我都唔想收兵做娘娘: 哭

「做咩呀你，做咩喊？」袁柏楓遞給我一張紙巾。
 
「你知唔知呀樂……」
 
「我知。」
 
袁柏楓還是一直在吃手上那一半夾餅。我從來沒有這樣仔細留意他的樣子，他雖長得不英俊，又有一點胖，但還挺可愛的。
 
「咁你係咪真係唔鍾意呀樂？」袁柏楓的問題令我感到錯愕。他不是呀樂的好朋友嗎？
 




「唔係呀，真係唔係呀。」看著他傻乎乎的繼續吃夾餅，令我哭笑不得。
 
他輕輕拍拍我的頭，跟我說：「你笑下咪幾靚。」
 
吃過夾餅，他陪伴我回家，再次走到我樓下。
 
「其實你電話number係咩呀，我一直都唔知。」我問。
 
「59635556。」他果真不是「63698185」。
 




「你係咪3台架？」我一邊將他的號碼輸入在聯絡人名單中。
 
「係。」他拿出手機，看到來電號碼，再將我的號碼輸入在聯絡人名單中。
 
「我返去啦，byebye。」我轉身打算進入大門回家。「喂，你住呢邊架咩？」我回頭再問。
 
「唔係呀，我轉車。」袁柏楓說。突然，我想起JESSICA說過，袁柏楓是在藍田獨居的。
 
「特登黎轉車？」我故意詐作不知。「係呀，快D返到去嘛。」
 




說罷，他向我揮手然後轉身就離開。
 
「多謝你。」那一天，我第一次跟他傳短訊。