12夜: 禮頓道幸運的煙

「我以前條仔真係好鍾意吃醋！」Kary說完這句，很習慣地呼出一口煙。

Kary的前度，就如禮頓道的這口煙一樣，吸進了肺，轉了個圈，然後呼出在空氣之中，慢慢變淡，最後消失，幸運的話，或許還可以留下淡淡的煙味。

「你凍唔凍呀？我知你一定唔記得帶衫，頭先間Cafe咁凍，不如你著住我件褸先。」阿樂沒有理會剛噴在他臉上的那口煙，面對眼前這位偶然憶起前度的Kary，似乎正是表現自己的大好機會。

「我覺得你好細心」Kary一邊接過大褸，臉上露出甜美的淺笑，深深的酒渦，一下子就把阿樂深深吸引住。

「其實我覺得，如果真係鍾意一個人，又點會咁易吃醋呀！應該信任對方。」眼見KARY穿上自己的衣服，阿樂此刻信心大增。





Kary是他公司的一個新同事，青春、美麗，條件很好，即使上班的第一天，已經成為公司女同事的公敵，是非頓生，阿樂於是把她調到自己組內，亦希望有天可以抱進自己懷內。

「話時話，當係為咗自己，我想你戒煙。」阿樂忽然認真地說，眼前這個女人，令他很想擁有，而擁有的最佳證明，就是要令對方為自己改變。

「好呀，呢支就係我嘅最後一支煙。」 這晚的禮頓道街頭，他需要透露的，是關心，她需要的，是決心。
「係真唔係呀，每次同你Whatapp嗰陣，其實都好想知你做緊咩，仲搞到我成日望住電話等你回復」阿樂見Kary大方答應，馬上暗表心跡，女方一直多人追求，他是知道的。

「做咩啫？驚我畀人搶走呀？吃醋呀？」Kary甜笑着說的簡單一句，卻令曖昧關係明朗起來。
阿樂內心一下子心花怒放，就如一支剛燃點的香煙一樣，很濃很強烈！一想到她竟在乎我的吃醋！便沖口而出





「梗係喇！傻豬！」

二人甜甜的笑了