[夢境與現實的交替]復仇性玩偶: 第五章，夢境~分手那一次

時間，好似又翻到我地分手果年

係我地第一次真正意義上既分手，果年係十六歲，仲記得果個係青靚白淨，高高瘦瘦既啊庭，果時，當然仲係稱呼佢啊庭喇

最記得果次，係佢最傷我心，比宜家折磨我更加傷心既理由，我竟然比佢呃左三年，我最好，最親近既好朋友竟然先係佢既初戀，佢地兩個仲足足夾埋瞞左我三年

佢地真係蠢，以為可以瞞到我一世，衰人吳浩庭仲呃左我隻豬，佢話過，我係佢第一個，佢都係我第一個嘎

最嬲既係，佢地三年，之間，每逢我好朋友生日就會失蹤，原來後來比我知道，啊庭佢......





[妳好，我叫啊薇吖，至於全名，妳就唔好問喇，妳都可以叫我Vivian嘎] 尼個就係啊薇，而宜家就係我地認識講既第一句話，果陣我地中學入學第一日就認識左，係大學之前，我地都係同班同位同好朋友

[妳好......我...我叫胡芳...芳啊，可以叫我芳芳嘎]剛從小學升上中學既我，仲係一貫既怕醜，份人比較靦腆，見到咁靚女既同位，咁近距離，已經足夠面紅都落課

[乜妳咁怕醜嘎，芳芳！唔可以咁既，對住我都咁喇，咁妳第日對住鍾意既男仔，仲唔心臟病發咩，哈哈...]尼個瞬間，啊薇尼個充滿親和力既笑容已經佔據左我既心

啊薇既性格比較開朗同外向，雖然我身高高過佢，不過好多時候遇到咩事，都係由佢保護我，無辦法喇，鬼叫我天生怕醜咩，所以我地班既同學，除左叫我成田公主之外，我仲有個鐸⋯⋯

非常怕醜女⋯⋯





由於大家都叫啊薇做Vivian，所以就算連同位既我，都唔知道啊薇全名

係一次機緣巧合之下，因為啊薇既全名，我第一次，遇到啊庭⋯⋯

果次係為左同啊薇一齊去交翻功課比先生，所以就經過我地唔經常經過既男廁

因為同一樓層，男女廁，係分開響兩邊

[李露薇⋯⋯]一把搞怪既男聲衝背後傳出





啊薇當堂拉住我停係度，怒目而視咁望翻轉頭

[真係妳喔，李露薇，妳知唔知我好掛住妳啊，睇來主，真係聽到我禱告，我地又試同校喇]

響我眼前，笑得又無賴，講野又做作既，就係啊庭，尼個，係我地第一次遇見既畫面⋯⋯