諗住追嘅時候思哥話
「唔洗追喇 勤」
唔追？ 條女我嫁...
「果個你個妹黎...」
「你識佢耐定我耐啊 屌你老母 佢係咁 少少尷尬就會自己跑左去 佢應該自己返左屋企姐」
「但係...」
思哥面色沉重捉住我隻手...
屌啊 唔通佢係基嘅... 無嗱嗱捉住我隻手 我發現有啲唔對路 我嗌左出黎
「屌你做咩啊 思哥」
思哥扯左我埋去佢身前 好近... 就黎嘴對嘴
屌唔通係個妹控嘅死基佬... 定係其實佢當思同佢自己係兩姊妹
呀思哥望住我隻眼 好似同我過電咁... 眼睛果然係靈魂之窗 屌... 好撚基啊...
思哥打破沉默
「勤... 我...」
思哥隻手果然大力... 握到我隻手好痛 思哥佢好似有野想講
「勤... 五萬夠唔夠... 」
五萬就想暢遊我後庭花園 播種？
「五萬... 拎黎做咩...」
呀思哥佢面無表情
「幫我... 好快姐」
屌啊 好快 唔係時間問題...
「你基 你早洩 關我咩事 」
思哥聽到之後焮過火屎
「屌你老母 你係唔係想見紅啊 咩早洩啊」
仆街喇...佢只係否認左早洩 無否認唔係基 不過唔可以俾佢再惡化落去
「我個屎忽 唔會為你而流血嘅」
思哥聽到之後怒啤住我
思哥一野摑落我塊面到 屌無撚野？ 唔接受就要打？ 思哥好勞氣咁同我講
「基你老母啊 我有女朋友」
屌佢有女朋友姐係佢係1仔？ 佢想我做 0仔？
「思哥...我...」
思哥打斷我說話
「勤你唔好誤會 第一我唔係基 第二我就黎坐監」
屌咁你咪岩囉又有櫃通 又有番梘執不過咩事...
「思哥你做咩要坐監」
「我幫公司做野 而且俾人捉左 因為 傷人罪 要入獄 兩個月」
「傷人？ 入獄？」
「係啊」
思哥就再次伸手入褲袋拎多次果疊銀紙出黎俾五萬我
「我坐監果時同我好好睇住呀思 仲有唔好再呀思講我去左坐監」
「睇住呀思唔洗五萬掛...」
「當係生活洗費」
「好 ... 咁我明白 但係呀思問到點講...」
「咪話去左旅行囉戇鳩仔」
我接過銀紙之後 佢叫我去搵呀思 屌聽完佢講廢話都七點喇
我打俾呀思
「喂 呀思 你係邊到」
「我係你間房啊 玩緊你電腦 不過做咩我搵唔返我去長洲之前嘅遊覽紀錄...」
「哦... 可能中左電腦病毒掛... 我返緊黎搵你」
「咁好喇 我上網搵下啲COSPLAY衫先」
「嗯 好喇 」
我銀行存完錢之後就返到左屋企 見到呀思佢坐左係張床到
「思... 我有野同你講 岩岩你早走左...」
「勤 我係唔係好仆街 明明有個咁愛我嘅呀哥」
「唔係啊... 人之常情姐 你咁易尷尬 真係好可愛」
「係咩 我真係咁可愛咩」
「係啊」
「你有咩同我講 呀勤」
係時候幫思哥講大話
「思你呀哥呢 想同你講 佢要去旅行喎 去敘利亞 要尋找人生意義喎」
「佢自己一個？」
「唔係同有佢女朋友...」
呀思沖滿左懷疑同疑問嘅樣
「女朋友？」
死喇 呀思開始懷疑...點做好呢...繼續講落去算喇...
「係啊 女朋友啊 乜你唔知咩...」
呀思聽到之後馬上扁嘴
「勤 你唔洗呃我喇 」
吓呀思你對自己呀哥好無信心咩 唔信自己個呀哥有女朋友...
「點會無女啊 你呀哥話哂都係咩勢力嘅大佬 一定有好多女嫁」
呀思開始拍我背脊
「勤 講喇 唔洗呃我喇」
如果講出黎嘅話佢呀哥一定打死我...如果係咁試下轉話題扮傻先
「思... 做咩你唔信你個大佬無女 佢又中上 又大隻 又好抽 一定好有安全感」
「勤 我呀哥係個好專一嘅人...如果搵一種生物形容佢 佢就係小丑魚」
小丑魚？唔通
「你呀哥條女死左？」
呀思點點頭
「如果你係其他人面前話佢有女 佢一定打撚死你 唉... 人真係脆弱」
唔係掛...佢呀哥咁MK 專一應該無可能...
「佢女友點離開佢嘅 唔通病？」
呀思開始流眼淚
「當然唔係... 係兇殺案」
吓...兇殺案....
「邊個殺架... 係邊到死嫁... 原因呢...」
呀思開始低頭用雙手掩住塊面係到顫抖 我只好輕輕掃背
「果時 呀哥出左去打比賽陪唔到佢去長洲 果時計埋佢女朋友只有三個女仔 所以被個強盜睇中左... 係夜晚嘅時間俾佢洗劫嘅時候殺死嘅 但係最後個強盜都自殺...」
長洲？ 強盜？ 唔通... 兇殺現場就係我地之前租果間房...唔會掛...
「思... 你呀哥個女朋友係唔係死係小築果邊 」
呀思個樣好驚訝...
「吓... 勤你點知嫁...」
仆街 真係果間 估唔到隻鬼唔搞呀思，只係搞我一個...
「唔知你信唔信都好... 我地長洲租果間屋就係兇殺案現場」
呀思望實我
「你話果間就係... 杞姐姐死嘅地方... 我地仲係果地搞野...」
死喇點解釋好呢...
「我返左黎先知... 個屋主返左黎先同我講...」
咪住先...杞 個名咁熟... 啊 呀晴講過...隻鬼叫呀杞...
呀思攬住我係到喊 細細聲咁講
「杞姐姐佢好...好錫我 果次之後... 之後呀哥變哂... 佢好自責 一直認為如果當時佢係到 就唔會發生依件事...」
估唔到思哥係咁長情嘅人...
「估唔到你呀哥 係咁可憐...」
「係啊 杞姐姐佢 果時都有跟我呀哥打拳... 我呀哥依家日日去打拳 黎懷念之前嘅回憶... 而我... 就... 想盡最後一點心意 親自搵錢俾帛金 杞姐姐 所以先... 去左做援交」
我點點頭而呀思繼續講
「雖然係援交 但係只係陪人出下街 食下飯 無做啲不道德行 果時個客人要我著校服話俾多一千我 我係更衣室換之後俾佢偷拍左 一定係杞姐姐有保佑我令我遇上你 所以先... 有依家咁幸福」
估唔到喇... 杞果一腳同思哥嘅拳都係差唔多...不過如果冇記錯果一宗兇殺案 係開學之前幾個月發生嘅...可能真係 杞佢嘅安排 ...
「如果你咁講 杞姐...姐 就係我地嘅雞仔媒人...」
思微笑咁點點頭
「嗯 我相信一定係 」
我不停慢慢撫摸思個頭之後思訓著左 我抱左佢落床 而我就攬住佢係佢隔離自言自語
「杞 交呀思俾我喇 我會好好保護佢」
我講完唔洗幾分鐘就訓著左
我見到自己係海入面 慢慢 飄浮 緊閉雙眼嘅我，聽到有一把女仔聲慢慢傳過黎 把聲好熟悉 不過唔係呀思把聲。
「勤... 勤... ... ... 勤」
熟悉嘅聲音一直呼叫住我個名
聲音越來越接近 越來越大聲 越來越清楚
「勤... 可唔可以幫我 勤...」
我打開雙眼發現自己唔係係海入面 而係訓係個大草地
「勤 ... 依到呀.. 勤...」
我見到大樹下 有個著連身裙嘅女仔向我揮手但係距離太遠 又背光 睇唔到個樣
「依到啊 勤」
佢不斷呼叫我
因為好奇心 我企左起身向樹嘅方向走 走到佢面前 見到佢個樣 我知道喇
佢就係呀杞 之前係班房見過佢真面目
「杞 你唔係去成佛咩... 做咩仲係到... 」
杞佢擰頭
「未住 我仲未夠最低入職要求...」
成佛都要入職要求？
「個入職要求係咩...」
杞佢用輕鬆嘅語氣講
「要 完結左自己嘅心願先得」
又搵我黎搞？
「咁你嘅心願係咩...」
杞面紅微笑 對我講
「勤 我一直都想生隻細路 你可唔可以幫我同呀健生個細路啊」
健？邊個黎？
「邊個係健...」
杞佢面紅到成個蘋果咁
「思個呀哥啊 我老公啊」
屌啊 係唔係個個女仔都想睇人搞基啊 屌... 思又係鐘意BL 你仲想我同你條仔生仔添
首先我無子宮 更加無卵子 點樣生啊... 就算生左都唔係你架
「大佬啊 唔係我唔想幫 但係我男人老狗點幫...」
杞佢望住我然後兩隻手指係到打圈
「我之前已經張卵子 放左係...」
唔撚係掛 唔通係踢我果一腳... 我打斷左杞嘅說話
「唔撚係掛... 屌... 」
杞見到我嘅表情咁 就用可憐樣對我講
「你唔願意？」
屌 點願意 就算有做 點生啊 會無限放大... 擴大左之後可能連屎都忍唔到一世要裝屎袋過活...
「我... 唔想做媽媽」
杞明白我原來諗錯左隔離之後矯正我
「唔係叫你生啊 我早幾年 因為有病所以不育 我係手術之前抽取左健康嘅卵子 係智能冷凍庫 所以 想你叫呀健佢拎我啲卵子 去搵代母 幫我生」
我明白了
「點幫啊...」
「大師之前咪俾左張黃紙你嘅 果到就係我係美國個冷凍庫嘅編號同密碼 放心我已經寫左健個名 只要佢去美國個冷凍庫 然後就有代母 幫手 因為我買左個包生仔套餐」
我拎出黃紙 見到鬼畫符我試下打橫睇 點知原來係英文
「明白了 杞不過... 健佢就要坐監 兩個月」
「嗯 我知」
「你知？」
「嗯 因為我依附左少少係張紙到」
估到喇...
「勤對唔住...」
「對唔住？做咩要對唔住」
「之前係長洲咁對你...」
「哦...」
「我睇下你保唔保護到呀思 估唔到真係無令我失望 不但可以保護呀思 仲有能力滿足到佢 嘿嘿嘿~」
「杞 咁就係時候就交呀思俾我 仲有你想我聽日講 定係佢坐完先講...」
「好啊 咁就俾佢出左黎先喇咁 我都唔急 因為我應承左你要幫你做一件事 」
杞講完依句之後 閃出一片白光 其後鬧鐘響了 係時間起身了
同平日一樣起身刷牙洗面，我同思換好衫出門。落街見到思個呀哥同佢班手下 佢叫住我地
「妹...」
呀思同我拖住手行向佢呀哥到
「哥 做咩啊 聽呀勤講 你要去旅行 係唔係真嫁」
思哥吞一吞口水 點點頭
「係啊 你呀哥我去旅行 散下心」
唉 我諗返起思個呀哥真係好可憐 唔想俾個妹知道自己要坐監而講大話 突然佢拍我膊頭
「勤 你要睇好我個妹 有咩事嘅話 我唔會放過你」
思聽到之後就用力攬住我手臂
「放心喇 勤會保護我 哥你放心去喇」
我果一刻真係想屌出黎 屌呀思 你呀哥去坐監啊...
「嗯放心交俾我喇...」
我見到佢呀哥對我微笑 果一刻我感覺到佢嘅信任，佢揮一揮手 佢班手下就散咁走開而佢就自己頭也不回另轉身就走左去。
我覺得佢呀哥真係好型係一個浪子。
返到班房我見到杞企係晴後面。我可能已經見慣左所以就無感覺了 我輕輕對住呀晴講早晨而向呀杞點點頭。
「早晨 晴」
「早晨 勤 沉日訓得好唔好 聽呀杞講 佢去左你夢境搵你」
「係啊 杞佢 黎交代心願」
「嗯 係我叫呀杞搵你幫手嫁」
我望住呀杞 再同呀晴講
「你驚唔驚啊 杞佢... 係個班房到 會唔會俾人見到」
「呀勤啊 放心喇 其實鬼係可以自己選擇俾邊個見到」
原來鬼可以係日頭活動 真係俾電影誤解哂
「我原本唔知 原來成佛都要最低入職要求」
晴開始講解
「係啊 成佛最低職要求係唔可以做鬼果時殺人 因為有鬼會選擇殺人搵替身會快啲投胎 就好似你要拎公屋就結婚生仔就會加分 排快啲」
「殺人反而係快啲投胎？」
「係啊 我都唔知點解」
「第二個就係要完左心願？」
「係啊 無錯 所以成佛 係好難架」
「咁可唔可以俾呀思見到佢」
杞馬上開口講
「我唔想俾呀思見到... 因為我怕我會唔捨得...」